ਕੈਲਗਰੀ ਮਸਾਜ ਥੈਰੇਪਿਸਟ ਜਿਨਸੀ ਸ਼ੋਸ਼ਣ ਦੇ ਦੋਸ਼ ਵਿਚ ਚਾਰਜ

ਕੈਲਗਰੀ ਦੇ ਇਕ ਮਸਾਜ ਥੈਰੇਪਿਸਟ ਨੂੰ ਜਿਨਸੀ ਸ਼ੋਸ਼ਣ ਦੇ ਦੋਸ਼ ਵਿਚ ਚਾਰਜ ਕੀਤਾ ਗਿਆ ਹੈ। ਪੁਲਿਸ ਨੇ ਇਸ ਸਾਲ ਫਰਵਰੀ ਮਹੀਨੇ ਇਸ ਮਾਮਲੇ ਦੀ ਜਾਂਚ ਸ਼ੁਰੂ ਕੀਤੀ ਸੀ। ਪੁਲਿਸ ਮੁਤਾਬਕ ਡੋਨਾਲਡ ਪੈਟ੍ਰਿਕ ਹੈਰਿਸ ਕੈਨਿਯਨ ਮੀਡੋਜ਼ ਡਰਾਈਵ ਅਤੇ ਬੋਨਾਵੈਂਚਰ ਡਰਾਈਵ ਦੱਖਣ-ਪੂਰਬ ਨੇੜੇ ਪਾਰਕਵਿਊ ਮਸਾਜ ਅਤੇ ਵੈਲਨੈਸ ਨੂੰ ਚਲਾਉਂਦਾ ਹੈ।

ਪੀੜਤ ਦਾ ਦੋਸ਼ ਹੈ ਕਿ ਹੈਰਿਸ ਨੇ ਜਨਵਰੀ ਵਿਚ ਉਸ ਕੋਲੋਂ ਮਸਾਜ ਕਰਵਾਈ ਸੀ ਅਤੇ ਇਸ ਦੌਰਾਨ ਉਸ ਨੇ ਉਸ ਨੂੰ ਗਲਤ ਤਰੀਕੇ ਨਾਲ ਛੂਹਿਆ। 46 ਸਾਲਾ ਹੈਰਿਸ ਨੂੰ ਜਿਨਸੀ ਸ਼ੋਸ਼ਣ ਦੇ ਦੋਸ਼ ਵਿਚ ਚਾਰਜ ਕੀਤਾ ਗਿਆ ਹੈ। ਉਸ ਨੂੰ ਮਈ ਮਹੀਨੇ ਅਦਾਲਤ ਵਿਚ ਪੇਸ਼ ਕੀਤਾ ਜਾਣਾ ਹੈ।