23.73C Vancouver 23.73C VancouverAug 9, 2024 6:16 PM - The Canadian Press
ਕੈਲਗਰੀ ਦੀ ਮੇਅਰ ਜੋਤੀ ਗੋਂਡੇਕ ਨੇ ਦੱਸਿਆ ਕਿ ਸਿਟੀ ਵਿਚ ਪਾਣੀ ਦੀ ਫੀਡਰ ਮੇਨ ਪਾਈਪ ਵਿਚ ਖਰਾਬੀ ਪਾਈ ਗਈ ਹੈ। ਇਸ ਲਈ ਇਸ ਦੀ ਮੁਰੰਮਤ ਅਤੇ ਰੀਪਲੇਸਿੰਗ ਲਈ ਕਾਫੀ ਸਮਾਂ ਲੱਗ ਸਕਦਾ ਹੈ। ਉਨ੍ਹਾਂ ਕਿਹਾ ਕਿ ਬਸੰਤ ਰੁੱਤ ਵਿਚ ਪਾਈਪ ਨੂੰ ਲਾਈਨ ਮਜ਼ਬੂਤ ਕੀਤਾ ਜਾਵੇਗਾ ਅਤੇ ਇਸ ਨੂੰ ਪੂਰੀ ਤਰ੍ਹਾਂ ਨਵੀਂ ਕਰ ਦਿੱਤਾ ਜਾਵੇਗਾ।
ਨੌਰਥਵੈਸਟ ਕੈਲਗਰੀ ਵਿਚ ਜੂਨ ਮਹੀਨੇ ਦੀ ਸ਼ੁਰੂਆਤ ਵਿਚ ਪਾਈਪ ਵਿਚ ਖਰਾਬੀ ਆਈ ਸੀ ਜਿਸ ਕਾਰਨ ਤਕਰੀਬਨ ਇਕ ਮਹੀਨਾ ਲੋਕਾਂ ਨੂੰ ਬਗੀਚਿਆਂ ਵਿਚ ਪਾਣੀ ਲਾਉਣ ਦੀ ਇਜਾਜ਼ਤ ਨਹੀਂ ਮਿਲੀ ਸੀ। ਹੁਣ ਪਾਈਪਲਾਈਨ ਠੀਕ ਕਰਨ ਲਈ 26 ਅਗਸਤ ਤੋਂ ਸਟੇਜ 4 ਦੀਆਂ ਪਾਬੰਦੀਆਂ ਜਾਰੀ ਕੀਤੀਆਂ ਜਾਣਗੀਆਂ। ਜਦ ਤੱਕ ਬੀਅਰਸਪਾ ਦੱਖਣੀ ਫੀਡਰ ਮੇਨ ਦੀ ਮੁਰੰਮਤ ਦਾ ਕੰਮ ਮੁਕੰਮਲ ਨਹੀਂ ਹੁੰਦਾ ਤਦ ਤੱਕ ਇਹ ਪਾਬੰਦੀਆਂ ਜਾਰੀ ਰਹਿਣਗੀਆਂ।
ਪਾਈਪ ਡਾਇਵਰ ਡਿਵਾਈਸ ਤੋਂ ਪਤਾ ਲੱਗਾ ਹੈ ਕਿ ਪਾਈਪ 16 ਪੁਆਇੰਟ ਤੋਂ ਕਾਫੀ ਕਮਜ਼ੋਰ ਹੈ ਅਤੇ ਸਤੰਬਰ ਦੇ ਆਖਿਰ ਤੱਕ ਇਸ ਨੂੰ ਠੀਕ ਕੀਤਾ ਜਾ ਸਕੇਗਾ। ਆਸ ਹੈ ਕਿ ਕੰਮ 23 ਸਤੰਬਰ ਤੱਕ ਪੂਰਾ ਹੋ ਜਾਵੇਗਾ ਪਰ ਸਮਾਂ ਘੱਟ-ਵੱਧ ਹੋ ਸਕਦਾ ਹੈ।
ਸਟੇਜ 4 ਦੀਆਂ ਪਾਬੰਦੀਆਂ ਤਹਿਤ ਘਰਾਂ ਅਤੇ ਕਾਰੋਬਾਰਾਂ ਨੂੰ ਬਗੀਚਿਆਂ ਜਾਂ ਲਾਨਸ ਵਿਚ ਪਾਣੀ ਦੀ ਵਰਤੋਂ ਅਤੇ ਖਿੜਕੀਆਂ ਜਾਂ ਫਰਸ਼ ਧੋਣ ਦੀ ਇਜਾਜ਼ਤ ਨਹੀਂ ਹੋਵੇਗੀ। ਜੇਕਰ ਕੋਈ ਅਜਿਹਾ ਕਰਦੇ ਦੇਖਿਆ ਗਿਆ ਤਾਂ ਉਸ ਨੂੰ $3,000 ਜਾਂ ਇਸ ਤੋਂ ਵੱਧ ਦਾ ਜੁਰਮਾਨਾ ਹੋ ਸਕਦਾ ਹੈ।
