13.37C Vancouver 13.37C VancouverJun 26, 2025 6:42 PM - The Canadian Press
ਕੈਲਗਰੀ ਪੁਲਿਸ ਨੇ ਸੀ ਟਰੇਨ ਦੇ ਇਕ ਡਰਾਈਵਰ ਨੂੰ ਅਪ੍ਰੈਲ ਮਹੀਨੇ 11 ਸਾਲਾ ਬੱਚੇ ਨੂੰ ਟੱਕਰ ਮਾਰਨ ਦੇ ਦੋਸ਼ ਵਿਚ ਚਾਰਜ ਕੀਤਾ ਹੈ। ਇਹ ਹਾਦਸਾ 17 ਅਪ੍ਰੈਲ ਨੂੰ ਸਵੇਰੇ ਕਰੀਬ 8.15 ਵਜੇ ਸਿਟੀ ਦੇ ਨੌਰਥਵੈਸਟ ਵਿਚ ਬੈਂਫ ਟ੍ਰੇਲ ਸਟੇਸ਼ਨ ਨੇੜੇ ਵਾਪਰਿਆ ਸੀ। ਦੱਸਿਆ ਜਾ ਰਿਹਾ ਹੈ ਕਿ ਬੱਚਾ ਇੱਥੋਂ ਪੈਦਲ ਜਾ ਰਿਹਾ ਸੀ ਅਤੇ ਟਰੇਨ ਨੂੰ 60 ਸਾਲਾ ਗੋਰਡਨ ਸਟੀਵ ਫਰਡੀਨੈਂਡਸ ਚਲਾ ਰਿਹਾ ਸੀ।
ਬੱਚਾ ਮਾਰਕਡ ਕਰਾਸਵਾਕ ਤੋਂ ਲੰਘ ਰਿਹਾ ਸੀ ਅਤੇ ਟਰੇਨ ਸਟੇਸ਼ਨ ਵਿਚ ਦਾਖਲ ਹੋਈ ਅਤੇ ਬੱਚੇ ਨੂੰ ਟੱਕਰ ਮਾਰ ਦਿੱਤੀ। ਇਸ ਕਾਰਨ ਬੱਚਾ ਜ਼ਖਮੀ ਹੋ ਗਿਆ ਅਤੇ ਗੈਰ-ਗੰਭੀਰ ਹਾਲਤ ਵਿਚ ਹਸਪਤਾਲ ਦਾਖਲ ਕਰਵਾਇਆ ਗਿਆ।
ਟ੍ਰੈਫਿਕ ਯੂਨਿਟ ਨੇ ਜਾਂਚ ਮਗਰੋਂ ਟਰਾਂਜ਼ਿਟ ਕਰਮਚਾਰੀ ਫਰਡੀਨੈਂਡਸ ਨੂੰ ਬੇਧਿਆਨੀ ਨਾਲ ਡਰਾਈਵ ਕਰਦਿਆਂ ਸਰੀਰਕ ਨੁਕਸਾਨ ਪਹੁੰਚਾਉਣ ਲਈ ਚਾਰਜ ਕੀਤਾ ਹੈ। ਡਰਾਈਵਰ ਨੂੰ 3 ਸਤੰਬਰ ਨੂੰ ਅਦਾਲਤ ਵਿਚ ਪੇਸ਼ ਕੀਤਾ ਜਾਣਾ ਹੈ।
