ਕੈਲਗਿਰੀ ਦਾ ਸਭ ਤੋਂ ਪੁਰਾਣਾ ਗ੍ਰੈਂਡ ਥੀਏਟਰ ਬੰਦ ਹੋਣ ਦੇ ਕਿਨਾਰੇ

ਕੈਲਗਿਰੀ ਦਾ ਸਭ ਤੋਂ ਪੁਰਾਣਾ ਗ੍ਰੈਂਡ ਥੀਏਟਰ ਬੰਦ ਹੋਣ ਕਿਨਾਰੇ ਖੜ੍ਹਾ ਹੈ। ਅਜੇ ਦੋ ਦਿਨ ਪਹਿਲਾਂ ਹੀ ਥੀਏਟਰ ਨੇ ਆਪਣਾ 112ਵਾਂ ਜਨਮਦਿਨ ਮਨਾਇਆ ਸੀ ਪਰ ਅੱਜ ਇਸ ਦੇ ਕਾਰਜਕਾਰੀ ਨਿਰਦੇਸ਼ਕ ਦਾ ਕਹਿਣਾ ਹੈ ਕਿ ਮਕਾਨ ਮਾਲਕ ਨਾਲ ਅਸਥਾਈ ਸਮਝੌਤਾ ਟੁੱਟਣ ਤੋਂ ਬਾਅਦ ਉਹ ਥੋੜੇ ਦਿਨ ਦਾ ਹੀ ਮਹਿਮਾਨ ਹੈ।

1912 ਵਿੱਚ ਖੋਲ੍ਹਿਆ ਗਿਆ ਗ੍ਰੈਂਡ ਥੀਏਟਰ ਆਪਣੇ ਜੀਵਨ ਦੇ ਜ਼ਿਆਦਾਤਰ ਸਮੇਂ ਲਈ ਪੱਛਮੀ ਕੈਨੇਡਾ ਦਾ ਸਭਿਆਚਾਰਕ ਕੇਂਦਰ ਰਿਹਾ ਸੀ। ਇਤਿਹਾਸਕਾਰ ਡੌਨ ਸਮਿਥ ਦਾ ਕਹਿਣਾ ਹੈ ਕਿ ਇਹ ਕਲਾ ਦੇ ਪ੍ਰਦਰਸ਼ਨ ਦਾ ਕੇਂਦਰ ਸੀ।

ਸਮਿਥ ਨੇ ਆਪਣੇ ਸੁਨਿਹਰੇ ਦਿਨਾਂ ਦੀ ਯਾਦ ਦੇ ਇਸ ਦੁਖਾਂਤ ’ਤੇ ਅਫਸੋਸ ਜਤਾਇਆ ਹੈ। 3 ਸਾਲ ਪਹਿਲਾਂ ਗ੍ਰੈਂਡ ਵਿਕ ਗਿਆ ਸੀ।

ਇਸ ਦੇ ਕਾਰਜਕਾਰੀ ਨਿਰਦੇਸ਼ਕ ਇਸ ਨੂੰ ਚਾਲੂ ਰੱਖਣ ਲਈ ਨਵੇਂ ਮਕਾਨ ਮਾਲਕ ਨਾਲ ਸੌਦਾ ਕਰਨ ਦੀ ਕੋਸ਼ਿਸ਼ ਕੀਤੀ ਪਰ ਕੁਝ ਹਫਤੇ ਪਹਿਲਾਂ ਹੀ ਇਹ ਸੌਦਾ ਅਸਫਲ ਹੋ ਗਿਆ।