12.67C Vancouver 12.67C VancouverDec 24, 2020 9:30 PM -
ਅਮਰੀਕਾ ਦੇ ਕੈਲੀਫੋਰਨੀਆ 'ਚ ਅੱਜ ਕੋਵਿਡ-19 ਦੇ ਮਾਮਲੇ 2 ਮਿਲੀਅਨ ਦਾ ਅੰਕੜਾ ਪਾਰ ਕਰ ਗਏ ਹਨ।
ਅਮਰੀਕਾ 'ਚ ਛੁੱਟੀਆਂ ਦੇ ਦੌਰਾਨ ਯਾਤਰਾ ਅਤੇ ਇਕੱਠ ਹੋਣ ਵਿਚਾਲੇ ਵਾਇਰਸ ਸੰਬੰਧੀ ਮਾਮਲੇ ਹੋਰ ਵਧਣ ਦਾ ਖਤਰਾ ਦਸਤਕ ਦੇਣ ਨੂੰ ਤਿਆਰ ਮੰਨਿਆ ਜਾ ਰਿਹਾ ਹੈ।
ਕੈਲੀਫੋਰਨੀਆ 'ਚ ਪਹਿਲੇ ਇੱਕ ਮਿਲੀਅਨ ਮਾਮਲਿਆਂ ਦਾ ਅੰਕੜਾ ਸਾਹਮਣੇ ਆਉਣ 'ਚ 292 ਦਿਨ ਲੱਗੇ ਸਨ।
ਪਰ ਇਸ ਤੋਂ ਬਾਅਦ ਪਿਛਲੇ 44 ਦਿਨ ਵਿੱਚ ਦੂਜੇ ਇੱਕ ਮਿਲੀਅਨ ਮਾਮਲੇ ਉਜਾਗਰ ਹੋਏ ਹਨ।
ਲੋਕ ਸਿਹਤ ਮਾਹਿਰਾਂ ਦੀਆਂ ਲਗਾਤਾਰ ਦਿੱਤੀਆਂ ਹਿਦਾਇਤਾਂ ਦੇ ਬਾਵਜੂਦ ਲੋਕਾਂ ਦਾ ਯਾਤਰਾ ਕਰਨਾ ਜਾਰੀ ਹੈ।
ਬੁੱਧਵਾਰ ਨੂੰ ਅਮਰੀਕੀ ਏਅਰਪੋਰਟ ਸਿਕਿਉਰਿਟੀ ਚੈਕਪਾਇੰਟਸ 'ਤੇ 1.19 ਮਿਲੀਅਨ ਯਾਤਰੀਆਂ ਦੇ ਪਾਰ ਕਰਨ ਦਾ ਅੰਕੜਾ ਸਾਹਮਣੇ ਆਇਆ ਹੈ।
ਯਾਦ ਰਹੇ ਅਮਰੀਕਾ 'ਚ ਇਸ ਵਾਇਰਸ ਕਾਰਨ 3,27,000 ਤੋਂ ਵਧੇਰੇ ਲੋਕਾਂ ਦੀ ਜਾਨ ਜਾ ਚੁੱਕੀ ਹੈ।
