28.62C Vancouver 28.62C VancouverJan 8, 2025 1:42 PM - The Associated Press
ਕੈਲੀਫੋਰਨੀਆ ਭਾਰੀ ਜੰਗਲੀ ਅੱਗ ਦਾ ਸਾਹਮਣਾ ਕਰ ਰਿਹਾ ਹੈ, ਲਾਸ ਐਂਜਲਸ ਦੇ ਖੇਤਰ ਵਿਚ ਤਿੰਨ ਵੱਖ-ਵੱਖ ਜਗ੍ਹਾ ਜੰਗਲੀ ਅੱਗ ਤੇਜ਼ੀ ਨਾਲ ਫੈਲ ਰਹੀ ਹੈ, ਜਿਸ ਕਾਰਨ ਹਜ਼ਾਰਾਂ ਲੋਕਾਂ ਨੂੰ ਘਰ ਛੱਡਣ ਲਈ ਮਜ਼ਬੂਰ ਹੋਣਾ ਪੈ ਰਿਹਾ ਹੈ, 1,400 ਤੋਂ ਵੱਧ ਫਾਇਰਫਾਈਟਰਜ਼ ਅੱਗ ਨੂੰ ਕੰਟਰੋਲ ਕਰਨ ਲਈ ਤਾਇਨਾਤ ਕੀਤੇ ਗਏ ਹਨ।
ਤੇਜ਼ ਹਵਾਵਾਂ ਨੂੰ ਅੱਗ ਫੈਲਣ ਦਾ ਕਾਰਨ ਦੱਸਿਆ ਜਾ ਰਿਹਾ ਹੈ। ਰਿਪੋਰਟਸ ਦੀ ਮੰਨੀਏ ਤਾਂ ਪੈਸੀਫਿਕ ਪਾਲਿਸੇਡਸ ਵਿਚ ਅੱਗ ਨੇ ਭਾਰੀ ਤਬਾਹੀ ਮਚਾਈ ਹੈ। ਹਸਤੀਆਂ ਨੂੰ ਵੀ ਘਰ ਛੱਡਣ ਲਈ ਮਜ਼ਬੂਰ ਹੋਣਾ ਪਿਆ ਹੈ। ਇਸ ਵਿਚਕਾਰ ਰਿਐਲਿਟੀ ਟੀਵੀ ਸਟਾਰ ਹੈਦੀ ਮੋਂਟੈਗ ਅਤੇ ਉਸ ਦੇ ਪਤੀ ਸਪੈਨਸਰ ਪ੍ਰੈਟ ਦਾ ਘਰ ਅੱਗ ਦੀ ਭੇਟ ਚੜ੍ਹ ਗਿਆ। ਪੈਸੀਫਿਕ ਪਾਲਿਸੇਡਸ ਇੱਕ ਸ਼ਾਨਦਾਰ ਰਿਹਾਇਸ਼ੀ ਇਲਾਕਾ ਮੰਨਿਆ ਜਾਂਦਾ ਹੈ, ਇਹ ਸੈਂਟਾ ਮੋਨਿਕਾ ਅਤੇ ਪ੍ਰਸ਼ਾਂਤ ਮਹਾਂਸਾਗਰ ਵਿਚਕਾਰ ਵਸਿਆ ਹੈ।
ਕੈਲੀਫੋਰਨੀਆ ਦੇ ਗਵਰਨਰ ਗੇਵਿਨ ਨਿਊਜ਼ੋਮ ਨੇ ਚਿਤਾਵਨੀ ਦਿੱਤੀ ਹੈ ਕਿ ਖ਼ਤਰਾ ਅਜੇ ਟਲਿਆ ਨਹੀਂ ਹੈ।
