17.54C Vancouver 17.54C VancouverMay 6, 2021 5:21 PM -
ਕੈਨੇਡਾ ਨੇ ਆਪਣੇ ਵੈਕਸੀਨੇਸ਼ਨ ਪ੍ਰੋਗਰਾਮ 'ਚ ਬੁੱਧਵਾਰ ਨੂੰ ਇੱਕ ਅਹਿਮ ਅੰਕੜਾ ਪਾਰ ਕਰ ਲਿਆ।
ਕੈਨੇਡਾ ਨੇ ਅਮਰੀਕਾ ਦੇ ਮੁਕਾਬਲੇ ਪਹਿਲੀ ਵਾਰ ਬਿਹਤਰ ਵੈਕਸੀਨੇਸ਼ਨ ਰੇਟ ਦਰਜ ਕੀਤਾ ਹੈ।
ਵਿਸ਼ਵ 'ਚ ਵੈਕਸੀਨੇਸ਼ਨ ਨੂੰ ਟਰੈਕ ਕਰਨ ਵਾਲੇ 'Our World in Data project' (ਆਰ ਵਰਲਡ ਇਨ ਡਾਟਾ ਪ੍ਰੋਜੈਕਟ) ਦਾ ਕਹਿਣਾ ਹੈ ਕਿ 5 ਮਈ ਨੂੰ ਅਮਰੀਕਾ ਨੇ ਪ੍ਰਤੀ 1,000 ਲੋਕਾਂ 'ਤੇ 6.4 ਦੀ ਔਸਤ ਨਾਲ ਡੋਜ਼ ਪ੍ਰਦਾਨ ਕੀਤੇ ਜਦਕਿ ਕੈਨੇਡਾ ਨੇ 5 ਮਈ ਨੂੰ ਪ੍ਰਤੀ 1,000 ਲੋਕਾਂ 'ਤੇ 6.6 ਦੀ ਔਸਤ ਨਾਲ ਵੈਕਸੀਨ ਪ੍ਰਦਾਨ ਕੀਤੇ।
ਕਈ ਹਫ਼ਤਿਆਂ ਤੋਂ ਕੈਨੇਡਾ ਦੀ ਵੈਕਸੀਨ ਪ੍ਰਦਾਨ ਕਰਨ ਦੀ ਔਸਤ ਅਮਰੀਕਾ ਦੇ ਨੇੜੇ ਪਹੁੰਚਦੀ ਰਹੀ ਸੀ।
ਅਜਿਹਾ ਉਸ ਵੇਲੇ ਹੋਇਆ ਹੈ ਜਦ ਅਪ੍ਰੈਲ ਦੇ ਮਹੀਨੇ ਤੋਂ ਕੈਨੇਡਾ ਪਹੁੰਚ ਰਹੀਆਂ ਵੈਕਸੀਨ ਖੁਰਾਕਾਂ ਦੀ ਗਿਣਤੀ 'ਚ ਵਾਧਾ ਹੋਣ ਲੱਗਾ ਹੈ।
ਯਾਦ ਰਹੇ ਅਮਰੀਕਾ 'ਚ ਕਰੀਬ 44% ਲੋਕਾਂ ਨੂੰ ਵੈਕਸੀਨ ਦੀ ਪਹਿਲੀ ਖੁਰਾਕ ਹਾਸਿਲ ਹੋ ਚੁੱਕੀ ਹੈ।
ਅਮਰੀਕਾ 'ਚ 16 ਅਪ੍ਰੈਲ ਨੂੰ ਪ੍ਰਤੀ 1,000 ਲੋਕਾਂ 'ਤੇ 10 ਡੋਜ਼ ਪ੍ਰਦਾਨ ਕੀਤੇ ਗਏ ਸਨ ਜੋ ਕਿ ਦੇਸ਼ 'ਚ ਇੱਕ ਦਿਨ ਦੀ ਸਭ ਤੋਂ ਵੱਧ ਔਸਤ ਰਹੀ ਹੈ।
