11.88C Vancouver 11.88C VancouverNov 7, 2025 2:05 PM - Connect Newsroom - Jasmine Singh with files from The Canadian Press
ਕੈਨੇਡੀਅਨ ਆਰਥਿਕਤਾ ਵਿਚ ਅਕਤੂਬਰ ਮਹੀਨੇ 67,000 ਜੌਬਸ ਸ਼ਾਮਲ ਹੋਈਆਂ ਹਨ, ਜੋ ਕਿ ਲਗਾਤਾਰ ਦੂਜੇ ਮਹੀਨੇ ਰੁਜ਼ਗਾਰ ਵਿਚ ਉਸ ਵੇਲੇ ਹੈਰਾਨੀਜਨਕ ਵਾਧਾ ਹੈ ਜਦੋਂ ਟੈਰਿਫ ਕਾਰਨ ਆਰਥਿਕ ਸਰਗਰਮੀਆਂ ਹੌਲੀ ਹੋਈਆਂ ਹਨ। ਇਹ ਅਰਥਸ਼ਾਸਤਰੀ ਦੀਆਂ ਉਮੀਦਾਂ ਦੇ ਉਲਟ ਹੈ ਜਿਨ੍ਹਾਂ ਨੇ 2,500 ਨੌਕਰੀਆਂ ਦੇ ਨੁਕਸਾਨ ਦਾ ਅਨੁਮਾਨ ਲਗਾਇਆ ਸੀ।
ਪਿਛਲੇ ਮਹੀਨੇ ਨੌਕਰੀਆਂ ਵਿਚ ਤਾਜ਼ਾ ਵਾਧਾ ਮੁੱਖ ਤੌਰ 'ਤੇ ਪਾਰਟ-ਟਾਈਮ ਸ਼੍ਰੇਣੀ ਵਿਚ ਹੋਇਆ। ਸਟੈਟਿਸਟਿਕਸ ਕੈਨੇਡਾ ਨੇ ਕਿਹਾ ਕਿ ਰੁਜ਼ਗਾਰ ਵਿਚ ਵਾਧੇ ਨਾਲ ਬੇਰੁਜ਼ਗਾਰੀ ਦਰ 6.9 ਫੀਸਦੀ 'ਤੇ ਆ ਗਈ ਹੈ, ਜੋ ਕੋਵਿਡ ਦੇ ਸਮੇਂ ਨੂੰ ਛੱਡ ਕੇ ਸਤੰਬਰ ਵਿਚ ਨੌਂ ਸਾਲਾਂ ਦੇ ਉੱਚ ਪੱਧਰ 7.1 ਫੀਸਦੀ 'ਤੇ ਸੀ।
ਸਤੰਬਰ ਵਿਚ ਕੰਮ ਦੀ ਤਲਾਸ਼ ਕਰ ਰਹੇ ਨੌਜਵਾਨਾਂ ਲਈ ਅਕਤੂਬਰ ਚੰਗਾ ਮਹੀਨਾ ਰਿਹਾ,ਇਸ ਮਹੀਨੇ ਵਿਚ 15 ਤੋਂ 24 ਸਾਲ ਦੇ ਨੌਜਵਾਨਾਂ ਦੀਆਂ ਨੌਕਰੀਆਂ ਵਿਚ 21,000 ਦਾ ਵਾਧਾ ਹੋਇਆ,ਜੋ ਜਨਵਰੀ ਤੋਂ ਬਾਅਦ ਪਹਿਲਾ ਵਾਧਾ ਹੈ।
ਸਟੈਟਿਸਟਿਕਸ ਕੈਨੇਡਾ ਦੇ ਅੰਕੜਿਆਂ ਮੁਤਾਬਕ,ਅਮਰੀਕੀ ਟੈਰਿਫਸ ਨਾਲ ਮੁੱਖ ਤੌਰ 'ਤੇ ਪ੍ਰਭਾਵਿਤ ਓਨਟਾਰੀਓ ਨੇ ਪਿਛਲੇ ਮਹੀਨੇ 55,000 ਪੌਜ਼ੀਸ਼ਨ ਦੇ ਵਾਧੇ ਨਾਲ ਜੌਬ ਗ੍ਰੋਥ ਦੀ ਅਗਵਾਈ ਕੀਤੀ। ਸਟੈਟਕੈਨ ਮੁਤਾਬਕ,ਅਕਤੂਬਰ ਵਿਚ ਹੋਲਸੇਲ ਅਤੇ ਰੀਟੇਲ ਟਰੇਡ ਸੈਕਟਰ,ਟਰਾਂਸਪੋਰਟੇਸ਼ਨ ਅਤੇ ਵੇਅਰਹਾਊਸਿੰਗ ਇੰਡਸਟਰੀ ਨੇ ਰੁਜ਼ਗਾਰ ਵਿਚ ਵਾਧਾ ਕੀਤਾ,ਜਦੋਂ ਕਿ ਕੰਸਟ੍ਰਕਸ਼ਨ ਸੈਕਟਰ ਵਿਚ ਗਿਰਾਵਟ ਆਈ ਹੈ।
