Canada adds surprise 60,000 jobs in September, unemployment rate steady at 7.1%

ਕੈਨੇਡਾ ਵਿਚ ਸਤੰਬਰ ਮਹੀਨੇ ਦੌਰਾਨ ਕੁੱਲ 60,400 ਨਵੀਆਂ ਨੌਕਰੀਆਂ ਦਾ ਹੋਇਆ ਵਾਧਾ

Share On

canada-adds-surprise-60-000-jobs-in-september-unemployment-rate-steady-at-7-1

Statistics Canada said the unemployment rate held steady at 7.1 per cent last month.(Photo: The Canadian Press)

ਕੈਨੇਡਾ ਵਿਚ ਸਤੰਬਰ ਮਹੀਨੇ ਦੌਰਾਨ ਕੁੱਲ 60,400 ਨਵੀਆਂ ਨੌਕਰੀਆਂ ਦਾ ਵਾਧਾ ਹੋਇਆ ਹੈ, ਜੋ ਕਿ ਅਰਥ ਸ਼ਾਸਤਰੀਆਂ ਦੀਆਂ ਉਮੀਦਾਂ ਤੋਂ ਕਿਤੇ ਵੱਧ ਹੈ। ਸਟੈਟਿਸਟਿਕਸ ਕੈਨੇਡਾ ਵਲੋਂ ਸ਼ੁੱਕਰਵਾਰ ਨੂੰ ਜਾਰੀ ਅੰਕੜੇ ਦੱਸਦੇ ਹਨ ਕਿ ਇਸ ਮਜ਼ਬੂਤ ਨੌਕਰੀਆਂ ਦੇ ਵਾਧੇ ਦੇ ਬਾਵਜੂਦ ਬੇਰੁਜ਼ਗਾਰੀ ਦੀ ਦਰ 7.1 ਫੀਸਦੀ 'ਤੇ ਸਥਿਰ ਰਹੀ। ਅਰਥਸ਼ਾਸਤਰੀਆਂ ਨੂੰ ਰੁਜ਼ਗਾਰ ਗਿਣਤੀ ਵਿਚ ਮਾਮੂਲੀ 5,000 ਵਾਧੇ ਦੀ ਉਮੀਦ ਸੀ।

ਸਟੈਟਕੈਨ ਦੀ ਰਿਪੋਰਟ ਮੁਤਾਬਕ,ਪਿਛਲੇ ਮਹੀਨੇ ਐਲਬਰਟਾ ਨੇ ਕਿਸੇ ਵੀ ਹੋਰ ਪ੍ਰਾਂਤ ਦੀ ਤੁਲਨਾ ਵਿਚ ਸਭ ਤੋਂ ਵੱਧ 43,000 ਜੌਬਸ ਦਾ ਵਾਧਾ ਦਰਜ ਕੀਤਾ। ਹਾਲਾਂਕਿ,ਸਤੰਬਰ ਵਿਚ 15 ਤੋਂ 24 ਸਾਲ ਦੀ ਉਮਰ ਵਰਗ ਦੇ ਲੋਕਾਂ ਵਿਚ ਬੇਰੁਜ਼ਗਾਰੀ ਦਰ 14.7 ਫੀਸਦੀ ਤੱਕ ਪਹੁੰਚ ਗਈ ਹੈ, ਜੋ ਕਿ 15 ਸਾਲਾਂ ਵਿਚ ਸਭ ਤੋਂ ਉੱਚੀ ਦਰ ਹੈ। ਕੈਨੇਡਾ ਦੀ ਕੁੱਲ ਲੇਬਰ ਫੋਰਸ ਦਾ 14 ਫੀਸਦੀ ਹਿੱਸਾ ਨੌਜਵਾਨ ਹਨ।

ਹਾਲਾਂਕਿ, ਕੁੱਲ ਮਿਲਾ ਕੇ ਜੌਬਸ ਦੇ ਮਜ਼ਬੂਤ ਡੇਟਾ ਨੇ ਬੈਂਕ ਔਫ ਕੈਨੇਡਾ ਵਲੋਂ ਆਉਣ ਵਾਲੀ 29 ਅਕਤੂਬਰ ਦੀ ਮੀਟਿੰਗ ਵਿਚ ਵਿਆਜ ਦਰ ਘਟਾਉਣ ਦੀ ਸੰਭਾਵਨਾ ਨੂੰ ਘਟਾ ਦਿੱਤਾ ਹੈ ਪਰ ਮਨੀ ਮਾਰਕਿਟ ਨੇ 25 ਬੇਸਿਸ ਪੁਆਇੰਟ ਰੇਟ ਵਿੱਚ ਕਟੌਤੀ ਦੀ ਸੰਭਾਵਨਾ 72 ਫੀਸਦੀ ਜਤਾਈ ਹੈ।

ਕੈਨੇਡਾ ਨੂੰ ਸਪੇਸ ਵਿਚ ਇੱਕ ਹੋਰ ਮਾਣ ਮਿਲਣ ਵਾਲਾ ਹੈ। ਕੈਨੇਡੀਅਨ ਸਪੇਸ ਏਜੰਸੀ ਅਨੁਸਾਰ, ਦੇਸ਼ ਦੇ ਪੁਲਾੜ ਯਾਤਰੀ ਜੋਸ਼ੂਆ ਕੁਟਰਿਕ ਨੂੰ ਨਾਸਾ ਨੇ ਆਪਣੇ ਸਪੇਸ ਐਕਸ ਕਰੂ-13 ਮਿਸ਼ਨ ਲਈ ਚੁਣਿਆ ਹੈ। ਇਹ ਮਿਸ਼ਨ ਸਤੰਬਰ 2026 ਤੱਕ ਇੰਟਰਨੈਸ਼ਨਲ ਸਪੇਸ ਸਟੇਸ਼ਨ ਲਈ ਰਵਾਨਾ ਹੋਣ ਦੀ ਉਮੀਦ ਹੈ। ਨਿਊਜ਼ ਰਿਲੀਜ਼ ਮੁਤਾਬਕ, ਇਹ ਕੁਟਰਿਕ ਦਾ ਪਹਿਲਾ ਪੁਲਾੜ ਮਿਸ਼ਨ ਹੋਵੇਗਾ, ਜਿਸ ਵਿਚ ਉਨ੍ਹਾਂ ਦੇ ਨਾਲ ਨਾਸਾ ਦੇ ਤਿੰਨ ਹੋਰ ਪੁਲਾੜ ਯਾਤਰੀ ਵੀ ਸ਼ਾਮਲ ਹੋਣਗੇ।