16.21C Vancouver 16.21C VancouverOct 10, 2025 1:33 PM - The Canadian Press
ਕੈਨੇਡਾ ਵਿਚ ਸਤੰਬਰ ਮਹੀਨੇ ਦੌਰਾਨ ਕੁੱਲ 60,400 ਨਵੀਆਂ ਨੌਕਰੀਆਂ ਦਾ ਵਾਧਾ ਹੋਇਆ ਹੈ, ਜੋ ਕਿ ਅਰਥ ਸ਼ਾਸਤਰੀਆਂ ਦੀਆਂ ਉਮੀਦਾਂ ਤੋਂ ਕਿਤੇ ਵੱਧ ਹੈ। ਸਟੈਟਿਸਟਿਕਸ ਕੈਨੇਡਾ ਵਲੋਂ ਸ਼ੁੱਕਰਵਾਰ ਨੂੰ ਜਾਰੀ ਅੰਕੜੇ ਦੱਸਦੇ ਹਨ ਕਿ ਇਸ ਮਜ਼ਬੂਤ ਨੌਕਰੀਆਂ ਦੇ ਵਾਧੇ ਦੇ ਬਾਵਜੂਦ ਬੇਰੁਜ਼ਗਾਰੀ ਦੀ ਦਰ 7.1 ਫੀਸਦੀ 'ਤੇ ਸਥਿਰ ਰਹੀ। ਅਰਥਸ਼ਾਸਤਰੀਆਂ ਨੂੰ ਰੁਜ਼ਗਾਰ ਗਿਣਤੀ ਵਿਚ ਮਾਮੂਲੀ 5,000 ਵਾਧੇ ਦੀ ਉਮੀਦ ਸੀ।
ਸਟੈਟਕੈਨ ਦੀ ਰਿਪੋਰਟ ਮੁਤਾਬਕ,ਪਿਛਲੇ ਮਹੀਨੇ ਐਲਬਰਟਾ ਨੇ ਕਿਸੇ ਵੀ ਹੋਰ ਪ੍ਰਾਂਤ ਦੀ ਤੁਲਨਾ ਵਿਚ ਸਭ ਤੋਂ ਵੱਧ 43,000 ਜੌਬਸ ਦਾ ਵਾਧਾ ਦਰਜ ਕੀਤਾ। ਹਾਲਾਂਕਿ,ਸਤੰਬਰ ਵਿਚ 15 ਤੋਂ 24 ਸਾਲ ਦੀ ਉਮਰ ਵਰਗ ਦੇ ਲੋਕਾਂ ਵਿਚ ਬੇਰੁਜ਼ਗਾਰੀ ਦਰ 14.7 ਫੀਸਦੀ ਤੱਕ ਪਹੁੰਚ ਗਈ ਹੈ, ਜੋ ਕਿ 15 ਸਾਲਾਂ ਵਿਚ ਸਭ ਤੋਂ ਉੱਚੀ ਦਰ ਹੈ। ਕੈਨੇਡਾ ਦੀ ਕੁੱਲ ਲੇਬਰ ਫੋਰਸ ਦਾ 14 ਫੀਸਦੀ ਹਿੱਸਾ ਨੌਜਵਾਨ ਹਨ।
ਹਾਲਾਂਕਿ, ਕੁੱਲ ਮਿਲਾ ਕੇ ਜੌਬਸ ਦੇ ਮਜ਼ਬੂਤ ਡੇਟਾ ਨੇ ਬੈਂਕ ਔਫ ਕੈਨੇਡਾ ਵਲੋਂ ਆਉਣ ਵਾਲੀ 29 ਅਕਤੂਬਰ ਦੀ ਮੀਟਿੰਗ ਵਿਚ ਵਿਆਜ ਦਰ ਘਟਾਉਣ ਦੀ ਸੰਭਾਵਨਾ ਨੂੰ ਘਟਾ ਦਿੱਤਾ ਹੈ ਪਰ ਮਨੀ ਮਾਰਕਿਟ ਨੇ 25 ਬੇਸਿਸ ਪੁਆਇੰਟ ਰੇਟ ਵਿੱਚ ਕਟੌਤੀ ਦੀ ਸੰਭਾਵਨਾ 72 ਫੀਸਦੀ ਜਤਾਈ ਹੈ।
