ਕੈਨੇਡਾ ਨੇ ਪੇਂਡੂ ਅਤੇ ਫ੍ਰੈਂਕੋਫੋਨ ਘੱਟ ਗਿਣਤੀ ਭਾਈਚਾਰਿਆਂ ਦੀ ਸਹਾਇਤਾ ਲਈ ਨਵੇਂ ਇਮੀਗ੍ਰੇਸ਼ਨ ਪਾਇਲਟਾਂ ਦੀ ਕੀਤੀ ਘੋਸ਼ਣਾ

ਕੈਨੇਡਾ ਸਰਕਾਰ ਨੇ ਪੇਂਡੂ ਅਤੇ ਫੈ੍ਰਂਕੋਫੋਨ ਘੱਟ ਗਿਣਤੀ ਖ਼ੇਤਰ ਲਈ ਦੋ ਵੱਖ-ਵੱਖ ਇਮੀਗ੍ਰੇਸ਼ਨ ਪਾਇਲਟ ਪ੍ਰੋਗਰਾਮ ਸ਼ੁਰੂ ਕਰਨ ਦੀ ਘੋਸ਼ਣਾ ਕੀਤੀ ਹੈ।

ਇਨ੍ਹਾਂ ਪ੍ਰੋਗਰਾਮਾਂ ਰਾਹੀਂ ਉਨ੍ਹਾਂ ਹੁਨਰਮੰਦ ਵਿਦੇਸ਼ੀ ਕਾਮਿਆਂ ਲਈ ਸਥਾਈ ਨਿਵਾਸ ਦੇ ਰਸਤੇ ਖੋਲ੍ਹੇ ਜਾ ਰਹੇ ਹਨ ਜੋ ਪੇਂਡੂ ਅਤੇ ਫ੍ਰੈਂਕੋਫੋਨ ਘੱਟ ਗਿਣਤੀ ਭਾਈਚਾਰੇ ਵਿਚ ਮਜ਼ਦੂਰਾਂ ਦੀ ਘਾਟ ਨੂੰ ਦੂਰ ਕਰਨ ਵਿਚ ਮਦਦ ਕਰ ਸਕਦੇ ਹਨ ਅਤੇ ਇਨ੍ਹਾਂ ਛੋਟੇ ਇਲਾਕਿਆਂ ਵਿਚ ਲੰਬੇ ਸਮੇਂ ਲਈ ਰਹਿਣਾ ਚਾਹੁੰਦੇ ਹਨ।

ਇਮੀਗ੍ਰੇਸ਼ਨ ਮਿਨਿਸਟਰ ਮਾਰਕ ਮਿੱਲਰ ਨੇ ਅੱਜ ਇੱਕ ਪ੍ਰੈੱਸ ਕਾਨਫਰੰਸ ਵਿਚ ਕਿਹਾ ਕਿ ਪੇਂਡੂ ਅਤੇ ਫ੍ਰੈਂਕੋਫੋਨ ਇਮੀਗ੍ਰੇਸ਼ਨ ਪਾਇਲਟ ਪ੍ਰੋਗਰਾਮ ਇਸ ਸਤੰਬਰ 2024 ਵਿਚ ਸ਼ੁਰੂ ਹੋ ਰਹੇ ਹਨ।

ਫ੍ਰੈਂਕੋਫੋਨ ਇਮੀਗ੍ਰੇਸ਼ਨ ਪਾਇਲਟ ਪ੍ਰੋਗਰਾਮ ਦਾ ਮਕਸਦ ਫਰਾਂਸੀਸੀ ਬੋਲਣ ਵਾਲੇ ਨਵੇਂ ਆਉਣ ਵਾਲੇ ਨੂੰ ਸੱਦਣਾ ਹੈ, ਜਿਸ ਨਾਲ ਇੱਕ ਤਾਂ ਫੈ੍ਰਂਕੋਫੋਨ ਘੱਟ ਗਿਣਤੀ ਭਾਈਚਾਰੇ ਵਿਚ ਲੇਬਰ ਦੀ ਘਾਟ ਪੂਰੀ ਹੋ ਸਕੇ ਤੇ ਦੂਜਾ ਫਰੈਂਚ ਬੋਲਣ ਵਾਲਿਆਂ ਦੀ ਗਿਣਤੀ ਵਿਚ ਵਾਧਾ ਹੋ ਸਕੇ। ਇਮੀਗ੍ਰੇਸ਼ਨ ਡਿਪਾਰਟਮੈਂਟ ਇਸ ਸਪਰਿੰਗ ਵਿਚ ਉਨ੍ਹਾਂ ਪੇਂਡੂ ਅਤੇ ਫ੍ਰੈਂਕੋਫੋਨ ਖੇਤਰ ਲਈ ਅਰਜ਼ੀਆਂ ਸ਼ੁਰੂ ਕਰੇਗਾ ਜੋ ਪਾਇਲਟ ਪ੍ਰੋਜੈਕਟ ਵਿਚ ਹਿੱਸਾ ਲੈਣਗੇ।