ਕੈਨੇਡਾ ਨੇ ਕਤਰ ਵਿਚ ਮੌਜੂਦਾ ਆਪਣੇ ਨਾਗਰਿਕਾਂ ਨੂੰ ਵਧੇਰੇ ਚੌਕਸ ਰਹਿਣਾ ਲਈ ਕਿਹਾ

ਕੈਨੇਡਾ ਨੇ ਕਤਰ ਵਿਚ ਮੌਜੂਦਾ ਆਪਣੇ ਨਾਗਰਿਕਾਂ ਨੂੰ ਵਧੇਰੇ ਚੌਕਸ ਰਹਿਣ ਲਈ ਕਿਹਾ ਹੈ। ਔਟਵਾ ਨੇ ਇਹ ਐਡਵਾਇਜ਼ਰੀ ਉਥੇ ਅਮਰੀਕੀ ਅੰਬੈਸੀ ਵਲੋਂ ਸ਼ੈਲਟਰ ਇਨ ਪਲੇਸ ਦੀ ਸਿਫ਼ਾਰਸ਼ ਤੋਂ ਬਾਅਦ ਜਾਰੀ ਕੀਤੀ ਹੈ।

ਦਰਅਸਲ, ਈਰਾਨ ਵਲੋਂ ਅਮਰੀਕਾ ਖਿਲਾਫ ਜਵਾਬੀ ਕਾਰਵਾਈ ਦੀਆਂ ਧਮਕੀਆਂ ਵਿਚਕਾਰ ਕਤਰ ਨੇ ਸੋਮਵਾਰ ਨੂੰ ਆਪਣਾ ਹਵਾਈ ਖੇਤਰ ਬੰਦ ਕਰ ਦਿੱਤਾ ਹੈ। ਇਹ ਘੋਸ਼ਣਾ ਦੇਸ਼ ਦੇ ਵਿਦੇਸ਼ ਮੰਤਰਾਲਾ ਵਲੋਂ ਕੀਤੀ ਗਈ। ਕਤਰ ਦਾ ਏ.ਆਈ. ਉਦੇਦ ਏਅਰ ਬੇਸ-ਅਮਰੀਕੀ ਫੌਜਾਂ ਦਾ ਪ੍ਰਮੁੱਖ ਬੇਸ ਹੈ ਅਤੇ ਇਹ ਕਤਰ ਏਅਰਵੇਜ਼ ਦਾ ਵੀ ਪ੍ਰਮੁੱਖ ਇਲਾਕਾ ਹੈ।

ਕਤਰ ਨੇ ਕਿਹਾ ਕਿ ਉਸ ਨੇ ਇਹ ਕਦਮ ਨਿਵਾਸੀਆਂ ਅਤੇ ਵਿਜ਼ਟਰ ਦੀ ਸੇਫਟੀ ਲਈ ਉਠਾਇਆ ਹੈ। ਗੌਰਤਲਬ ਹੈ ਕਿ ਅਮਰੀਕਾ ਵਲੋਂ ਤਿੰਨ ਪ੍ਰਮੁੱਖ ਪ੍ਰਮਾਣੂ ਟਿਕਾਣਿਆਂ 'ਤੇ ਹਮਲਾ ਕਰਨ ਮਗਰੋਂ ਈਰਾਨ ਨੇ ਧਮਕੀ ਦਿੱਤੀ ਹੈ ਕਿ ਮਿਡਲ ਈਸਟ ਵਿਚ ਹਰ ਅਮਰੀਕੀ ਅਤੇ ਅਮਰੀਕਾ ਦਾ ਫੌਜੀ ਬੇਸ ਹੁਣ ਉਸ ਦੇ ਟਾਰਗੇਟ 'ਤੇ ਹੈ।

ਈਰਾਨ ਨੇ ਧਮਕੀ ਦਿੱਤੀ ਹੈ ਕਿ ਟਰੰਪ ਨੇ ਯੁੱਧ ਜ਼ਰੂਰ ਸ਼ੁਰੂ ਕੀਤਾ ਹੈ ਪਰ ਇਸ ਨੂੰ ਖਤਮ ਅਸੀਂ ਕਰਾਂਗੇ। ਇਸ ਵਿਚਕਾਰ ਅਮਰੀਕਾ ਤੋਂ ਬਾਅਦ ਇਜ਼ਰਾਇਲ ਨੇ ਵੀ ਈਰਾਨ ਦੇ ਫੋਰਡੋ ਪ੍ਰਮਾਣੂ ਸਥਾਨ 'ਤੇ ਹਮਲਾ ਕੀਤਾ।