13.15C Vancouver 13.15C VancouverOct 9, 2020 9:29 PM -
ਡਿਪਟੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਹੌਵਰਡ ਨੂ ਦਾ ਕਹਿਣਾ ਹੈ ਕਿ ਕੈਨੇਡਾ ਕੋਵਿਡ-19 ਦੇ ਸੰਕਟ ਦੇ ਮੋੜ 'ਤੇ ਖੜਾ ਹੈ।
ਉਨ੍ਹਾਂ ਆਪਣੇ ਪੁੱਤਰ ਨਾਲ ਥੈਂਕਸਗਿਵਿੰਗ ਪਲੈਨ ਰੱਦ ਕਰ ਦਿੱਤੇ ਹਨ, ਅਤੇ ਉਨ੍ਹਾਂ ਸੁਨੇਹਾ ਦਿੱਤਾ ਕਿ ਜੇਕਰ ਨੇੜੇ ਦੇ ਪਰਿਵਾਰਾਂ ਨਾਲ ਇਕੱਠੇ ਨਹੀਂ ਰਹਿੰਦੇ ਹੋ ਤਾਂ ਉਨ੍ਹਾਂ ਤੋਂ ਵੀ ਦੂਰੀ ਬਣਾ ਕੇ ਰੱਖੀ ਜਾਵੇ।
ਯਾਦ ਰਹੇ ਇਹ ਬਿਆਨ ਉਸ ਵੇਲੇ ਆਏ ਹਨ, ਜਦ ਦੇਸ਼ ਦੇ ਕਈ ਇਲਾਕਿਆਂ 'ਚ ਵਾਇਰਸ ਸੰਬੰਧੀ ਮਾਮਲਿਆਂ 'ਚ ਵੱਡਾ ਵਾਧਾ ਦਰਜ ਕੀਤਾ ਗਿਆ ਹੈ।
ਔਂਟੈਰੀਓ 'ਚ 939 ਅਤੇ ਕਿਊਬੈਕ 'ਚ 1,102 ਮਾਮਲੇ ਰਿਪੋਰਟ ਹੋਏ ਹਨ।
ਕੱਲ ਤੋਂ ਟੋਰੌਂਟੋ, ਪੀਲ ਰਿਜਨ ਅਤੇ ਔਟਵਾ 'ਚ ਪਬੰਦੀਆਂ ਲਾਗੂ ਹੋ ਰਹੀਆਂ ਹਨ।
ਨਵੀਆਂ ਲਾਗੂ ਹੋ ਰਹੀਆਂ ਪਬੰਦੀਆਂ ਦੌਰਾਨ, ਰੈਸਟੂਰੈਂਟ, ਬਾਰ, ਜਿਮ, ਸਿਨੇਮਾ ਘਰ ਅਤੇ ਕਸੀਨੋ ਬੰਦ ਕੀਤੇ ਜਾ ਰਹੇ ਹਨ।
ਇਹ ਪਬੰਦੀਆਂ ਕੱਲ ਤੋਂ ਲਾਗੂ ਹੋ ਰਹੀਆਂ ਹਨ ਅਤੇ ਅਗਲੇ 28 ਦਿਨ ਤੱਕ ਜਾਰੀ ਰਹਿਣਗੀਆਂ।
