8.15C Vancouver 8.15C VancouverMay 19, 2022 9:38 PM - The Canadian Press
ਲਿਬਰਲ ਸਰਕਾਰ ਨੇ ਫੈਸਲਾ ਲਿਆ ਹੈ ਕਿ ਵੁਆਵੇ ਨੂੰ ਦੇਸ਼ 'ਚ 5ਜੀ ਤੋਂ ਬੈਨ ਕੀਤਾ ਜਾ ਰਿਹਾ ਹੈ।
ਇਸ ਸੰਬੰਧੀ ਐਲਾਨ ਦੇਸ਼ ਦੇ ਪਬਲਿਕ ਸੇਫਟੀ ਮੰਤਰੀ ਮਾਰਕੋ ਮੈਂਡੀਚੀਨੋ ਨੇ ਕੀਤਾ ਹੈ।
ਕੈਨੇਡਾ 'ਚ ਲੰਮੇ ਸਮੇਂ ਤੋਂ ਉਡੀਕੇ ਜਾ ਰਹੇ ਨੈਕਸਟ ਜੈਨਰੇਸ਼ਨ ਮੋਬਾਈਲ ਨੈਟਵਰਕਸ ਦੇ ਬਲੂਪਰਿੰਟ 'ਚ ਚੀਨ ਦੀ ਕੰਪਨੀ ਵੁਆਵੇ ਟੈਕਨੌਲੋਜੀਸ ਨੂੰ ਬੈਨ ਕੀਤਾ ਜਾ ਰਿਹਾ ਹੈ।
ਪਬਲਿਕ ਸੇਫਟੀ ਮੰਤਰੀ ਨੇ ਕਿਹਾ ਕਿ 5ਜੀ ਦੇ ਨਾਲ ਦੇਸ਼ 'ਚ ਲੋਕਾਂ ਨੂੰ ਵਧੇਰੇ ਰਫਤਾਰ ਵਾਲੇ ਔਨਲਾਈਨ ਕਨੈਕਸ਼ਨ ਹਾਸਿਲ ਹੋਣਗੇ।
ਉਨ੍ਹਾਂ ਕਿਹਾ ਕਿ ਵਧਦੀ ਡਿਮਾਂਡ ਦੇ ਅਨੁਸਾਰ 5ਜੀ ਆਸਰੇ ਡਾਟਾ ਕਪੈਸਟੀ ਵੀ ਵਧਾਈ ਜਾ ਸਕੇਗੀ।
ਦੇਸ਼ ਦੇ ਇਨੋਵੇਸ਼ਨ, ਸਾਇੰਸ ਅਤੇ ਟੈਕਨੌਲੋਜੀ ਮੰਤਰੀ ਫ੍ਰਾਂਸੂਆ ਫਿਲਿਪ ਸ਼ੈਂਪੇਨ ਨੇ ਕਿਹਾ ਕਿ ਵੁਆਵੇ ਅਤੇ ਜ਼ੈਡ.ਟੀ.ਈ. ਨੂੰ ਕੈਨੇਡਾ ਦੇ 5ਜੀ ਨੈਟਵਰਕ ਤੋਂ ਬੈਨ ਕਰਨਾ ਇਸਲਈ ਜਰੂਰੀ ਹੈ ਕਿ ਦੇਸ਼ ਦੇ ਭਵਿੱਖ ਅਤੇ ਇਨਫਰਾਸਟਰਕਚਰ ਨੂੰ ਸੁਰੱਖਿਅਤ ਰੱਖਿਆ ਜਾ ਸਕੇ।
ਉਨ੍ਹਾਂ ਕਿਹਾ ਕਿ ਇਹ ਸਹੀ ਫੈਸਲਾ ਹੈ ਅਤੇ ਸਰਕਾਰ ਨੂੰ ਇਹ ਫੈਸਲਾ ਲੈਣ 'ਤੇ ਖੁਸ਼ੀ ਹੈ।
ਉਨ੍ਹਾਂ ਕਿਹਾ ਕਿ ਇਹ ਫੈਸਲਾ ਦੇਸ਼ ਦੀਆਂ ਸਿਕਿਉਰਿਟੀ ਏਜੈਂਸੀਆਂ ਦੇ ਪੂਰੇ ਰੀਵਿਊ ਤੋਂ ਬਾਅਦ ਲਿਆ ਗਿਆ ਹੈ।
