Miller says Mexicans accounted for 17 per cent of all asylum claimants in 2023, and most of their claims are either rejected or withdrawn by the applicants.(Photo: The Canadian Press)
ਕੈਨੇਡਾ ਸਰਕਾਰ ਨੇ ਮੈਕਸੀਕੋ ਸਿਟੀਜ਼ਨਸ ਲਈ ਵੀਜ਼ਾ ਲਾਜ਼ਮੀ ਕਰ ਦਿੱਤਾ ਹੈ। ਇਮੀਗ੍ਰੇਸ਼ਨ ਮਿਨਿਸਟਰ ਮਾਰਕ ਮਿੱਲਰ ਨੇ ਅੱਜ ਇੱਕ ਪ੍ਰੈੱਸ ਕਾਨਫਰੰਸ ਵਿਚ ਇਸ ਦੀ ਘੋਸ਼ਣਾ ਕੀਤੀ।
ਉਨ੍ਹਾਂ ਕਿਹਾ ਕਿ ਪਿਛਲੇ ਸਾਲਾਂ ਤੋਂ ਕੈਨੇਡਾ ਵਿਚ ਸ਼ਰਣ ਮੰਗਣ ਵਾਲਿਆਂ ਵਿਚ ਮੈਕਸੀਕੋ ਸਿਟੀਜ਼ਨਸ ਦੀ ਗਿਣਤੀ ਵਿਚ ਭਾਰੀ ਵਾਧਾ ਨੋਟ ਕੀਤਾ ਗਿਆ ਹੈ, ਜਿਸ ਨੂੰ ਕੰਟਰੋਲ ਕਰਨ ਲਈ ਸਰਕਾਰ ਮੈਕਸੀਕੋ ਤੋਂ ਕੈਨੇਡਾ ਆਉਣ ਵਾਲੇ ਲੋਕਾਂ ਲਈ ਵੀਜ਼ਾ ਮੁੜ ਲਾਗੂ ਕਰ ਰਹੀ ਹੈ। ਇਹ ਵੀਰਵਾਰ ਰਾਤ 11.30 ਵਜੇ ਤੋਂ ਸ਼ੁਰੂ ਹੋ ਜਾਵੇਗਾ।
ਗੌਰਤਲਬ ਹੈ ਕਿ ਮੈਕਸੀਕੋ ਸ਼ਨਾਰਥੀਆਂ ਦਾ ਮੁੱਦਾ ਕਿਊਬੈਕ ਸਰਕਾਰ ਨੇ ਚੁੱਕਿਆ ਸੀ। ਸੂਬੇ ਦਾ ਕਹਿਣਾ ਸੀ ਕਿ ਕੈਨੇਡਾ ਵਿਚ ਪਨਾਹ ਮੰਗਣ ਵਾਲਿਆਂ ਵਿਚੋਂ ਲਗਭਗ ਅੱਧੇ ਕਿਊਬੈਕ ਵਿਚ ਸ਼ਰਨ ਲੈਂਦੇ ਹਨ ਅਤੇ ਇਨ੍ਹਾਂ ਵਿਚੋਂ 25 ਫੀਸਦੀ ਮੈਕਸੀਕਨ ਨਾਗਰਿਕ ਹਨ।
ਸਾਬਕਾ ਪ੍ਰਧਾਨ ਮੰਤਰੀ ਸਟੀਫਨ ਹਾਰਪਰ ਦੀ ਅਗਵਾਈ ਵਾਲੀ ਕੰਜ਼ਰਵੇਟਿਵ ਸਰਕਾਰ ਨੇ ਮੈਕਸੀਕੋ ਤੋਂ ਪਨਾਹ ਦੇ ਦਾਅਵੇ ਨੂੰ ਰੋਕਣ ਲਈ 2009 ਵਿਚ ਵੀਜ਼ਾ ਦੀ ਜ਼ਰੂਰਤ ਲਾਗੂ ਕੀਤੀ ਸੀ ਪਰ 2016 ਦੇ ਅਖੀਰ ਵਿਚ ਟਰੂਡੋ ਸਰਕਾਰ ਨੇ ਇਸ ਨੂੰ ਹਟਾ ਦਿੱਤਾ ਸੀ।
ਇਮੀਗ੍ਰੇਸ਼ਨ ਵਿਭਾਗ ਦੇ ਅੰਕੜਿਆਂ ਮੁਤਾਬਕ ਲਿਬਰਲ ਚੁਣੇ ਜਾਣ ਤੋਂ ਬਾਅਦ ਮੈਕਸੀਕੋ ਤੋਂ ਸ਼ਰਣ ਦੇ ਦਾਅਵਿਆਂ ਵਿਚ ਭਾਰੀ ਵਾਧਾ ਹੋਇਆ ਹੈ, 2015 ਵਿਚ ਇਹ ਗਿਣਤੀ ਮਹਿਜ 110 ਸੀ ਜੋ 2023 ਵਿਚ ਲਗਭਗ 24,000 ’ਤੇ ਪਹੁੰਚ ਗਈ।
11.35C Vancouver
