ਕੈਨੇਡਾ ਵਲੋਂ ਇਜ਼ਰਾਇਲ ਅਤੇ ਈਰਾਨ ਤੋਂ ਆਪਣੇ ਨਾਗਰਿਕਾਂ ਨੂੰ ਕੱਢਣ ਦੀਆਂ ਕੋਸ਼ਿਸ਼ਾਂ ਜਾਰੀ

ਕੈਨੇਡਾ ਵਲੋਂ ਇਜ਼ਰਾਇਲ ਅਤੇ ਈਰਾਨ ਤੋਂ ਆਪਣੇ ਨਾਗਰਿਕਾਂ ਨੂੰ ਕੱਢਣ ਦੀਆਂ ਕੋਸ਼ਿਸ਼ਾਂ ਤਹਿਤ ਬੁੱਧਵਾਰ ਨੂੰ ਉਪਲਬਧ ਕਰਵਾਈਆਂ ਗਈਆਂ ਬੱਸਾਂ ਰਾਹੀਂ ਇਜ਼ਰਾਈਲ ਅਤੇ ਇਸ ਦੇ ਕਬਜ਼ੇ ਵਾਲੇ ਵੈਸਟ ਬੈਂਕ ਤੋਂ ਸਿਰਫ਼ ਸੱਤ ਕੈਨੇਡੀਅਨ ਹੀ ਜੌਰਡਨ ਪਹੁੰਚੇ। ਇਸ ਤੋਂ ਪਹਿਲਾਂ ਮੰਗਲਵਾਰ ਨੂੰ ਜੌਰਡਨ ਤੋਂ ਐਥਨਜ਼ ਲਈ ਰਵਾਨਾ ਹੋਈ ਚਾਰਟਰਡ ਫਲਾਈਟ ਵਿਚ ਸਿਰਫ 95 ਕੈਨੇਡੀਅਨ ਸਨ,ਜਦੋਂ ਕਿ ਕੈਨੇਡਾ ਸਰਕਾਰ ਵਲੋਂ 265 ਸੀਟਾਂ ਪ੍ਰਬੰਧ ਕੀਤੀਆਂ ਗਈਆਂ ਸਨ।

ਗਲੋਬਲ ਅਫੇਅਰਜ਼ ਡਿਪਾਰਟਮੈਂਟ ਦਾ ਕਹਿਣਾ ਹੈ ਕਿ ਕੈਨੇਡੀਅਨਾਂ ਦੀ ਘਰ ਵਾਪਸੀ ਵਿਚ ਮਦਦ ਲਈ ਈਰਾਨ ਦੀ ਸਰਹੱਦ ਨਾਲ ਲੱਗਦੇ ਦੇਸ਼ਾਂ ਵਿਚ ਕੌਂਸਲਰ ਅਧਿਕਾਰੀ ਤਾਇਨਾਤ ਰੱਖੇ ਗਏ ਹਨ। ਡਿਪਾਰਟਮੈਂਟ ਮੁਤਾਬਕ, 13 ਜੂਨ ਨੂੰ ਇਜ਼ਰਾਈਲ-ਈਰਾਨ ਵਿਚਕਾਰ ਹਮਲੇ ਸ਼ੁਰੂ ਹੋਣ ਤੋਂ ਬਾਅਦ ਇਸ ਖੇਤਰ ਨੂੰ ਕੁੱਲ 800 ਕੈਨੇਡੀਅਨ ਛੱਡ ਚੁੱਕੇ ਹਨ।

ਵਿਦੇਸ਼ ਮੰਤਰੀ ਅਨੀਤਾ ਅਨੰਦ ਨੇ ਕਿਹਾ ਕਿ ਇਜ਼ਰਾਈਲ,ਈਰਾਨ ਦੇ ਹਵਾਈ ਖੇਤਰ ਖੁੱਲ੍ਹ ਗਏ ਹਨ ਪਰ ਫਲਾਈਟਸ ਸੀਮਤ ਰਹਿ ਸਕਦੀਆਂ ਹਨ। ਸਰਕਾਰ ਮੁਤਾਬਕ,ਪਿਛਲੇ ਦਿਨ ਤੱਕ ਗਲੋਬਲ ਅਫੇਅਰਜ਼ ਕੈਨੇਡਾ ਨਾਲ ਲਗਭਗ 6,000 ਕੈਨੇਡੀਅਨਾਂ ਨੇ ਇਜ਼ਰਾਇਲ ਵਿਚ ਹੋਣ,ਜਦੋਂ ਕਿ 5,500 ਈਰਾਨ ਨੇ ਤੇ ਲਗਭਗ 450 ਕੈਨੇਡੀਅਨਾਂ ਨੇ ਵੈਸਟ ਬੈਂਕ ਤੇ ਗਾਜ਼ਾ ਵਿਚ ਹੋਣ ਦੇ ਤੌਰ 'ਤੇ ਰਜਿਸਟਰ ਕਰਵਾਇਆ ਹੈ।