ਕੈਨੇਡਾ ਚਾਈਲਡ ਬੈਨੀਫਿਟ ਪ੍ਰੋਗਰਾਮ ਤਹਿਤ ਮਹੀਨਾਵਾਰ ਪੇਮੈਂਟ ਅੱਜ ਤੋਂ ਮਿਲਣੀ ਸ਼ੁਰੂ

ਕੈਨੇਡਾ ਚਾਈਲਡ ਬੈਨੀਫਿਟ ਪ੍ਰੋਗਰਾਮ ਤਹਿਤ 2024 ਲਈ ਮਹੀਨਾਵਾਰ ਪੇਮੈਂਟ ਸ਼ੁੱਕਰਵਾਰ ਤੋਂ ਮਿਲਣੀ ਸ਼ੁਰੂ ਹੋ ਗਈ ਹੈ। ਇਸ ਤਹਿਤ 18 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਦੇ ਪਾਲਣ-ਪੋਸ਼ਣ ਦੇ ਖਰਚੇ ਵਿਚ ਮਦਦ ਕਰਨ ਲਈ ਪਰਿਵਾਰਾਂ ਨੂੰ ਟੈਕਸ-ਮੁਕਤ ਮਹੀਨਾਵਾਰ ਭੁਗਤਾਨ ਕੀਤਾ ਜਾਂਦਾ ਹੈ।

ਇਸ ਪ੍ਰੋਗਰਾਮ ਨੂੰ ਮੈਨੇਜ ਕੈਨੇਡਾ ਰੈਵੇਨਿਊ ਏਜੰਸੀ ਵਲੋਂ ਕੀਤਾ ਜਾਂਦਾ ਹੈ। 3ਕੈਨੇਡਾ ਚਾਈਲਡ ਬੈਨੀਫਿਟ ਦੀ ਪ੍ਰਾਪਤ ਹੋਣ ਵਾਲੀ ਰਕਮ ਪਰਿਵਾਰ ਵਿਚ ਬੱਚਿਆਂ ਦੀ ਗਿਣਤੀ, ਉਨ੍ਹਾਂ ਦੀ ਉਮਰ ਅਤੇ ਪਿਛਲੇ ਸਾਲ ਵਿਚ ਪਰਿਵਾਰ ਦੀ ਕੁੱਲ ਇਨਕਮ ’ਤੇ ਨਿਰਭਰ ਕਰਦੀ ਹੈ।

ਘੱਟ ਆਮਦਨ ਪਰਿਵਾਰ 6 ਸਾਲ ਤੋਂ ਘੱਟ ਹਰ ਬੱਚੇ ਲਈ ਪ੍ਰਤੀ ਮਹੀਨਾ ਕਰੀਬ $619 ਅਤੇ ਸਾਲ ਵਿਚ ਕੁੱਲ $7,437 ਪ੍ਰਾਪਤ ਕਰ ਸਕਦੇ ਹਨ, ਉਥੇ ਹੀ ਛੇ ਤੋਂ 17 ਸਾਲ ਦੀ ਉਮਰ ਦੇ ਬੱਚਿਆਂ ਵਾਲੇ ਪਰਿਵਾਰ ਹਰ ਬੱਚੇ ਲਈ $522 ਪ੍ਰਤੀ ਮਹੀਨਾ ਪ੍ਰਾਪਤ ਕਰ ਸਕਦੇ ਹਨ ਜੋ ਸਾਲ ਵਿਚ ਵੱਧ ਤੋਂ ਵੱਧ $6,275 ਹੋ ਸਕਦੇ ਹਨ। ਮਾਹਰਾਂ ਦਾ ਕਹਿਣਾ ਹੈ ਕਿ ਇਸ ਪ੍ਰੋਗਰਾਮ ਨੇ ਦੇਸ਼ ਭਰ ਵਿਚ ਗਰੀਬੀ ਘਟਾਉਣ ਵਿਚ ਮਦਦ ਕੀਤੀ ਹੈ।

ਰੁਜ਼ਗਾਰ ਅਤੇ ਸਮਾਜਿਕ ਵਿਕਾਸ ਡਿਪਾਰਟਮੈਂਟ ਵਲੋਂ 2023 ਵਿਚ ਜਾਰੀ ਕੀਤੇ ਗਏ ਅੰਕੜਿਆਂ ਅਨੁਸਾਰ, 2015 ਤੇ 2021 ਦਰਮਿਆਨ ਕੈਨੇਡਾ ਦੀ ਸਮੁੱਚੀ ਗਰੀਬੀ ਦਰ ਅੱਧੀ ਰਹਿ ਗਈ ਸੀ। ਦੱਸ ਦੇਈਏ ਕਿ ਕੈਨੇਡਾ ਚਾਈਲਡ ਬੈਨੀਫਿਟ ਲਈ ਅਰਜ਼ੀ ਦੇਣ ਵੇਲੇ ਸਾਰੇ ਵਿਅਕਤੀਆਂ ਲਈ ਜਨਮ ਦਾ ਸਬੂਤ ਮੁਹੱਈਆ ਕਰਵਾਉਣ ਲਾਜ਼ਮੀ ਹੈ।