13.27C Vancouver 13.27C VancouverSep 1, 2021 10:39 PM -
ਕੈਨੇਡਾ ਦੀ ਮਹਿਲਾ ਹਾਕੀ ਟੀਮ ਨੇ ਵਿਸ਼ਵ ਚੈਂਪੀਅਨਸ਼ਿਪ ਖਿਤਾਬ ਆਪਣੇ ਨਾਮ ਕਰ ਲਿਆ ਹੈ।
ਕਰੀਬ ਇੱਕ ਦਹਾਕੇ ਵਿੱਚ ਇਹ ਪਹਿਲਾ ਮੌਕਾ ਹੈ ਜਦ ਕੈਨੇਡਾ ਨੇ ਇਹ ਖਿਤਾਬੀ ਬਾਜ਼ੀ ਮਾਰੀ ਹੈ।
ਕੈਨੇਡਾ ਨੇ ਫਾਈਨਲ ਮੁਕਾਬਲੇ 'ਚ ਅਮਰੀਕਾ ਨੂੰ 3-2 ਨਾਲ ਮਾਤ ਦਿੱਤੀ।
ਕੈਨੇਡਾ ਨੇ ਓਵਰਟਾਈਮ 'ਚ ਮੁਕਾਬਲਾ ਆਪਣੇ ਨਾਮ ਕੀਤਾ।
ਮੈਰੀ ਫਿਲਿਪ ਪੌਲਿਨ ਦੇ ਗੋਲਡਨ ਗੋਲ ਆਸਰੇ ਕੈਨੇਡਾ ਨੇ ਜਿੱਤ ਦਰਜ ਕੀਤੀ।
ਇਸ ਤੋਂ ਪਹਿਲਾਂ ਕੈਨੇਡਾ ਦੀ ਮਹਿਲਾ ਹਾਕੀ ਟੀਮ ਨੇ ਸਾਲ 2012 'ਚ ਵਿਸ਼ਵ ਜੇਤੂ ਬਣਨ ਦਾ ਸਵਾਦ ਚਖਿਆ ਸੀ।
ਸਾਲ 2019 'ਚ ਪਹਿਲਾ ਮੌਕਾ ਸੀ ਜਦ ਟੀਮ ਇਸ ਟੂਰਨਾਮੈਂਟ ਦੇ ਇਤਿਹਾਸ 'ਚ ਫਾਈਨਲ 'ਚ ਐਂਟਰੀ ਤੋਂ ਖੁੰਝ ਗਈ ਸੀ।
ਐਸਟੈਂਟ ਕਪਤਾਨ ਬਲੇਅਰ ਟਰਨਬੁਲ ਨੂੰ ਜਿੱਤ ਦੇ ਜਸ਼ਨ ਮਨਾਉਣ ਦੌਰਾਨ ਲੱਤ 'ਤੇ ਸੱਟ ਲਗ ਗਈ।
ਹਾਲਾਂਕਿ ਕੁਝ ਸਮੇਂ ਬਾਅਦ ਉਹ ਫਿਰ ਆਪਣੀਆਂ ਟੀਮਮੇਟਸ ਨਾਲ ਜਿੱਤ ਦਾ ਜਸ਼ਨ ਮਨਾਉਂਦੀ ਵੇਖੀ ਗਈ।
