26.26C Vancouver 26.26C VancouverNov 3, 2025 2:15 PM - Connect Newsroom-Ramandeep Kaur
ਕੈਨੇਡਾ ਨੇ ਅਮਰੀਕਾ ਖਿਲਾਫ ਟੈਰਿਫ ਤੋਂ $3 ਬਿਲੀਅਨ ਦਾ ਰੈਵੇਨਿਊ ਹਾਸਲ ਕੀਤਾ ਹੈ। ਇਹ ਸਤੰਬਰ ਵਿਚ ਕਾਰਨੀ ਸਰਕਾਰ ਵਲੋਂ ਕਾਊਂਟਰ-ਟੈਰਿਫ ਹਟਾਏ ਜਾਣ ਤੋਂ ਪਹਿਲਾਂ ਦੇ ਅੰਕੜੇ ਹਨ। ਵਿੱਤੀ ਵਿਭਾਗ ਨੇ ਕਿਹਾ ਕਿ ਇਸ ਬਾਰੇ ਹੋਰ ਵੇਰਵੇ ਬਜਟ ਵਿਚ ਜਾਰੀ ਕੀਤੇ ਜਾਣਗੇ।
ਲਿਬਰਲਜ਼ ਨੇ ਅਪ੍ਰੈਲ ਵਿਚ ਚੋਣਾਂ ਦੌਰਾਨ ਕਾਊਂਟਰ-ਟੈਰਿਫ ਤੋਂ ਇਸ ਵਿੱਤੀ ਸਾਲ ਵਿਚ $20 ਬਿਲੀਅਨ ਇਕੱਠੇ ਕੀਤੇ ਜਾਣ ਦੀ ਗੱਲ ਆਖੀ ਸੀ ਪਰ ਅਮਰੀਕਾ ਨਾਲ ਵਪਾਰ ਤਣਾਅ ਨੂੰ ਘਟਾਉਣ ਲਈ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੇ CUSMA ਤਹਿਤ ਵਪਾਰ ਹੁੰਦੇ ਸਮਾਨ ਲਈ ਟੈਰਿਫ ਹਟਾ ਦਿੱਤਾ ਸੀ, ਜਦੋਂ ਕਿ ਸਟੀਲ, ਐਲੂਮੀਨੀਅਨ ਵਰਗੇ ਸੈਕਟਰ ਸਪੈਸਿਫਿਕ ਟੈਰਿਫ ਜਾਰੀ ਹਨ।
ਭਾਵੇਂ ਕਿ ਅਮਰੀਕਾ ਨਾਲ ਅਜੇ ਤੱਕ ਕੋਈ ਸਮਝੌਤਾ ਨਹੀਂ ਹੋਇਆ ਹੈ ਪਰ ਕਾਰਨੀ ਨੇ ਪਿਛਲੇ ਹਫ਼ਤੇ ਟੈਰਿਫਸ ਹਟਾਉਣ ਦੇ ਆਪਣੇ ਕਦਮ ਨੂੰ ਇਹ ਕਹਿੰਦੇ ਹੋਏ ਡਿਫੈਂਡ ਕੀਤਾ ਸੀ ਕਿ ਇਸ ਨਾਲ ਘਰੇਲੂ ਲਾਗਤ ਵੱਧ ਰਹੀ ਸੀ।
ਵਿੱਤੀ ਵਿਭਾਗ ਦਾ ਕਹਿਣਾ ਹੈ ਕਿ ਪਿਛਲੇ ਮਹੀਨੇ ਅਮਰੀਕਾ ਨੂੰ ਦਿੱਤੀ ਗਈ ਛੋਟ ਦਾ ਮਤਲਬ ਹੈ ਕਿ ਟੈਰਿਫ ਰੈਵੇਨਿਊ ਵਿਚ ਸਰਕਾਰ ਨੂੰ $78 ਮਿਲੀਅਨ ਜੋ ਹੋਰ ਮਿਲ ਸਕਦੇ ਸਨ ਉਹ ਹੱਥੋਂ ਨਿਕਲ ਰਹੇ ਹਨ। ਇਸ ਫੰਡ ਨਾਲ ਉਨ੍ਹਾਂ ਕੈਨੇਡੀਅਨ ਕਾਰੋਬਾਰਾਂ ਦੀ ਸਿੱਧੀ ਮਦਦ ਕੀਤੀ ਜਾਣੀ ਸੀ ਜੋ ਟੈਰਿਫ ਨਾਲ ਪ੍ਰਭਾਵਿਤ ਹਨ।
