14.99C Vancouver 14.99C VancouverDec 3, 2025 1:18 PM - Connect Newsroom - Jasmine Singh with files from The Canadian Press
ਕੈਨੇਡਾ ਸਰਕਾਰ ਨੇ ਯੂਕਰੇਨ ਲਈ ਅਮਰੀਕਾ ਤੋਂ $200-ਮਿਲੀਅਨ ਦੇ ਨਵੇਂ ਹਥਿਆਰਾਂ ਦੀ ਖਰੀਦ ਨੂੰ ਮਨਜ਼ੂਰੀ ਦਿੱਤੀ ਹੈ। ਇਹ ਫੰਡਿੰਗ ਇੱਕ ਨਵੇਂ ਵਿਧੀ ਰਾਹੀਂ ਕੀਤੀ ਜਾ ਰਹੀ ਹੈ,ਜਿਸ ਨੂੰ ਰਾਸ਼ਟਰਪਤੀ ਡੌਨਲਡ ਟਰੰਪ ਅਤੇ ਨੈਟੋ ਵਲੋਂ ਸ਼ੁਰੂ ਕੀਤਾ ਗਿਆ ਸੀ। ਇਸ ਕਦਮ ਦਾ ਉਦੇਸ਼ ਵਾਸ਼ਿੰਗਟਨ ਵਲੋਂ ਯੂਕਰੇਨ ਨੂੰ ਸਿੱਧੇ ਯੋਗਦਾਨ ਘਟਾਉਣ ਦੇ ਸੰਕੇਤਾਂ ਤੋਂ ਬਾਅਦ ਸਹਾਇਤਾ ਪ੍ਰਵਾਹ ਨੂੰ ਬਣਾਈ ਰੱਖਣਾ ਹੈ।
ਰੱਖਿਆ ਮੰਤਰੀ ਡੇਵਿਡ ਮੈਕਗਿੰਟੀ ਅਤੇ ਵਿਦੇਸ਼ ਮੰਤਰੀ ਅਨੀਤਾ ਆਨੰਦ ਨੇ 'Prioritized Ukraine Requirements List' ਪ੍ਰੋਗਰਾਮ ਤਹਿਤ ਇਸ ਫੰਡਿੰਗ ਦਾ ਐਲਾਨ ਕੀਤਾ,ਇਸ ਪ੍ਰੋਗਰਾਮ ਦੀ ਸਥਾਪਨਾ ਨੈਟੋ ਦੇ ਸਕੱਤਰ ਜਨਰਲ ਮਾਰਕ ਰੁਟੇ ਅਤੇ ਡੌਨਲਡ ਟਰੰਪ ਨੇ ਜੂਨ ਵਿਚ ਨੀਦਰਲੈਂਡਜ਼ ਵਿਚ ਨੈਟੋ ਲੀਡਰ ਸਮਿਟ ਦੌਰਾਨ ਕੀਤੀ ਸੀ ਤਾਂ ਜੋ ਹੋਰ ਸਹਿਯੋਗੀ ਦੇਸ਼ ਵੀ ਯੂਕਰੇਨ ਨੂੰ ਸਪੋਰਟ ਦੇਣ ਦਾ ਵਧੇਰੇ ਭਾਰ ਚੁੱਕਣ।
ਰੂਸ ਦੇ ਹਮਲੇ ਦਾ ਸਾਹਮਣਾ ਕਰ ਰਹੇ ਯੂਕਰੇਨ ਨੂੰ ਇਸ ਫੰਡਿੰਗ ਨਾਲ ਜ਼ਰੂਰੀ ਫੌਜੀ ਸਾਜ਼ੋ-ਸਾਮਾਨ ਮਿਲਣ ਦੀ ਉਮੀਦ ਹੈ। ਗੌਰਤਲਬ ਹੈ ਕਿ ਫਰਵਰੀ 2022 ਤੋਂ ਕੈਨੇਡਾ ਨੇ ਯੂਕਰੇਨ ਨੂੰ ਲਗਭਗ $22-ਬਿਲੀਅਨ ਦੀ ਆਰਥਿਕ,ਫੌਜੀ,ਅਤੇ ਮਾਨਵਤਾਵਾਦੀ ਸਹਾਇਤਾ ਪ੍ਰਦਾਨ ਕੀਤੀ ਹੈ।
