17.46C Vancouver 17.46C VancouverNov 21, 2024 8:25 PM - Connect Newsroom
ਕੈਨੇਡਾ ਵਿਚ ਰੁਜ਼ਗਾਰਦਾਤਾ ਦੀ ਸਪਾਂਸਰਸ਼ਿਪ ਰਾਹੀਂ ਪੀਆਰ ਦੀ ਸੰਭਾਵਨਾ ਵਧਾਉਣ ਦੀ ਕੋਸ਼ਿਸ਼ ਕਰ ਰਹੇ ਪ੍ਰਵਾਸੀ ਜਲਦੀ ਹੀ ਇਹ ਫਾਇਦਾ ਗੁਆ ਸਕਦੇ ਹਨ। ਇਮੀਗ੍ਰੇਸ਼ਨ ਮਿਨਿਸਟਰ ਮਾਰਕ ਮਿਲਰ ਨੇ ਕਿਹਾ ਹੈ ਕਿ ਉਹ ਐੱਲ.ਐੱਮ.ਆਈ.ਏ. ਜ਼ਰੀਏ ਵਾਧੂ ਪੁਆਇੰਟ ਹਟਾਉਣ ਦਾ ਵਿਚਾਰ ਕਰ ਰਹੇ ਹਨ।
ਉਨ੍ਹਾਂ ਐੱਲ.ਐੱਮ.ਆਈ.ਏ. ਦੀ ਬਲੈਕ ਮਾਰਕੀਟ ਅਤੇ ਗ੍ਰੇ ਮਾਰਕੀਟ ਦਾ ਹਵਾਲਾ ਦਿੰਦੇ ਕਿਹਾ ਕਿ ਉਹ ਗੰਭੀਰਤਾ ਨਾਲ ਇਸ ਵਿਚ ਤਬਦੀਲੀ ’ਤੇ ਵਿਚਾਰ ਕਰ ਰਹੇ ਹਨ।
ਮਿਲਰ ਨੇ ਕਿਹਾ ਕਿ ਫਰਜ਼ੀ ਨੌਕਰੀ ਦੀ ਪੇਸ਼ਕਸ਼ ’ਤੇ ਸ਼ਿਕੰਜਾ ਕੱਸਣ ਲਈ ਸਾਨੂੰ ਹੋਰ ਕੰਮ ਕਰਨ ਦੀ ਲੋੜ ਹੈ ਅਤੇ ਇਸੇ ਨੂੰ ਅੱਗੇ ਵਧਾ ਰਹੇ ਹਨ। ਉਥੇ ਹੀ, ਓਨਟਾਰੀਓ ਦੇ ਨਵੇਂ ਆਉਣ ਵਾਲੇ ਨੂੰ
ਗੁੰਮਰਾਹ ਕਰਨ ਵਾਲੇ ਸੂਬੇ ਦੇ ਇਮੀਗ੍ਰੇਸ਼ਨ ਸਲਾਹਕਾਰ ਖਿਲਾਫ ਸਖ਼ਤ ਕਾਨੂੰਨ ਲੈ ਕੇ ਆ ਰਿਹਾ ਹੈ, ਜਿਸ ਤਹਿਤ ਭਾਰੀ ਜੁਰਮਾਨਾ ਅਤੇ ਜੀਵਨ ਭਰ ਦੀ ਪਾਬੰਦੀ ਤੱਕ ਸ਼ਾਮਲ ਹੋਵੇਗਾ।
ਇਸ ਕਾਨੂੰਨ ਵਿਚ ਓਨਟਾਰੀਓ ਇਮੀਗ੍ਰੇਸ਼ਨ ਐਕਟ ਦੀ ਉਲੰਘਣਾ ਕਰਦੇ ਫੜੇ ਗਏ ਇਮੀਗ੍ਰੇਸ਼ਨ ਦੇ ਨੁਮਾਇੰਦਿਆਂ ਲਈ ਤਿੰਨ ਤੋਂ 10 ਸਾਲ ਦੀ ਪਾਬੰਦੀ ਦਾ ਪ੍ਰਸਤਾਵ ਹੈ, ਇਸ ਤੋਂ ਇਲਾਵਾ ਮਨੁੱਖੀ ਤਸਕਰੀ ਅਤੇ ਪਾਸਪੋਰਟ ਰੋਕਣ ਦੇ ਦੋਸ਼ੀ ਠਹਿਰਾਏ ਗਏ ਲੋਕਾਂ ’ਤੇ ਉਮਰ ਭਰ ਦੀ ਪਾਬੰਦੀ ਲਗਾਉਣ ਦਾ ਪ੍ਰਸਤਾਵ ਹੈ।
