19.3C Vancouver 19.3C VancouverFeb 16, 2024 4:46 PM - The Connect news
ਕੈਨੇਡਾ ਵਿਚ ਜਨਵਰੀ ਦੌਰਾਨ ਨਵੇਂ ਘਰਾਂ ਦੀ ਉਸਾਰੀ ਵਿਚ ਦਸੰਬਰ ਦੇ ਮੁਕਾਬਲੇ 10 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ, ਨੈਸ਼ਨਲ ਹਾਊਸਿੰਗ ਏਜੰਸੀ ਮੁਤਾਬਕ, ਪਿਛਲੇ ਮਹੀਨੇ 223,589 ਯੂਨਿਟ ਦੀ ਉਸਾਰੀ ਸ਼ੁਰੂ ਹੋਈ ਜੋ ਦਸੰਬਰ ਦੇ ਮੁਕਾਬਲੇ 25,379 ਘੱਟ ਹੈ, ਜਦੋਂ ਕਿ ਕਈ ਅਰਥ ਸ਼ਾਸਤਰੀ ਨੇ ਇਸ ਵਿਚ ਵਾਧਾ ਹੋਣ ਦੀ ਉਮੀਦ ਜਤਾਈ ਸੀ।
ਟੀ.ਡੀ. ਬੈਂਕ ਦੇ ਅਰਥ ਸ਼ਾਸਤਰੀ ਮਾਰਕ ਅਰਕੋਲਾਓ ਨੇ ਕਿਹਾ ਕਿ ਕੈਨੇਡਾ ਨੂੰ ਘਰ ਬਣਾਉਣ ਦੀ ਰਫ਼ਤਾਰ ਤੇਜ਼ ਕਰਨ ਦੀ ਲੋੜ ਹੈ ਤਾਂ ਕਿ ਰਿਹਾਇਸ਼ ਦੀ ਸਮਰੱਥਾ ਵਿਚ ਲਗਾਤਾਰ ਗਿਰਾਵਟ ਨੂੰ ਰੋਕਿਆ ਜਾ ਸਕੇ। ਉਨ੍ਹਾਂ ਕਿਹਾ ਕਿ ਬੈਂਕ ਆਫ਼ ਕੈਨੇਡਾ ਵਲੋਂ ਇੰਟਰਸਟ ਰੇਟ ਵਿਚ ਕਟੌਤੀ ਦੀਆਂ ਸੰਭਾਵਨਾਵਾਂ ਆਉਣ ਵਾਲੇ ਮਹੀਨਿਆਂ ਵਿਚ ਮੌਜੂਦਾ ਘਰਾਂ ਦੀ ਵਿਕਰੀ ਨੂੰ ਬੂਸਟ ਦੇ ਸਕਦੀਆਂ ਹਨ, ਜਿਸ ਦੇ ਨਤੀਜੇ ਵਜੋਂ ਸੰਭਾਵੀ ਤੌਰ ’ਤੇ ਨਵੇਂ ਘਰ ਦੀ ਉਸਾਰੀ ਨੂੰ ਵਾਧਾ ਮਿਲੇਗਾ।
ਪਿਛਲੇ ਮਹੀਨੇ ਨਵੇਂ ਘਰਾਂ ਦੇ ਨਿਰਮਾਣ ਵਿਚ ਇਸ ਲਈ ਵੀ ਕਮੀ ਆਈ ਕਿਉਂਕਿ ਸ਼ਹਿਰੀ ਖੇਤਰਾਂ ਵਿਚ ਨਵੇਂ ਹਾਊਸਿੰਗ ਉਸਾਰੀ ਦੀ ਰਫਤਾਰ ਹੌਲੀ ਹੋ ਗਈ ਅਤੇ ਇਸ ਵਿਚ 11 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ।
ਕੈਨੇਡਾ ਮੋਰਟਗੇਜ ਅਤੇ ਹਾਊਸਿੰਗ ਕਾਰਪੋਰੇਸ਼ਨ ਮੁਤਾਬਕ, ਇਸ ਦੌਰਾਨ ਮਲਟੀਪਲ ਯੂਨਿਟ ਵਾਲੇ ਸ਼ਹਿਰੀ ਘਰਾਂ ਦੀ ਉਸਾਰੀ ਵਿਚ 14 ਫੀਸਦੀ ਦੀ ਕਮੀ ਆਈ ਹੈ, ਹਾਲਾਂਕਿ ਸਿੰਗਲ-ਡੀਟੈਚਡ ਸ਼ਹਿਰੀ ਘਰ ਦੇ ਨਵੇਂ ਨਿਰਮਾਣ ਵਿਚ 0.08 ਫੀਸਦੀ ਦਾ ਹਲਕਾ ਵਾਧਾ ਹੋਇਆ ਹੈ।
