8.88C Vancouver 8.88C VancouverJul 1, 2020 8:29 PM -
ਇੱਕ ਖਾਸ ਵਰਚੁਅਲ ਸੈਰੇਮਨੀ ਦੌਰਾਨ, ਅੱਜ ਕੈਨੇਡਾ ਡੇਅ ਮੌਕੇ 13 ਵੱਖੋ-ਵੱਖਰੇ ਦੇਸ਼ਾਂ ਦੇ ਕੁਲ 19 ਲੋਕਾਂ ਨੂੰ ਕਨੇਡੀਅਨ ਨਾਗਰਿਕ ਬਣਨ ਦਾ ਮਾਣ ਹਾਸਿਲ ਹੋਇਆ।
ਇਹ ਨਵੇਂ ਕਨੇਡੀਅਨ ਨਾਗਰਿਕਾਂ ਦੀ ਉਮਰ 6 ਸਾਲ ਤੋਂ 66 ਸਾਲ ਦੇ ਵਿਚਾਲੇ ਦੀ ਹੈ।
ਇਨ੍ਹਾਂ ਵੱਲੋਂ ਚੁੱਕੀ ਗਈ ਸਹੁੰ ਅਤੇ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦੀ ਟਿੱਪਣੀ ਅਤੇ ਸਾਬਕਾ ਗਵਰਨਰ ਜਨਰਲ ਐਡਰੀਅਨ ਕਲਾਰਕਸਨ ਦੀ ਟਿੱਪਣੀ ਨੂੰ ਯੂਟਿਊਬ 'ਤੇ ਸਟ੍ਰੀਮ ਕੀਤਾ ਗਿਆ।
ਯਾਦ ਰਹੇ ਕੈਨੇਡਾ ਡੇਅ ਸਿਟੀਜ਼ਨਸ਼ਿਪ ਸੈਰੇਮਨੀ ਛੁੱਟੀ ਦੇ ਇਸ ਦਿਨ ਦਾ ਇੱਕ ਖਾਸ ਸਮਾਗਮ ਮੰਨਿਆ ਜਾਂਦਾ ਹੈ।
ਪਰ ਇਸ ਵਾਰ ਕੋਵਿਡ-19 ਪੈਂਡੇਮਿਕ ਕਾਰਨ ਇਹ ਖਾਸ ਸਮਾਗਮ ਔਨਲਾਈਨ ਤਰੀਕੇ ਨਾਲ ਕੀਤਾ ਗਿਆ।
ਇਸ ਸਾਲ 1 ਅਪ੍ਰੈਲ ਤੋਂ ਹੁਣ ਤੱਕ ਕਰੀਬ 1,000 ਈਵੈਂਟਸ ਨੂੰ ਵਰਚੁਅਲ ਤਰੀਕੇ ਨਾਲ ਪੂਰਾ ਕੀਤਾ ਗਿਆ ਹੈ।
