ਗਲੋਬਲ ਪਾਸਪੋਰਟ ਰੈਂਕਿੰਗ 'ਚ ਕੈਨੇਡਾ ਲੜਖੜਾਇਆ, ਸਿੰਗਾਪੁਰ ਚੋਟੀ 'ਤੇ ਬਰਕਰਾਰ

ਕੈਨੇਡਾ ਨੂੰ ਪਾਸਪੋਰਟ ਦੀ ਨਵੀਂ ਗਲੋਬਲ ਰੈਕਿੰਗ ਵਿਚ ਟਾਪ 5 losers ਵਿਚ ਸ਼ਾਮਲ ਕੀਤਾ ਗਿਆ ਹੈ, ਜਦੋਂ ਕਿ ਸਿੰਗਾਪੁਰ ਨੇ ਦੁਨੀਆ ਦੇ ਸਭ ਤੋਂ ਸ਼ਕਤੀਸ਼ਾਲੀ ਪਾਸਪੋਰਟ ਵਾਲੇ ਦੇਸ਼ ਵਜੋਂ ਆਪਣਾ ਰੁਤਬਾ ਬਰਕਰਾਰ ਰੱਖਿਆ ਹੈ।

ਹੈਨਲੀ ਪਾਸਪੋਰਟ ਇੰਡੈਕਸ ਮੁਤਾਬਕ, ਕੈਨੇਡਾ 199 ਪਾਸਪੋਰਟਾਂ ਵਿਚ ਸੱਤਵੇਂ ਸਥਾਨ 'ਤੇ ਹੈ, ਇਹ ਪਿਛਲੇ ਇੱਕ ਦਹਾਕੇ ਵਿਚ ਤਿੰਨ ਸਥਾਨ ਹੇਠਾਂ ਆਇਆ ਹੈ। ਹੈਨਲੀ ਮੁਤਾਬਕ, ਕੈਨੇਡਾ, ਮਾਲਟਾ ਅਤੇ ਪੋਲੈਂਡ ਦੇ ਨਾਲ 7ਵੇਂ ਸਥਾਨ 'ਤੇ ਹੈ, ਜਿਨ੍ਹਾਂ ਦੇ ਪਾਸਪੋਰਟ 'ਤੇ 188 ਟਿਕਾਣਿਆਂ ਲਈ ਵੀਜ਼ਾ ਫਰੀ ਐਕਸਸ ਮਿਲਦਾ ਹੈ।

ਉੱਥੇ ਹੀ ਸਿੰਗਾਪੁਰ ਇੱਕੋ-ਇੱਕ ਮੁਲਕ ਹੈ ਜਿਸ ਦੇ ਪਾਸਪੋਰਟ 'ਤੇ ਬਿਨਾਂ ਵੀਜ਼ਾ 195 ਟਿਕਾਣਿਆਂ ਲਈ ਐਕਸਸ ਮਿਲਦਾ ਹੈ। ਹੈਨਲੀ ਪਾਸਪੋਰਟ ਇੰਡੈਕਸ ਵਿਚ ਦੂਜੇ ਨੰਬਰ 'ਤੇ ਜਾਪਾਨ ਅਤੇ ਤੀਜੇ 'ਤੇ ਫਿਨਲੈਂਡ, ਫਰਾਂਸ, ਜਰਮਨੀ, ਇਟਲੀ, ਦੱਖਣੀ ਕੋਰੀਆ ਅਤੇ ਸਪੇਨ ਹਨ।

ਰਿਪੋਰਟ ਮੁਤਾਬਕ, ਚੀਨ ਨੇ ਰੈਂਕਿੰਗ ਵਿਚ ਵੱਡਾ ਸੁਧਾਰ ਦਰਜ ਕੀਤਾ ਹੈ, ਇਹ 2015 ਦੇ 94ਵੇਂ ਸਥਾਨ ਤੋਂ 2025 ਵਿਚ 60ਵੇਂ ਸਥਾਨ 'ਤੇ ਆ ਗਿਆ ਹੈ। ਉਥੇ ਹੀ, 2015 ਵਿਚ ਟੌਪ 'ਤੇ ਰਹਿਣ ਵਾਲਾ ਯੂਨਾਈਟਿਡ ਕਿੰਗਡਮ ਹੁਣ ਪੰਜਵੇਂ ਸਥਾਨ 'ਤੇ ਹੈ।