ਕੈਨੇਡਾ ਤਕਨੀਕੀ ਮੰਦੀ ਵਿਚ ਹੋਇਆ ਦਾਖਲ

ਸਟੈਟਿਸਟਿਕਸ ਕੈਨੇਡਾ ਵੱਲੋਂ ਅੱਜ ਜਾਰੀ ਤਾਜ਼ਾ ਅੰਕੜਿਆਂ ਮੁਤਾਬਕ,ਦੇਸ਼ ਦੀ ਆਰਥਿਕ ਰਫ਼ਤਾਰ ਵਿਚ ਖੜੌਤ ਦੇਖਣ ਨੂੰ ਮਿਲੀ ਹੈ ਅਤੇ ਸਾਲ ਦੇ ਪਹਿਲੇ ਤਿਮਾਹੀ ਵਿਚ ਰੀਅਲ ਜੀ.ਡੀ.ਪੀ.ਵਿਚ ਗਿਰਾਵਟ ਦਰਜ ਕੀਤੀ ਗਈ ਹੈ। ਲਗਾਤਾਰ ਦੋ ਤਿਮਾਹੀਆਂ ਵਿਚ ਜੀ.ਡੀ.ਪੀ. ਹੇਠਾਂ ਡਿੱਗਣ ਕਾਰਨ ਹੁਣ ਦੇਸ਼ ਰਸਮੀ ਤੌਰ 'ਤੇ technical recession ਯਾਨੀ ਤਕਨੀਕੀ ਮੰਦੀ ਦੇ ਦੌਰ ਵਿਚ ਪ੍ਰਵੇਸ਼ ਕਰ ਗਿਆ ਹੈ।

ਸਾਲ 2020 ਤੋਂ ਬਾਅਦ ਕੈਨੇਡਾ ਵਿਚ ਅਜਿਹੇ ਹਾਲਾਤ ਪਹਿਲੀ ਵਾਰ ਬਣੇ ਹਨ। ਸਟੈਟਕੈਨ ਮੁਤਾਬਕ, 2026 ਦੇ ਪਹਿਲੇ ਤਿੰਨ ਮਹੀਨਿਆਂ ਦੌਰਾਨ ਰੀਅਲ ਜੀ.ਡੀ.ਪੀ.ਸਾਲਾਨਾ ਅਧਾਰ 'ਤੇ 0.1 ਫੀਸਦੀ ਤੱਕ ਡਿੱਗੀ ਹੈ। ਇਸ ਤੋਂ ਪਹਿਲਾਂ ਦਸੰਬਰ ਵਿਚ ਸਮਾਪਤ ਹੋਈ ਚੌਥੀ ਤਿਮਾਹੀ ਵਿਚ ਵੀ 1 ਫੀਸਦੀ ਦੀ ਗਿਰਾਵਟ ਦੇਖਣ ਨੂੰ ਮਿਲੀ ਸੀ।

ਸਟੈਟਿਸਟਿਕਸ ਕੈਨੇਡਾ ਨੇ ਤਕਨੀਕੀ ਮੰਦੀ ਲਈ ਗੋਲਡ ਦੇ ਵੱਧ ਦਰਾਮਦ ਅਤੇ ਮਾਰਚ ਦੌਰਾਨ ਤੇਲ ਅਤੇ ਗੈਸ ਸੈਕਟਰ ਵਿਚ ਆਈ ਸੁਸਤੀ ਨੂੰ ਜ਼ਿੰਮੇਵਾਰ ਠਹਿਰਾਇਆ ਹੈ। ਗੌਰਤਲਬ ਹੈ ਕਿ ਲਗਾਤਾਰ ਦੋ ਤਿਮਾਹੀ ਦੌਰਾਨ ਆਰਥਿਕਤਾ ਵਿਚ ਗਿਰਾਵਟ ਨੂੰ ਤਕਨੀਕੀ ਮੰਦੀ ਮੰਨਿਆ ਜਾਂਦਾ ਹੈ।