15.95C Vancouver 15.95C VancouverJan 26, 2022 11:25 PM - The Canadian Press
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਯੂਕਰੇਨ ਦੇ ਸਹਿਯੋਗ ਸੰਬੰਧੀ ਵਾਧੇ ਬਾਰੇ ਜਾਣਕਾਰੀ ਦਿੱਤੀ ਹੈ।
2 ਦਿਨਾਂ ਤੋਂ ਜਾਰੀ ਕੈਬਿਨੇਟ ਨਾਲ ਬੈਠਕ ਤੋਂ ਬਾਅਦ ਅੱਜ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਦੱਸਿਆ ਹੈ ਕਿ ਯੂਕਰੇਨ 'ਚ ਜਾਰੀ ਆਪ੍ਰੇਸ਼ਨ ਯੂਨੀਫਾਇਰ ਨੂੰ 3 ਸਾਲ ਲਈ ਵਧਾਇਆ ਜਾ ਰਿਹਾ ਹੈ।
ਇਸੇ ਆਪਰੇਸ਼ਨ ਤਹਿਤ 60 ਹੋਰ ਟਰੂਪ ਨੂੰ ਆਪਰੇਸ਼ਨ ਦਾ ਹਿੱਸਾ ਬਣਾਇਆ ਜਾਵੇਗਾ।
ਇਸ ਆਪਰੇਸ਼ਨ ਤਹਿਤ ਕਰੀਬ 200 ਕਨੇਡੀਅਨ ਟਰੂਪਸ ਪਹਿਲਾਂ ਤੋਂ ਯੂਕਰੇਨ 'ਚ ਹਨ ਅਤੇ ਯੂਕ੍ਰੇਨੀਅਨ ਫੌਜਾਂ ਨੂੰ ਸਿਖਲਾਈ ਦੇ ਰਹੇ ਹਨ।
ਪ੍ਰਧਾਨ ਮੰਤਰੀ ਨੇ ਦੱਸਿਆ ਕਿ ਇਹ $340 ਮਿਲੀਅਨ ਦੀ ਕਮਿਟਮੈਂਟ ਹੈ। ਇਸ ਦੇ ਤਹਿਤ ਇੰਟੈਲੀਜੈਂਸ ਸ਼ੇਅਰਿੰਗ 'ਚ ਵੀ ਵਾਧਾ ਕੀਤਾ ਜਾਵੇਗਾ।
ਪ੍ਰਧਾਨ ਮੰਤਰੀ ਨੇ ਦੱਸਿਆ ਕਿ ਰੱਖਿਆ ਮੰਤਰੀ ਅਨੀਤਾ ਅਨੰਦ ਵੱਲੋਂ ਲਾਟਵੀਆ ਅਤੇ ਯੂਕਰੇਨ 'ਚ ਕਨੇਡੀਅਨ ਫੌਜਾਂ ਨਾਲ ਮੁਲਾਕਾਤ ਕੀਤੀ ਜਾਵੇਗੀ।
ਟਰੂਡੋ ਨੇ ਕਿਹਾ ਕਿ ਉਹ ਰੂਸ ਤੋਂ ਮੰਗ ਕਰ ਰਹੇ ਹਨ ਕਿ ਡੀਐਸਕਲੇਟ ਕੀਤਾ ਜਾਵੇ ਅਤੇ ਸ਼ਾਂਤਮਈ ਢੰਗ ਨਾਲ ਹੱਲ ਕੱਢੇ ਜਾਣ।
ਉਨ੍ਹਾਂ ਦੋਹਰਾਇਆ ਕਿ ਕੈਨੇਡਾ ਯੂਕਰੇਨ ਦਾ ਦੋਸਤ ਹੈ ਅਤੇ ਇਸ ਮਾਮਲੇ 'ਚ ਯੂਕਰੇਨ ਦਾ ਪੂਰਾ ਸਹਿਯੋਗ ਕਰ ਰਿਹਾ ਹੈ।
