12.93C Vancouver 12.93C VancouverAug 3, 2021 9:24 PM -
ਅੱਜ ਟੋਕਿਓ ਓਲੰਪਿਕਸ ਵਿੱਚ ਬੀਚ ਵਾਲੀਬਾਲ 'ਚ ਕੈਨੇਡਾ ਲਈ ਅਹਿਮ ਦਿਨ ਸੀ ਜਦ ਕੈਨੇਡਾ ਦੀਆਂ 2 ਟੀਮਾਂ ਕੁਆਟਰਫਾਈਨਲ ਖੇਡਣ ਉੱਤਰੀਆਂ।
ਹਾਲਾਂਕਿ ਦੋਵਾਂ ਮੁਕਾਬਲਿਆਂ 'ਚ ਹੀ ਕੈਨੇਡਾ ਦੇ ਹੱਥ ਨਿਰਾਸ਼ਾ ਲੱਗੀ।
ਸਾਰਾਹ ਪੈਵੀਨ ਅਤੇ ਮੈਲਿਸਾ ਹੁਮਾਨਾ ਪੈਰਾਡੇਸ ਦੀ ਵਿਸ਼ਵ ਚੈਂਪੀਅਨ ਜੋੜੀ ਵੀ ਅੱਜ ਦਾ ਮੁਕਾਬਲਾ ਹਰ ਗਈ।
ਇਸ ਜੋੜੀ ਦੀ ਟੱਕਰ ਆਸਟ੍ਰੇਲੀਆ ਨਾਲ ਹੋਈ ਜਿੱਥੇ ਕੈਨੇਡਾ ਦੀ ਟੀਮ 1 ਦੇ ਮੁਕਾਬਲੇ 2 ਸੈੱਟ ਗਵਾ ਕੇ ਸੈਮੀਫਾਈਨਲ ਦੀ ਦੌੜ ਤੋਂ ਬਾਹਰ ਹੋ ਗਈ।
ਉਧਰ ਹੈਦਰ ਬੈਂਸਲੀ ਅਤੇ ਬਰੈਂਡੀ ਵਿਲਕਰਸਨ ਦੀ ਕਨੇਡੀਅਨ ਜੋੜੀ ਨੂੰ ਵੀ ਹਾਰ ਦਾ ਸਾਹਮਣਾ ਕਰਨਾ ਪਿਆ।
ਕੈਨੇਡਾ ਜਿੱਤ ਚੁੱਕਿਆ 14 ਤਗਮੇ
ਟੋਕਿਓ ਖੇਡਾਂ ਦੇ 11 ਦਿਨ ਪੂਰੇ ਹੋ ਗਏ ਹਨ। ਖੇਡਾਂ ਦੇ 11ਵੇਂ ਦਿਨ ਕੈਨੇਡਾ ਦੀ ਝੋਲੀ 'ਚ ਕੋਈ ਤਗਮਾ ਨਹੀਂ ਪਿਆ।
ਹਾਲਾਂਕਿ ਖੇਡਾਂ ਦੇ 11ਵੇਂ ਦਿਨ ਵੀ ਕੈਨੇਡਾ ਨੇ ਅਥਲੈਟਿਕਸ 'ਚ ਚੰਗੇ ਪ੍ਰਦਰਸ਼ਨ ਕਰਕੇ ਵਿਖਾਏ।
ਇਸ ਦੇ ਨਾਲ ਹੀ ਹੁਣ ਕੈਨੇਡਾ ਦੇ ਖਾਤੇ 'ਚ ਕੁੱਲ 14 ਤਗਮੇ ਪੈ ਗਏ ਹਨ ਜਿਸ 'ਚ 3 ਗੋਲਡ ਮੈਡਲ ਸ਼ਾਮਿਲ ਹਨ।
ਇਸ ਤੋਂ ਇਲਾਵਾ ਕੈਨੇਡਾ ਨੇ 4 ਸਿਲਵਰ ਅਤੇ 7 ਕਾਂਸੀ ਦੇ ਤਗਮੇ ਜਿੱਤੇ ਹਨ।
ਖਾਸ ਗੱਲ ਇਹ ਹੈ ਕਿ ਹੁਣ ਤਕ ਕੈਨੇਡਾ ਦੀ ਝੋਲੀ 'ਚ 13 ਤਗਮੇ ਮਹਿਲਾ ਖਿਡਾਰਨਾਂ ਨੇ ਪਾਏ ਹਨ।
