13.79C Vancouver 13.79C VancouverFeb 19, 2026 6:27 PM - Connect Newsroom - Ramandeep Kaur
ਕੈਨੇਡਾ ਨੂੰ ਆਈ.ਸੀ.ਸੀ. ਮੈਨਜ਼ ਟੀ20 ਵਰਲਡ ਕੱਪ ਦੇ ਅਹਿਮ ਮੁਕਾਬਲੇ ਵਿਚ ਅਫਗਾਨਿਸਤਾਨ ਤੋਂ 82 ਦੌੜਾਂ ਨਾਲ ਹਾਰ ਦਾ ਸਾਹਮਣਾ ਕਰਨਾ ਪਿਆ ਹੈ। ਚੇਨਈ ਦੇ ਮੈਦਾਨ ਵਿਚ ਖੇਡੇ ਗਏ ਇਸ ਮੈਚ ਵਿਚ ਅਫਗਾਨਿਸਤਾਨ ਅੱਗੇ ਕੈਨੇਡਾ ਦੀ ਟੀਮ ਬੇਵੱਸ ਨਜ਼ਰ ਆਈ। ਪਹਿਲਾਂ ਬੱਲੇਬਾਜ਼ੀ ਕਰਦਿਆਂ ਅਫਗਾਨਿਸਤਾਨ ਨੇ 200 ਦੌੜਾਂ ਦਾ ਟੀਚਾ ਦਿੱਤਾ।
ਪਲੇਅਰ ਔਫ ਦਿ ਮੈਚ ਚੁਣੇ ਗਏ ਇਬਰਾਹਿਮ ਜ਼ਦਰਾਨ ਨੇ 56 ਗੇਂਦਾਂ ਵਿਚ ਨਾਬਾਦ 95 ਦੌੜਾਂ ਦੀ ਪਾਰੀ ਖੇਡੀ, ਜਿਸ ਵਿਚ 7 ਚੌਕੇ ਅਤੇ 5 ਛੱਕੇ ਸ਼ਾਮਲ ਸਨ। ਇਹ ਇਸ ਵਰਲਡ ਕੱਪ ਵਿਚ ਕਿਸੇ ਵੀ ਅਫਗਾਨੀ ਖਿਡਾਰੀ ਦਾ ਸਭ ਤੋਂ ਵੱਡਾ ਸਕੋਰ ਹੈ। ਅਫਗਾਨਿਸਤਾਨ ਨੇ 20 ਓਵਰਾਂ ਵਿਚ 4 ਵਿਕਟ 'ਤੇ 200 ਦਾ ਸਕੋਰ ਖੜ੍ਹਾ ਕੀਤਾ। ਉੱਥੇ ਹੀ, 201 ਦੌੜਾਂ ਦੇ ਟੀਚੇ ਦਾ ਪਿੱਛਾ ਕਰਨ ਉਤਰੀ ਕੈਨੇਡਾ ਦੀ ਟੀਮ ਸ਼ੁਰੂ ਤੋਂ ਹੀ ਦਬਾਅ ਵਿਚ ਰਹੀ।
ਪਾਵਰਪਲੇਅ ਦੌਰਾਨ ਹੀ ਟੀਮ ਨੇ 34 ਦੌੜਾਂ 'ਤੇ 3 ਵਿਕਟਾਂ ਗੁਆ ਦਿੱਤੀਆਂ। ਕਪਤਾਨ ਦਿਲਪ੍ਰੀਤ ਬਾਵਾ 13 ਸਕੋਰ 'ਤੇ ਆਊਟ ਹੋ ਗਏ ਅਤੇ ਨਵਨੀਤ ਧਾਲੀਵਾਲ ਬਿਨਾਂ ਖਾਤੇ ਖੋਲ੍ਹੇ ਪਵੇਲੀਅਨ ਪਰਤ ਗਏ। ਮੱਧ ਕ੍ਰਮ ਵਿਚ ਸਾਦ ਬਿਨ ਜ਼ਾਫਰ ਨੇ 28 ਦੌੜਾਂ ਬਣਾ ਕੇ ਕੁਝ ਸੰਘਰਸ਼ ਕੀਤਾ ਪਰ ਹੋਰ ਕੋਈ ਵੀ ਬੱਲੇਬਾਜ਼ ਟਿਕ ਕੇ ਨਾ ਖੇਡ ਸਕਿਆ। ਪੂਰੀ ਟੀਮ 20 ਓਵਰਾਂ ਵਿਚ 8 ਵਿਕਟਾਂ ਨਾਲ 118 ਸਕੋਰ ਹੀ ਬਣਾ ਸਕੀ। ਦੋਹਾਂ ਟੀਮਾਂ ਦਾ ਇਹ ਲੀਗ ਸਟੇਜ ਦਾ ਆਖਰੀ ਮੈਚ ਸੀ।
