14.98C Vancouver 14.98C VancouverJan 28, 2022 8:04 PM - Connect News
ਦੇਸ਼ ਦੇ ਟਰਾਂਸਪੋਰਟ ਮੰਤਰੀ, ਉਮਰ ਅਲਘਾਬਰਾ ਨੇ ਇੱਕ ਟਵੀਟ ਕਰ ਕੇ ਜਾਣਕਾਰੀ ਦਿੱਤੀ ਹੈ ਕਿ ਬੌਰਡਰ ਅਤੇ ਯਾਤਰਾ ਸੰਬੰਧੀ ਕੁਝ ਨਿਯਮਾਂ 'ਚ ਤਬਦੀਲੀ ਕੀਤੀ ਜਾ ਰਹੀ ਹੈ।
ਭਾਰਤ ਅਤੇ ਮੋਰੱਕੋ ਨਾਲ ਸੰਬੰਧਤ ਡਾਇਰੈਕਟ ਅਤੇ ਇਨਡਾਇਰੈਕਟ ਉਡਾਣਾਂ 'ਤੇ ਸਫਰ ਕਰਦੇ ਯਾਤਰੀਆਂ ਲਈ ਅੱਜ ਤੋਂ ਨਿਯਮਾਂ 'ਚ ਬਦਲਾਅ ਕੀਤੇ ਗਏ ਹਨ।
ਇਨ੍ਹਾਂ ਦੋਵਾਂ ਦੇਸ਼ਾਂ ਤੋਂ ਆਉਂਦੇ ਯਾਤਰੀਆਂ ਲਈ ਕੈਨੇਡਾ ਪਹੁੰਚਦੇ ਹੋਏ ਕਿਸੇ ਤੀਜੇ ਦੇਸ਼ ਤੋਂ ਕੋਵਿਡ-19 ਦੇ ਪ੍ਰੀ-ਡਿਪਾਰਚਰ ਨੈਗੇਟਿਵ ਨਤੀਜੇ ਹਾਸਿਲ ਕਰਨ ਦੀ ਲੋੜ ਨਹੀਂ ਹੋਵੇਗੀ।
ਹੁਣ ਕੈਨੇਡਾ ਆਉਂਦੇ ਸਾਰੇ ਯਾਤਰੀਆਂ ਲਈ ਇੱਕੋ-ਜਿਹੀਆਂ ਪ੍ਰੀ-ਐਂਟਰੀ ਟੈਸਟ ਰਿਕਵਾਇਰਮੈਂਟਸ ਲਾਗੂ ਹੋਣਗੀਆਂ।
ਇਸ ਤੋਂ ਇਲਾਵਾ ਭਾਰਤ ਤੋਂ ਫਲਾਈਟ ਲੈਂਦੇ ਹੋਏ ਸਿਰਫ ਹਵਾਈ ਅੱਡੇ ਤੋਂ ਆਰ.ਟੀ. ਪੀ.ਸੀ.ਆਰ. ਟੈਸਟ ਦੇ ਨੈਗੇਟਿਵ ਨਤੀਜੇ ਹਾਸਿਲ ਕਰਨ ਦੀ ਸ਼ਰਤ ਹਟਾ ਦਿੱਤੀ ਗਈ ਹੈ, ਅਤੇ ਹੁਣ ਯਾਤਰੀ ਕਿਸੇ ਵੀ ਲੈਬ ਤੋਂ ਨੈਗੇਟਿਵ ਨਤੀਜੇ ਹਾਸਿਲ ਕਰ ਯਾਤਰਾ ਕਰ ਸਕਣਗੇ।
ਇਹ ਨਿਯਮ ਅੱਜ ਤੋਂ ਲਾਗੂ ਹੋ ਰਹੇ ਹਨ।
ਇਸ ਤੋਂ ਇਲਾਵਾ ਜਰੂਰੀ ਖਾਣੇ ਅਤੇ ਸਪਲਾਈਸ ਦੀ ਲੋੜ ਲਈ ਜਮੀਨੀ ਖੇਤਰਾਂ ਰਾਹੀਂ ਅਮਰੀਕਾ ਦੀ ਯਾਤਰਾ ਕਰਨ ਵਾਲੇ ਬੀ.ਸੀ. ਦੇ ਅਸੈਂਸ਼ੀਅਲ ਵਰਕਰਾਂ ਅਤੇ ਨਿਵਾਸੀਆਂ ਲਈ ਜਾਰੀ ਪ੍ਰੀ-ਐਂਟਰੀ, ਅਰਾਈਵਲ ਅਤੇ 8ਵੇਂ ਦਿਨ ਦੀ ਟੈਸਟਿੰਗ ਅਤੇ ਕੁਆਰੰਟੀਨ ਦੀ ਲੋੜ ਸੰਬੰਧੀ ਟੈਂਪਰੇਰੀ ਐਗਜੈਂਪਸ਼ਨ ਨੂੰ ਖਤਮ ਕੀਤਾ ਜਾ ਰਿਹਾ ਹੈ।
ਇਹ ਬਦਲਾਅ 31 ਜਨਵਰੀ ਤੋਂ ਲਾਗੂ ਹੋਵੇਗਾ।
ਉਮਰ ਅਲਘਾਬਰਾ ਦਾ ਟਵੀਟ:
Today, our government is providing an update about Canada’s border measures to help protect Canadians from the global COVID-19 pandemic. Safeguarding the health and safety of Canadians is always at the forefront of any decisions we make.
