11.55C Vancouver 11.55C VancouverJul 22, 2021 8:46 PM -
ਕੈਨੇਡਾ ਦੇ ਓਲੰਪਿਕ ਕੰਟੀਂਜੈਂਟ ਵਿੱਚ 370 ਅਥਲੀਟ ਸ਼ਾਮਿਲ ਹਨ।
ਪਰ ਓਲੰਪਿਕ ਖੇਡਾਂ ਦੇ ਉਦਘਾਟਨੀ ਸਮਾਗਮ 'ਚ ਇਹ ਸਾਰੇ ਅਥਲੀਟ ਸ਼ਾਮਿਲ ਨਹੀਂ ਹੋਣਗੇ।
ਓਪਨਿੰਗ ਸੈਰੇਮਨੀ ਦੌਰਾਨ ਕੈਨੇਡਾ ਦੇ 30 ਤੋਂ 40 ਅਥਲੀਟ ਹੀ ਮਾਰਚ ਕਰਦੇ ਵਿਖਾਈ ਦੇਣਗੇ।
ਇਹਨਾਂ ਅਥਲੀਟ ਦੀ ਅਗਵਾਈ ਮਿਰਾਂਡਾ ਆਇਯਮ ਅਤੇ ਨਾਥਨ ਹਿਰਿਆਮਾ ਵੱਲੋਂ ਕੀਤੀ ਜਾਵੇਗੀ ਜੋ ਕਿ ਟੀਮ ਕੈਨੇਡਾ ਦੇ ਫਲੈਗ ਬੀਅਰਰ ਹਨ।
ਆਇਯਮ ਕੈਨੇਡਾ ਦੀ ਬਾਸਕਿਟਬਾਲ ਖਿਡਾਰਨ ਹੈ ਜਦਕਿ ਹਰਿਆਮਾ ਕੈਨੇਡਾ ਦੀ ਰਗਬੀ ਸੈਵਨਸ ਟੀਮ ਦੇ ਕੋ-ਕਪਤਾਨ ਹਨ।
ਕੋਵੀਡ-19 ਕਾਰਨ ਜਾਰੀ ਪਬੰਦੀਆਂ ਕਾਰਨ ਸਾਰੇ ਖਿਡਾਰੀ ਉਦਘਾਟਨੀ ਸਮਾਗਮ 'ਚ ਸ਼ਾਮਿਲ ਨਹੀਂ ਹੋ ਸਕਣਗੇ ਅਤੇ ਸੀਮਤ ਗਿਣਤੀ 'ਚ ਖਿਡਾਰੀਆਂ ਨੂੰ ਮਾਰਚ ਵਿੱਚ ਸ਼ਾਮਿਲ ਹੋਣ ਦਾ ਮੌਕਾ ਮਿਲੇਗਾ।
ਅਮਰੀਕਾ ਨੇ ਕੈਨੇਡਾ ਨੂੰ ਦਿੱਤੀ ਮਾਤ
ਟੋਕਿਓ ਓਲੰਪਿਕਸ ਦਾ ਉਦਘਾਟਨੀ ਸਮਾਗਮ ਸ਼ੁੱਕਰਵਾਰ ਨੂੰ ਹੋਣਾ ਹੈ।
ਪਰ ਇਸ ਤੋਂ ਪਹਿਲਾਂ ਹੀ ਓਲੰਪਿਕਸ ਦੇ ਕੁਝ ਖੇਡਾਂ ਦਾ ਆਗਾਜ਼ ਹੋ ਚੁੱਕਿਆ ਹੈ।
ਕੈਨੇਡਾ ਦੀ ਔਰਤਾਂ ਦੀ ਸੌਫਟਬਾਲ ਟੀਮ ਨੇ ਅੱਜ ਅਮਰੀਕਾ ਖਿਲਾਫ਼ ਹੋਏ ਮੁਕਾਬਲੇ 'ਚ ਹਾਰ ਝੱਲੀ।
ਕੈਨੇਡਾ ਦੀ ਸੌਫਟਬਾਲ ਟੀਮ ਨੂੰ ਅਮਰੀਕੀ ਟੀਮ ਨੇ 1-0 ਨਾਲ ਮਾਤ ਦਿੱਤੀ।
ਯਾਦ ਰਹੇ ਕੱਲ ਕੈਨੇਡਾ ਨੇ ਮੈਕਸੀਕੋ ਨੂੰ 4-0 ਨਾਲ ਮਾਤ ਦਿੱਤੀ ਸੀ।
ਕੈਨੇਡਾ ਕੋਲ ਓਲੰਪਿਕ ਖੇਡਾਂ 'ਚ ਅਜੇ 4 ਹੋਰ ਮੁਕਾਬਲੇ ਬਾਕੀ ਹਨ।
