13.88C Vancouver 13.88C VancouverMay 24, 2022 8:09 PM - The Canadian Press
ਰੱਖਿਆ ਮੰਤਰੀ ਅਨੀਤਾ ਅਨੰਦ ਦਾ ਕਹਿਣਾ ਹੈ ਕਿ ਯੂਕਰੇਨ ਦੀ ਮਦਦ ਲਈ ਵਧੇਰੇ ਆਰਟਿਲਰੀ ਭੇਜੀ ਜਾ ਰਹੀ ਹੈ।
ਉਨ੍ਹਾਂ ਦੱਸਿਆ ਕਿ ਕੈਨੇਡਾ ਹਮਲਾ ਝੱਲ ਰਹੇ ਯੂਕਰੇਨ ਲਈ ਆਰਟਿਲਰੀ ਦੇ 20,000 ਰਾਊਂਡ ਭੇਜ ਰਿਹਾ ਹੈ।
ਅਨੀਤਾ ਅਨੰਦ ਨੇ ਕਿਹਾ ਕਿ ਉਸੇ ਪ੍ਰਕਾਰ ਦਾ ਐਮਿਊਨਿਸ਼ਨ ਹੈ ਜਿਸ ਦੀ ਯੂਕਰੇਨ ਵੱਲੋਂ ਮੰਗ ਕੀਤੀ ਗਈ ਸੀ।
ਉਨ੍ਹਾਂ ਦੱਸਿਆ ਕਿ ਭੇਜੇ ਜਾ ਰਹੇ ਰਾਊਂਡ ਸਟੈਂਡਰਡ ਨੈਟੋ ਆਰਟਿਲਰੀ ਕੈਲੀਬਰ ਵਾਲੇ ਹਨ ਅਤੇ ਕੈਨੇਡਾ ਅਤੇ ਹੋਰ ਦੇਸ਼ਾਂ ਵੱਲੋਂ ਯੂਕਰੇਨ ਨੂੰ ਸਪਲਾਈ ਕੀਤੀਆਂ ਗਈਆਂ ਬੰਦੂਕਾਂ ਨਾਲ ਮੇਲ ਖਾਣ ਵਾਲੇ ਹਨ।
ਭੇਜੇ ਜਾ ਰਹੇ ਐਮਿਊਨਿਸ਼ਨ ਦੀ ਕੀਮਤ $98 ਮਿਲੀਅਨ ਦੱਸੀ ਗਈ ਹੈ।
ਯਾਦ ਰਹੇ ਕੈਨੇਡਾ ਵੱਲੋਂ ਇਸ ਸਾਲ ਯੂਕਰੇਨ ਲਈ $500 ਮਿਲੀਅਨ ਦਾ ਮਿਲਟਰੀ ਮਦਦ ਬਜਟ ਰੱਖਿਆ ਗਿਆ ਹੈ।
ਅਨੰਦ ਨੇ ਕਿਹਾ ਕਿ ਰੂਸ ਦੇ ਰਾਸ਼ਟਰਪਤੀ ਵਲਾਦੀਮੀਰ ਪੁਤਿਨ ਵੱਲੋਂ ਮਰਜੀ ਅਨੁਸਾਰ ਦੇਸ਼ਾਂ ਦੇ ਬੌਰਡਰ ਨਹੀਂ ਬਦਲੇ ਜਾ ਸਕਦੇ ਅਤੇ ਕੈਨੇਡਾ ਵੱਲੋਂ ਯੂਕਰੇਨ ਦਾ ਸਹਿਯੋਗ ਜਾਰੀ ਰੱਖਿਆ ਜਾਵੇਗਾ।
