12.61C Vancouver 12.61C VancouverJun 17, 2020 8:41 PM -
ਕੈਨੇਡਾ ਨੇ ਯੂਨਾਈਟਿਡ ਨੇਸ਼ਨਜ਼ ਸਿਕਿਉਰਿਟੀ ਕਾਉਂਸਿਲ 'ਚ ਸੀਟ ਹਾਸਿਲ ਕਰਨ ਦਾ ਮੌਕਾ ਗਵਾ ਦਿੱਤਾ ਹੈ।
ਕੈਨੇਡਾ ਦੀ ਹਾਰ ਵੋਟਿੰਗ ਦੇ ਪਹਿਲੇ ਦੌਰ 'ਚ ਆਈ, ਜਦ ਸੀਕ੍ਰੇਟ ਬੈਲੇਟ 'ਚ ਯੂਨਾਈਟਿਡ ਨੇਸ਼ਨਜ਼ ਜਨਰਲ ਅਸੈਂਬਲੀ ਦੇ 193 ਮੈਂਬਰ ਸਟੇਟਸ ਨੇ ਹਿੱਸਾ ਲਿਆ।
ਇਹ ਹਾਰ ਉਸ ਵੇਲੇ ਹੋਈ ਹੈ, ਜਦ ਸਾਲ 2010 'ਚ ਸਟੀਫਨ ਹਾਰਪਰ ਦੀ ਕੰਜ਼ਰਵੇਟਿਵ ਸਰਕਾਰ ਵੀ ਅਜਿਹਾ ਮੌਕਾ ਗਵਾ ਚੁੱਕੀ ਸੀ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਸਾਲ 2015 'ਚ ਕੈਂਡੀਡੇਨਸੀ ਲਈ ਐਲਾਨ ਕੀਤਾ ਸੀ।
ਇਸ ਵੋਟਿੰਗ 'ਚ ਕੈਨੇਡਾ ਨੂੰ ਆਇਰਲੈਂਡ ਅਤੇ ਨੌਰਵੇ ਦੇ ਹੱਥੋਂ ਹਾਰ ਝੱਲਣੀ ਪਈ।
ਦੋ ਸਾਲ ਲਈ ਦੋ ਸੀਟਾਂ ਦੇ ਲਈ ਇਹ ਵੋਟਿੰਗ ਹੋ ਰਹੀ ਸੀ।
ਕੋਵਿਡ-19 ਤੋਂ ਬਚਾਅ ਲਈ ਯੂ.ਐਨ. ਅੰਬੈਸਡਰਾਂ ਨੂੰ ਇਸ ਵੋਟਿੰਗ 'ਚ ਹਿੱਸਾ ਲੈਣ ਲਈ ਇਕੱਠ 'ਚ ਰਹਿਣ ਦੀ ਜਗ੍ਹਾ, ਸ਼ਿਫਟਾਂ 'ਚ ਵੋਟਾਂ ਪਾਉਣ ਦੀ ਇਜਾਜ਼ਤ ਦਿੱਤੀ ਗਈ।
ਇਹ ਵੋਟਿੰਗ ਪ੍ਰਬੰਧ ਵੀ ਇਤਿਹਾਸਿਕ ਸੀ ਅਤੇ ਅਜਿਹਾ ਪੈਂਡੇਮਿਕ ਤੋਂ ਬਚਾਅ ਲਈ ਕੀਤਾ ਗਿਆ।
