ਕੈਨੇਡਾ ਦੇ ਹੱਥੋਂ ਖੁੰਝਿਆ ਖਸਰਾ ਮੁਕਤ ਦੇਸ਼ ਹੋਣ ਦਾ ਦਰਜਾ

ਕੈਨੇਡਾ ਨੇ ਲਗਭਗ ਤਿੰਨ ਦਹਾਕਿਆਂ ਬਾਅਦ ਇੰਟਰਨੈਸ਼ਨਲ ਪੱਧਰ 'ਤੇ ਆਪਣਾ ਖਸਰਾ ਮੁਕਤ ਦੇਸ਼ ਦਾ ਦਰਜਾ ਗੁਆ ਦਿੱਤਾ ਹੈ, ਅਜਿਹਾ ਪਿਛਲੇ 12 ਮਹੀਨਿਆਂ ਤੋਂ ਖਸਰੇ ਦੇ ਮਾਮਲਿਆਂ ਵਿਚ ਜਾਰੀ ਵਾਧੇ ਕਾਰਨ ਹੋਇਆ ਹੈ। 1998 ਵਿਚ ਕੈਨੇਡਾ ਨੂੰ measles elimination status ਮਿਲਿਆ ਸੀ।

ਵਰਲਡ ਹੈਲਥ ਔਰਗਨਾਈਜ਼ੇਸ਼ਨ ਦੀ ਨੌਰਥ ਅਤੇ ਸਾਊਥ ਅਮਰੀਕਾ ਲਈ ਰਿਜਨਲ ਏਜੰਸੀ ਪੈਨ-ਅਮਰੀਕਨ ਹੈਲਥ ਆਰਗੇਨਾਈਜ਼ੇਸ਼ਨ ਨੇ ਪਬਲਿਕ ਹੈਲਥ ਏਜੰਸੀ ਔਫ ਕੈਨੇਡਾ ਨੂੰ ਸੋਮਵਾਰ ਨੂੰ ਸੂਚਿਤ ਕੀਤਾ ਕਿ ਕੈਨੇਡਾ ਹੁਣ ਖਸਰਾ ਮੁਕਤ ਦੇਸ਼ ਦਾ ਦਰਜਾ ਨਹੀਂ ਰੱਖਦਾ। ਗੌਰਤਲਬ ਹੈ ਕਿ ਕੈਨੇਡਾ ਵਰਤਮਾਨ ਵਿਚ ਖਰਸਾ ਕਈ ਸੂਬਿਆਂ ਵਿਚ ਸਾਹਮਣਾ ਕਰ ਰਿਹਾ ਹੈ।

ਪਬਲਿਕ ਹੈਲਥ ਏਜੰਸੀ ਦਾ ਕਹਿਣਾ ਹੈ ਕਿ ਸੰਕਰਮਣ ਦੇ ਫੈਲਣ ਦੀ ਦਰ ਹੌਲੀ ਹੋਈ ਹੈ ਪਰ ਘੱਟ ਟੀਕਾਕਰਨ ਵਾਲੇ ਇਲਾਕਿਆਂ ਵਿਚ ਇਸ ਦੇ ਮਾਮਲੇ ਆਉਣੇ ਅਜੇ ਵੀ ਜਾਰੀ ਹਨ। ਏਜੰਸੀ ਨੇ ਕਿਹਾ ਕਿ ਕੈਨੇਡਾ ਆਪਣਾ measles ਐਲੀਮੀਨੇਸ਼ਨ ਸਟੇਟਸ ਮੁੜ ਹਾਸਲ ਕਰ ਸਕਦਾ ਹੈ, ਬਸ਼ਰਤੇ ਸਾਨੂੰ ਇਸ ਨਾਲ ਜੁੜੇ ਮਾਮਲੇ ਘੱਟੋ-ਘੱਟ 12 ਮਹੀਨੇ ਤੱਕ ਵਧਣ ਤੋਂ ਰੋਕਣੇ ਹੋਣਗੇ।