11.8C Vancouver 11.8C VancouverOct 30, 2025 8:02 PM - Connect Newsroom
ਕੈਨੇਡਾ ਨੇ ਹਰੀਕੇਨ ਮੇਲਿਸਾ ਤੋਂ ਪ੍ਰਭਾਵਿਤ ਕੈਰੇਬੀਅਨ ਦੇਸ਼ਾਂ ਲਈ $7 ਮਿਲੀਅਨ ਦੀ ਸਹਾਇਤਾ ਦਾ ਐਲਾਨ ਕੀਤਾ ਹੈ। ਕੈਨੇਡਾ ਦੀ ਵਿਦੇਸ਼ੀ ਸਹਾਇਤਾ ਲਈ ਜ਼ਿੰਮੇਵਾਰ ਐਮ.ਪੀ. ਅਤੇ ਅੰਤਰਰਾਸ਼ਟਰੀ ਵਿਕਾਸ ਲਈ ਮੰਤਰੀ ਰਣਦੀਪ ਸਰਾਏ ਨੇ ਕਿਹਾ ਕਿ ਇਸ ਵਿਚੋਂ $5 ਮਿਲੀਅਨ ਐਮਰਜੈਂਸੀ ਰਿਸਪਾਂਸ ਏਜੰਸੀ ਅਤੇ ਹੈਲਥ ਪ੍ਰੋਵਾਈਡਰਸ ਰਾਹੀਂ ਲਾਈਫ ਸੇਵਿੰਗ ਉਪਾਵਾਂ ਲਈ ਦਿੱਤੇ ਜਾ ਰਹੇ ਹਨ, ਜਦੋਂ ਕਿ ਵਰਲਡ ਫੂਡ ਪ੍ਰੋਗਰਾਮ ਨੂੰ ਜਮੈਕਾ ਵਿਚ ਫੂਡ ਅਤੇ ਹੋਰ ਸਪਲਾਈ ਪਹੁੰਚਾਉਣ ਵਿਚ ਸਹਾਇਤਾ ਲਈ $2 ਮਿਲੀਅਨ ਅਲੌਟ ਕੀਤੇ ਗਏ ਹਨ।
ਸਰਾਏ ਨੇ ਕਿਹਾ ਕਿ ਜੇਕਰ ਕੈਰੇਬੀਅਨ ਦੇਸ਼ ਮਦਦ ਦੀ ਬੇਨਤੀ ਕਰਦੇ ਹਨ ਤਾਂ ਕੈਨੇਡਾ ਰੈਡ ਕਰਾਸ ਰਾਹੀਂ ਆਪਣੇ ਐਮਰਜੈਂਸੀ ਸਪਲਾਈ ਦੇ ਭੰਡਾਰ ਤੋਂ ਰਾਹਤ ਸਪਲਾਈ ਭੇਜਣ ਲਈ ਵੀ ਤਿਆਰ ਹੈ। ਰਣਦੀਪ ਸਰਾਏ ਨੇ ਕਿਹਾ ਕਿ ਇਸ ਤੁਰੰਤ ਰਾਹਤ ਤੋਂ ਇਲਾਵਾ ਕੈਨੇਡਾ ਸਰਕਾਰ ਕੈਰੇਬੀਅਨ ਨੂੰ ਤੂਫਾਨ ਤੋਂ ਰਿਕਵਰੀ ਵਿਚ ਮਦਦ ਦੇ ਅਗਲੇ ਦੌਰ ਵਿਚ ਵੀ ਸਹਾਇਤਾ ਕਰਨ ਦੀ ਯੋਜਨਾ ਬਣਾ ਰਹੀ ਹੈ।
ਗੌਰਤਲਬ ਹੈ ਕਿ ਕੈਰੇਬੀਅਨ ਵਿਚ ਘੱਟੋ-ਘੱਟ 33 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ। ਜਮੈਕਾ ਵਿਚ ਸਿੱਧਾ ਟਕਰਾਉਣ ਵਾਲਾ ਹਰੀਕੇਨ ਮੇਲਿਸਾਦੇਸ਼ ਦੇ ਇਤਿਹਾਸ ਵਿਚ ਸਭ ਤੋਂ ਸ਼ਕਤੀਸ਼ਾਲੀ ਤੂਫ਼ਾਨ ਸੀ। ਸਭ ਤੋਂ ਵੱਧ ਲੋਕ ਹੈਤੀ ਵਿਚ ਮਰੇ। UNICEF ਦਾ ਅਨੁਮਾਨ ਹੈ ਕਿ ਕੈਰੇਬੀਅਨ ਵਿਚ 700,000 ਤੋਂ ਵੱਧ ਬੱਚੇ ਇਸ ਤੂਫ਼ਾਨ ਤੋਂ ਪ੍ਰਭਾਵਿਤ ਹੋਏ ਹਨ, ਬਹੁਤ ਸਾਰੇ ਬੇਘਰ ਹੋ ਗਏ ਹਨ ਅਤੇ ਜ਼ਰੂਰੀ ਸੇਵਾਵਾਂ ਤੱਕ ਉਨ੍ਹਾਂ ਦੀ ਪਹੁੰਚ ਨਹੀਂ ਹੈ।
