14.91C Vancouver 14.91C VancouverFeb 25, 2026 4:41 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਸਰਕਾਰ ਨੇ ਕਿਊਬਾ ਵਿਚ ਪੈਦਾ ਹੋਏ ਮਨੁੱਖੀ ਸੰਕਟ ਨਾਲ ਨਜਿੱਠਣ ਲਈ $8 ਮਿਲੀਅਨ ਦੀ ਭੋਜਨ ਸਹਾਇਤਾ ਭੇਜਣ ਦਾ ਐਲਾਨ ਕੀਤਾ ਹੈ। ਵਿਦੇਸ਼ ਮੰਤਰੀ ਅਨੀਤਾ ਅਨੰਦ ਅਤੇ ਅੰਤਰਰਾਸ਼ਟਰੀ ਵਿਕਾਸ ਲਈ ਸੈਕਟਰੀ ਔਫ ਸਟੇਟ ਰਣਦੀਪ ਸਰਾਏ ਨੇ ਦੱਸਿਆ ਕਿ ਇਹ ਫੰਡ ਕਿਊਬਾ ਦੇ ਲੋਕਾਂ ਦੀਆਂ ਤੁਰੰਤ ਲੋੜਾਂ ਨੂੰ ਪੂਰਾ ਕਰਨ ਲਈ ਜਾਰੀ ਕੀਤੇ ਗਏ ਹਨ।
ਇਹ ਕਦਮ ਇਸ ਲਈ ਚੁੱਕਿਆ ਗਿਆ ਹੈ ਕਿਉਂਕਿ ਅਮਰੀਕਾ ਵੱਲੋਂ ਲਗਾਈਆਂ ਸਖ਼ਤ ਤੇਲ ਪਾਬੰਦੀਆਂ ਕਾਰਨ ਕਿਊਬਾ ਵਿਚ ਬੇਸਿਸਕ ਜ਼ਰੂਰਤਾਂ ਦੀ ਭਾਰੀ ਕਿੱਲਤ ਹੋ ਗਈ ਹੈ। ਕੈਨੇਡਾ ਵਲੋਂ ਭੋਜਨ ਸਹਾਇਤਾ ਲਈ ਦਿੱਤਾ ਜਾ ਰਿਹਾ ਫੰਡ ਯੂਨਾਈਟੇਡ ਨੇਸ਼ਨ ਏਜੰਸੀ ਰਾਹੀਂ ਦਿੱਤਾ ਜਾਵੇਗਾ। ਗਲੋਬਲ ਅਫੇਅਰ ਕੈਨੇਡਾ ਨੇ ਪਹਿਲਾਂ ਹੀ ਯਾਤਰੀਆਂ ਨੂੰ ਚਿਤਾਵਨੀ ਦਿੱਤੀ ਹੋਈ ਹੈ ਕਿ ਕਿਊਬਾ ਵਿਚ ਖਾਣ-ਪੀਣ, ਦਵਾਈਆਂ ਅਤੇ ਤੇਲ ਦੀ ਭਾਰੀ ਕਮੀ ਹੈ।
ਜਨਵਰੀ ਵਿਚ ਅਮਰੀਕਾ ਵਲੋਂ ਵੈਨੇਜ਼ੁਏਲਾ ਦੇ ਤੇਲ ਭੰਡਾਰਾਂ 'ਤੇ ਕੰਟਰੋਲ ਹਾਸਲ ਕਰਨ ਮਗਰੋਂ ਕਿਊਬਾ ਲਈ ਤੇਲ ਦਾ ਮੁੱਖ ਸਰੋਤ ਬੰਦ ਹੋ ਚੁੱਕਾ ਹੈ। ਰਾਸ਼ਟਰਪਤੀ ਡੌਨਲਡ ਟਰੰਪ ਦਾ ਪ੍ਰਸ਼ਾਸਨ ਕਿਊਬਾ ਨੂੰ ਤੇਲ ਭੇਜਣ ਵਾਲੇ ਹੋਰਨਾਂ ਦੇਸ਼ਾਂ 'ਤੇ ਵੀ ਟੈਰਿਫ ਲਗਾਉਣ ਦੀ ਧਮਕੀ ਦੇ ਰਿਹਾ ਹੈ, ਜਿਸ ਕਾਰਨ ਸਥਿਤੀ ਖਰਾਬ ਚੱਲ ਰਹੀ ਹੈ। ਟਰੰਪ ਪ੍ਰਸ਼ਾਸਨ ਦਾ ਮੰਨਣਾ ਹੈ ਕਿ ਆਰਥਿਕ ਦਬਾਅ ਨਾਲ ਕਿਊਬਾ ਦੀ ਕਮਿਊਨਿਸਟ ਸਰਕਾਰ ਨੂੰ ਡੇਗਿਆ ਜਾ ਸਕਦਾ ਹੈ।
