24.34C Vancouver 24.34C VancouverAug 20, 2025 1:12 PM - The Canadian Press
ਕੈਨੇਡਾ ਪੋਸਟ ਅਤੇ ਪੋਸਟਲ ਵਰਕਰ ਯੂਨੀਅਨ ਵਲੋਂ ਨਵੇਂ ਕੰਟ੍ਰੈਕਟ ਸਬੰਧੀ ਅੱਜ ਤੋਂ ਗੱਲਬਾਤ ਮੁੜ ਸ਼ੁਰੂ ਕਰ ਦਿੱਤੀ ਗਈ ਹੈ। ਕੈਨੇਡਾ ਪੋਸਟ ਅਤੇ ਲਗਭਗ 55,000 ਡਾਕ ਕਰਮਚਾਰੀਆਂ ਦੀ ਨੁਮਾਇੰਦਗੀ ਕਰਨ ਵਾਲੀ ਯੂਨੀਅਨ ਵਿਚਕਾਰ ਗੱਲਬਾਤ ਮੁਲਤਵੀ ਹੋ ਗਈ ਸੀ ਕਿਉਂਕਿ ਏਅਰ ਕੈਨੇਡਾ ਦੇ ਫਲਾਈਟ ਅਟੈਂਡੈਂਟ ਦੀ ਹੜਤਾਲ ਕਾਰਨ ਫੈਡਰਲ ਸਰਕਾਰ ਦੇ ਮੈਡੀਏਟਰ ਉਪਲਬਧ ਨਹੀਂ ਸਨ।
ਕੁਝ ਹਫ਼ਤੇ ਪਹਿਲਾਂ ਪੋਸਟਲ ਵਰਕਰ ਯੂਨੀਅਨ ਨੇ ਕਰਾਊਨ ਕਾਰਪੋਰੇਸ਼ਨ ਦੀ ਨਵੀਨਤਮ ਪੇਸ਼ਕਸ਼ ਨੂੰ ਠੁਕਰਾ ਦਿੱਤਾ ਸੀ ਜਿਸ ਵਿਚ ਚਾਰ ਸਾਲਾਂ ਵਿਚ ਤਨਖਾਹਾਂ ਵਿਚ ਲਗਭਗ 13 ਫੀਸਦੀ ਵਾਧਾ ਹੋਣਾ ਸੀ ਅਤੇ ਵਰਕਫੋਰਸ ਵਿਚ ਪਾਰਟ ਟਾਈਮਰ ਸ਼ਾਮਲ ਕੀਤੇ ਜਾਣੇ ਸਨ।
ਕੈਨੇਡਾ ਪੋਸਟ ਨੇ ਉਨ੍ਹਾਂ ਪ੍ਰਸਤਾਵਾਂ 'ਤੇ ਯੂਨੀਅਨ ਤੋਂ ਰਸਮੀ ਜਵਾਬ ਦੀ ਮੰਗ ਕੀਤੀ ਹੈ ਅਤੇ ਚਿਤਾਵਨੀ ਦਿੱਤੀ ਕਿ ਸਮੂਹਿਕ ਸੌਦੇਬਾਜ਼ੀ ਦੇ ਆਲੇ-ਦੁਆਲੇ ਦੀ ਅਨਿਸ਼ਚਿਤਤਾ ਕਾਰਨ ਰੋਜ਼ਾਨਾ ਕਾਰੋਬਾਰ ਨੂੰ ਲੱਖਾਂ ਡਾਲਰ ਦਾ ਨੁਕਸਾਨ ਹੋ ਰਿਹਾ ਹੈ। ਉਥੇ ਹੀ,ਕੈਨੇਡੀਅਨ ਯੂਨੀਅਨ ਆਫ਼ ਪੋਸਟਲ ਵਰਕਰਜ਼ ਨੇ ਕਿਹਾ ਕਿ ਸਰਕਾਰ ਨੂੰ ਦੋ ਧਿਰਾਂ ਵਿਚ ਚੱਲ ਰਹੀ ਸੌਦੇਬਾਜ਼ੀ ਵਿਚ ਦਖ਼ਲ ਦੇਣਾ ਬੰਦ ਕਰਨਾ ਚਾਹੀਦਾ ਹੈ।
