ਕੈਨੇਡਾ ਪੋਸਟ ਨੂੰ ਹੋ ਰਹੇ ਘਾਟੇ ਵਿਚਕਾਰ ਨੌਕਰੀਆਂ ਵਿਚ ਹੋ ਸਕਦੀ ਹੈ ਵੱਡੀ ਕਟੌਤੀ

ਕੈਨੇਡਾ ਪੋਸਟ ਨੂੰ ਹੋ ਰਹੇ ਘਾਟੇ ਵਿਚਕਾਰ ਨੌਕਰੀਆਂ ਵਿਚ ਵੱਡੀ ਕਟੌਤੀ ਹੋ ਸਕਦੀ ਹੈ। ਕਰਾਊਨ ਕਾਰਪੋਰੇਸ਼ਨ ਦੇ ਸੀ.ਈ.ਓ. ਡੱਗ ਐਟਿੰਗਰ ਨੇ ਮੰਗਲਵਾਰ ਨੂੰ ਸਾਲਾਨਾ ਮੀਟਿੰਗ ਵਿਚ ਇਸ ਦਾ ਸੰਕੇਤ ਦਿੱਤਾ। ਉਨ੍ਹਾਂ ਕਿਹਾ ਕਿ ਕੰਪਨੀ ਨੂੰ ਅਗਲੇ 10 ਸਾਲਾਂ ਵਿਚ ਆਪਣੀ ਮੌਜੂਦਾ ਲਗਭਗ 62,000 ਕਰਮਚਾਰੀਆਂ ਦੀ ਵਰਕ ਫੋਰਸ ਵਿਚੋਂ 30,000 ਕਰਮਚਾਰੀਆਂ ਨੂੰ ਰਿਟਾਇਰਮੈਂਟ ਜਾਂ ਸਵੈ-ਇੱਛਤ ਵਿਦਾਇਗੀ ਜ਼ਰੀਏ ਖੋਹਣਾ ਪੈ ਸਕਦਾ ਹੈ।

ਉਨ੍ਹਾਂ ਕਿਹਾ ਕਿ ਸਾਨੂੰ ਅੱਗੇ ਵੱਧਦੇ ਹੋਏ ਇੱਕ value focused ਸੰਗਠਨ ਬਣਨਾ ਹੋਵੇਗਾ ਅਤੇ ਆਪਣੇ ਕੰਮਕਾਜ ਨੂੰ ਦੇਸ਼ ਦੀਆਂ ਆਨੁਧਿਕ ਜ਼ਰੂਰਤਾਂ ਅਤੇ ਮਾਲੀ ਹਕੀਕਤ ਮੁਤਾਬਕ ਢਾਲਣ ਦੀ ਲੋੜ ਹੈ। ਉਨ੍ਹਾਂ ਕਿਹਾ ਕਿ 2030 ਤੱਕ 16,000 ਕਰਮਚਾਰੀਆਂ ਨੂੰ ਰਿਟਾਇਰਮੈਂਟ ਜਾਂ ਸਵੈ-ਇੱਛਤ ਤੌਰ 'ਤੇ ਨੌਕਰੀ ਤੋਂ ਕੱਢਣ ਦੀ ਉਮੀਦ ਹੈ ਅਤੇ 2035 ਤੱਕ ਇਸੇ ਤਰ੍ਹਾਂ 14,000 ਹੋਰ ਕਰਮਚਾਰੀਆਂ ਦੀ ਛਾਂਟੀ ਕੀਤੀ ਜਾ ਸਕਦੀ ਹੈ।

ਉਥੇ ਹੀ,ਕਰਾਊਨ ਕਾਰਪੋਰੇਸ਼ਨ ਦੀ ਮੁੱਖ ਵਿੱਤੀ ਅਧਿਕਾਰੀ ਰਿੰਦਾਲਾ ਅਲ-ਹੇਜ ਨੇ ਕਿਹਾ ਕਿ ਕੈਨੇਡਾ ਪੋਸਟ ਹੋਂਦ ਦੇ ਸੰਕਟ ਦਾ ਸਾਹਮਣਾ ਕਰ ਰਿਹਾ ਹੈ ਅਤੇ ਸਹੀ ਮਾਈਨੇ ਵਿਚ ਦੀਵਾਲੀਆ ਹੋ ਗਿਆ ਹੈ,ਉਨ੍ਹਾਂ ਕਿਹਾ ਕਿ ਸਾਲ ਦੇ ਪਹਿਲੇ ਨੌ ਮਹੀਨਿਆਂ ਵਿਚ ਘਾਟਾ $1 ਬਿਲੀਅਨ ਤੋਂ ਪਾਰ ਹੋ ਚੁੱਕਾ ਹੈ,ਜੋ ਕਿ 2024 ਦੇ ਇਸੇ ਸਮੇਂ ਵਿਚ ਹੋਏ ਨੁਕਸਾਨ ਨਾਲੋਂ ਕਰੀਬ $239 ਮਿਲੀਅਨ ਦਾ ਹੋਰ ਵਾਧਾ ਹੈ ਅਤੇ ਕੰਪਨੀ ਖਰਚਿਆਂ ਨੂੰ ਕੰਟਰੋਲ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ।