7.14C Vancouver 7.14C VancouverSep 18, 2025 7:44 PM - The Canadian Press
ਕੈਨੇਡਾ ਪੋਸਟ ਦਾ ਕਹਿਣਾ ਹੈ ਕਿ ਉਸ ਨੇ ਪੋਸਟਲ ਵਰਕਰ ਯੂਨੀਅਨ ਨਾਲ ਗੱਲਬਾਤ ਨੂੰ ਅੱਗੇ ਵਧਾਉਣ ਦੀ ਕੋਸ਼ਿਸ਼ ਵਿਚ ਇੱਕ ਨਵਾਂ ਆਫਰ ਪੇਸ਼ ਕੀਤਾ ਹੈ। ਕਰਾਊਨ ਕਾਰਪੋਰੇਸ਼ਨ ਨੇ ਉਮੀਦ ਜਤਾਈ ਕਿ ਇਸ ਪੇਸ਼ਕਸ਼ ਨਾਲ ਅਗਲੇ ਹਫ਼ਤੇ ਦੋਵਾਂ ਧਿਰਾਂ ਸੌਦੇਬਾਜ਼ੀ ਦੀ ਮੇਜ਼ 'ਤੇ ਵਾਪਸ ਆ ਸਕਦੀਆਂ ਹਨ। ਕੈਨੇਡਾ ਪੋਸਟ ਨੇ ਕਿਹਾ ਕਿ ਉਸ ਨੇ ਯੂਨੀਅਨ ਨੂੰ ਇਸ ਉਮੀਦ ਨਾਲ ਨਵੀਂ ਪੇਸ਼ਕਸ਼ ਦੇਣ ਦਾ ਫੈਸਲਾ ਕੀਤਾ ਹੈ ਕਿ ਦੋਵੇਂ ਪੱਖ ਵੀਕੈਂਡ ਡਿਲੀਵਰੀ ਵਰਗੇ ਮਹੱਤਵਪੂਰਨ ਮੁੱਦਿਆਂ ਉਤੇ ਆਮ ਸਹਿਮਤੀ ਬਣਾ ਸਕਣਗੇ।
ਕੰਪਨੀ ਨੇ ਨਵੇਂ ਔਫਰ ਦੇ ਜਵਾਬ ਵਿਚ ਪੋਸਟਲ ਵਰਕਰ ਯੂਨੀਅਨ ਨੂੰ ਵਪਾਰਕ ਉਡਾਣਾਂ ਦੀ ਡਿਲੀਵਰੀ 'ਤੇ ਬੈਨ ਹਟਾਉਣ ਦੀ ਮੰਗ ਕੀਤੀ ਹੈ। ਗੌਰਤਲਬ ਹੈ ਕਿ ਦੋਵੇਂ ਧਿਰਾਂ ਲਗਭਗ ਦੋ ਸਾਲਾਂ ਤੋਂ ਕੰਟਰੈਕਟ ਸਬੰਧੀ ਗੱਲਬਾਤ ਕਰ ਰਹੀਆਂ ਹਨ।
ਪੋਸਟਲ ਵਰਕਰ ਯੂਨੀਅਨ ਆਪਣੀਆਂ ਮੰਗਾਂ ਨੂੰ ਲੈ ਕੇ ਪਹਿਲਾਂ 2024 ਦੇ ਅਖੀਰ ਵਿਚ ਇੱਕ ਮਹੀਨਾ ਹੜਤਾਲ 'ਤੇ ਰਹੀ ਸੀ, ਇਸ ਸਾਲ ਮਈ ਵਿਚ ਉਸ ਨੇ ਇੱਕ ਹੋਰ ਹੜਤਾਲ ਦਾ ਨੋਟਿਸ ਜਾਰੀ ਕੀਤਾ ਪਰ ਗੱਲਬਾਤ ਜਾਰੀ ਰਹਿਣ ਕਾਰਨ ਇਸ ਦੀ ਬਜਾਏ ਓਵਰਟਾਈਮ ਬੈਨ ਲਗਾ ਦਿੱਤਾ ਸੀ।
