13.96C Vancouver 13.96C VancouverDec 10, 2024 4:28 PM - The Canadian Press
ਕੈਨੇਡਾ ਪੋਸਟ ਦੇ 55 ਹਜ਼ਾਰ ਤੋਂ ਵੱਧ ਕਰਮਚਾਰੀਆਂ ਦੀ ਜਾਰੀ ਹੜਤਾਲ 4 ਹਫ਼ਤੇ ਪੂਰੇ ਕਰਨ ਦੇ ਕਰੀਬ ਹੈ ਪਰ ਡਿਪਾਰਟਮੈਂਟ ਨੇ ਤਾਜ਼ਾ ਬਿਆਨ ਵਿਚ ਕਿਹਾ ਹੈ ਕਿ ਇਸ ਦੇ ਜਲਦ ਸਮਾਪਤ ਹੋਣ ਦੇ ਆਸਾਰ ਨਹੀਂ ਹਨ। ਪੋਸਟਲ ਵਰਕਰਜ਼ ਯੂਨੀਅਨ ਨੇ ਸੋਮਵਾਰ ਕੈਨੇਡਾ ਪੋਸਟ ਨੂੰ ਆਪਣੀਆਂ ਮੰਗਾਂ ਦੀ ਤਾਜ਼ਾ ਸੂਚੀ ਭੇਜੀ ਹੈ, ਜਿਸ ਵਿਚ ਤਨਖਾਹਾਂ ਵਿਚ ਵਾਧੇ ਅਤੇ ਨੌਕਰੀਆਂ ਪੱਕੀਆਂ ਕਰਨ ਦੀ ਮੰਗ ਸ਼ਾਮਲ ਹੈ।
ਕੈਨੇਡਾ ਪੋਸਟ ਨੇ ਕਿਹਾ ਕਿ ਦੋਵਾਂ ਧਿਰਾਂ ਵਿਚਕਾਰ ਮਸਲਾ ਬਰਕਰਾਰ ਹੈ, ਜਿਸ ਕਾਰਨ ਲੱਖਾਂ ਡਿਲੀਵਰੀ ਰੁਕੀਆਂ ਹਨ। ਉਥੇ ਹੀ, ਕਾਰੋਬਾਰੀਆਂ ਵਲੋਂ ਸਰਕਾਰ ਨੂੰ ਹੜਤਾਲ ਵਿਚ ਸਿੱਧੇ ਦਖਲ ਦੇਣ ਦੀ ਕੀਤੀ ਜਾ ਰਹੀ ਮੰਗ ਦੇ ਬਾਵਜੂਦ ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਨੇ ਸੋਮਵਾਰ ਨੂੰ ਕਿਹਾ ਕਿ ਸਰਕਾਰ ਦੋਵਾਂ ਧਿਰਾਂ ’ਤੇ ਸਮਝੌਤੇ ’ਤੇ ਪਹੁੰਚਣ ਲਈ ਦਬਾਅ ਪਾ ਰਹੀ ਹੈ।
ਗੌਰਤਲਬ ਹੈ ਕਿ ਕੈਨੇਡਾ ਪੋਸਟ ਦੇ ਪੋਸਟਲ ਕਰਮਚਾਰੀਆਂ ਦੀ ਦੇਸ਼ ਭਰ ਵਿਚ ਹੜਤਾਲ 14 ਨਵੰਬਰ ਨੂੰ ਸ਼ੁਰੂ ਹੋਈ ਸੀ। ਹਾਲਾਂਕਿ, ਸਰਕਾਰ ਵਲੋਂ ਗੱਲਬਾਤ ਕਰਵਾਉਣ ਲਈ ਇੱਕ ਵਿਚੋਲੇ ਦੀ ਨਿਯੁਕਤੀ ਵੀ ਕੀਤੀ ਗਈ ਸੀ ਪਰ ਦੋਵਾਂ ਧਿਰਾਂ ਦੇ ਸਮਝੌਤੇ ਤੋਂ ਬਹੁਤ ਦੂਰ ਹੋਣ ਕਾਰਨ ਲਗਭਗ ਦੋ ਹਫ਼ਤੇ ਪਹਿਲਾਂ ਵਿਚੋਲੇ ਨੂੰ ਵਿਚੋਂ ਹਟਾ ਲਿਆ ਗਿਆ ਸੀ।
