18.85C Vancouver 18.85C VancouverNov 19, 2024 5:59 PM - The Canadian Press
ਕੈਨੇਡਾ ਪੋਸਟ ਦੇ ਕਰਮਚਾਰੀਆਂ ਦੀ ਹੜਤਾਲ ਦੇ ਚੱਲਦੇ ਕੈਨੇਡੀਅਨਾਂ ਨੂੰ ਬੈਂਕ ਚੈੱਕ ਅਤੇ ਡੈਬਿਟ, ਕ੍ਰੈਡਿਟ ਕਾਰਡ ਆਦਿ ਦੀ ਡਿਲਿਵਰੀ ਵਿਚ ਦੇਰੀ ਦਾ ਸਾਹਮਣਾ ਕਰਨਾ ਪਵੇਗਾ। ਬੈਂਕਾਂ ਵਲੋਂ ਇਹ ਚਿਤਾਵਨੀ ਦਿੱਤੀ ਗਈ ਹੈ। Ý
ਦਰਅਸਲ ਕੈਨੇਡਾ ਪੋਸਟ ਨੇ ਕਿਹਾ ਹੈ ਕਿ ਦੋਹਾਂ ਧਿਰਾਂ ਵਿਚਕਾਰ ਹੁਣ ਤੱਕ ਵੀ ਕੋਈ ਸਹਿਮਤੀ ਨਹੀਂ ਬਣੀ ਹੈ, ਇਸ ਲਈ ਇਹ ਨਹੀਂ ਕਿਹਾ ਜਾ ਸਕਦਾ ਕਿ ਹੜਤਾਲ ਕਦੋਂ ਸਮਾਪਤ ਹੋਵੇਗੀ ਅਤੇ ਗ੍ਰਹਕਾਂ ਨੂੰ ਕਦੋਂ ਤੋਂ ਉਨ੍ਹਾਂ ਦੀਆਂ ਡਾਕ ਮੇਲ ਪ੍ਰਾਪਤ ਹੋਣੀਆਂ ਸ਼ੁਰੂ ਹੋਣਗੀਆਂ।
ਕੈਨੇਡਾ ਪੋਸਟ ਦੇ 55,000 ਤੋਂ ਵੱਧ ਕਰਮਚਾਰੀ ਸ਼ੁੱਕਰਵਾਰ ਤੋਂ ਹੜਤਾਲ ’ਤੇ ਹਨ, ਜਿਸ ਕਾਰਨ ਕੈਨੇਡਾ ਭਰ ਵਿਚ ਮੇਲ ਅਤੇ ਪਾਰਸਲ ਸਰਵਿਸ ਪ੍ਰਭਾਵਿਤ ਹੋ ਰਹੀਆਂ ਹਨ। ਇਸ ਦੇ ਚੱਲਦੇ ਕੁਝ ਡਾਕ ਘਰ ਵੀ ਬੰਦ ਹਨ। ਬੈਂਕਾਂ ਨੇ ਕਿਹਾ ਹੈ ਕਿ ਜਦੋਂ ਤੱਕ ਡਾਕ ਸਰਵਿਸ ਮੁੜ ਬਹਾਲ ਨਹੀਂ ਹੋ ਜਾਂਦੀ ਛਾਪੇ ਗਏ ਬਿਆਨ ਦੀ ਵੀ ਡਿਲਿਵਰੀ ਨਹੀਂ ਹੋ ਸਕਦੀ, ਹਾਲਾਂਕਿ ਜੋ ਸੇਵਾਵਾਂ ਆਨਲਾਈਨ ਇਸਤੇਮਾਲ ਹੋ ਸਕਦੀਆਂ ਹਨ, ਉਨ੍ਹਾਂ ਵਿਚ ਕੋਈ ਸਮੱਸਿਆ ਨਹੀਂ ਹੈ।
ਸਕੋਸ਼ੀਆ ਬੈਂਕ ਨੇ ਕਿਹਾ ਕਿ ਜਿਨ੍ਹਾਂ ਗ੍ਰਾਹਕਾਂ ਨੇ ਹਾਲ ਹੀ ਵਿਚ ਡੈਬਿਟ, ਕ੍ਰੈਡਿਟ ਕਾਰਡ ਜਾਂ ਬਦਲੀ ਕਾਰਡ ਲਈ ਅਪਲਾਈ ਕੀਤਾ ਸੀ, ਉਨ੍ਹਾਂ ਨੂੰ ਡਿਲਿਵਰੀ ਲਈ ਇੰਤਜ਼ਾਰ ਕਰਨਾ ਪਵੇਗਾ ਪਰ ਡੈਬਿਟ ਕਾਰਡ ਲਈ ਗ੍ਰਹਕ ਲੋਕਲ ਬਰਾਂਚ ਨਾਲ ਸੰਪਰਕ ਕਰ ਸਕਦੇ ਹਨ।
