12.92C Vancouver 12.92C VancouverJun 8, 2026 5:07 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਪੋਸਟ ਵੱਲੋਂ ਫੀਫਾ ਵਰਲਡ ਕੱਪ ਦੇ ਮੱਦੇਨਜ਼ਰ ਵੈਨਕੂਵਰ ਅਤੇ ਟੋਰੌਂਟੋ ਦੇ ਕੁਝ ਇਲਾਕਿਆਂ ਵਿਚ ਡਾਕ ਸੇਵਾਵਾਂ ਵਿਚ ਵਿਘਨ ਪੈਣ ਦੀ ਚਿਤਾਵਨੀ ਜਾਰੀ ਕੀਤੀ ਗਈ ਹੈ। ਡਿਪਾਰਟਮੈਂਟ ਨੇ ਸੋਮਵਾਰ ਨੂੰ ਕਿਹਾ ਕਿ ਫੀਫਾ ਦੇ ਮੈਚਾਂ ਅਤੇ ਪ੍ਰੋਗਰਾਮਾਂ ਵਾਲੀਆਂ ਥਾਵਾਂ ਨੇੜੇ ਰਹਿਣ ਵਾਲੇ ਲੋਕਾਂ ਲਈ ਡਾਕ ਡਿਲਿਵਰੀ ਪ੍ਰਭਾਵਿਤ ਹੋ ਸਕਦੀ ਹੈ।
ਕੈਨੇਡਾ ਪੋਸਟ ਨੇ ਸਪੱਸ਼ਟ ਕੀਤਾ ਹੈ ਕਿ ਜਿਹੜੀ ਡਾਕ ਸੁਰੱਖਿਆ ਕਾਰਨਾਂ ਜਾਂ ਰਸਤਿਆਂ ਦੀ ਬੰਦ ਹੋਣ ਕਰਕੇ ਡਿਲਿਵਰ ਨਹੀਂ ਹੋ ਸਕੇਗੀ, ਉਸ ਨੂੰ ਕੈਨੇਡਾ ਪੋਸਟ ਦੇ ਡਿਪੂ ਵਿਚ ਸੁਰੱਖਿਅਤ ਰੱਖਿਆ ਜਾਵੇਗਾ ਅਤੇ ਅਗਲੇ ਕੰਮਕਾਜੀ ਦਿਨ ਪਹਿਲ ਦੇ ਆਧਾਰ 'ਤੇ ਡਿਲਿਵਰ ਕੀਤਾ ਜਾਵੇਗਾ। ਇਸ ਦੇ ਨਾਲ ਹੀ ਡਿਪਾਰਟਮੈਂਟ ਵੱਲੋਂ 22 ਜੁਲਾਈ ਤੱਕ ਕੁਝ ਥਾਵਾਂ ਤੋਂ ਸਟ੍ਰੀਟ ਲੈਟਰ ਬੌਕਸ ਹਟਾ ਦਿੱਤੇ ਜਾਣਗੇ।
ਹਾਲਾਂਕਿ,ਕੈਨੇਡਾ ਪੋਸਟ ਨੇ ਭਰੋਸਾ ਦਿੱਤਾ ਹੈ ਕਿ ਮੈਚਾਂ ਵਾਲੇ ਦਿਨਾਂ ਵਿਚ ਵੀ ਡਾਕ ਪਹੁੰਚਾਉਣ ਦੀ ਹਰ ਸੰਭਵ ਕੋਸ਼ਿਸ਼ ਕੀਤੀ ਜਾਵੇਗੀ। ਗੌਰਤਲਬ ਹੈ ਕਿ 11 ਜੂਨ ਤੋਂ 19 ਜੁਲਾਈ ਤੱਕ ਚੱਲਣ ਵਾਲੇ ਫੀਫਾ ਟੂਰਨਾਮੈਂਟ ਦੌਰਾਨ ਟੋਰੌਂਟੋ ਅਤੇ ਵੈਨਕੂਵਰ ਵਿਚ ਕੁੱਲ 13 ਮੈਚ ਖੇਡੇ ਜਾਣੇ ਹਨ।
