10.85C Vancouver 10.85C VancouverAug 6, 2020 7:40 PM -
ਗਲੋਬਲ ਅਫੇਅਰਜ਼ ਕੈਨੇਡਾ ਦਾ ਕਹਿਣਾ ਹੈ ਕਿ ਚੀਨ 'ਚ ਇੱਕ ਕਨੇਡੀਅਨ ਨਾਗਰਿਕ ਨੂੰ ਮੌਤ ਦੀ ਸਜ਼ਾ ਦੇ ਐਲਾਨ 'ਤੇ ਫੈਡਰਲ ਸਰਕਾਰ ਬੇਹੱਦ ਚਿੰਤਤ ਹੈ।
ਗੁਆਂਗਜ਼ੂ ਮਯੂਨਿਸਪਲ ਇੰਟਰਮੀਡੀਏਟ ਕੋਰਟ ਨੇ ਜ਼ੂ ਵੀਹੌਂਗ ਨਾਮ ਦੇ ਵਿਅਕਤੀ ਨੂੰ ਮੌਤ ਦੀ ਸਜ਼ਾ ਸੁਣਾਈ ਹੈ।
ਉਸ ਦੇ ਇੱਕ ਸਾਥੀ ਜਿਸ ਦਾ ਨਾਮ ਵੈਨ ਗੁਆਂਗਜ਼ੀਔਂਗ ਦੱਸਿਆ ਗਿਆ ਹੈ, ਉਸ ਨੂੰ ਉਮਰ ਕੈਦ ਦੀ ਸਜ਼ਾ ਸੁਣਾਈ ਗਈ ਹੈ।
ਕੋਰਟ ਦੇ ਬਿਆਨ 'ਚ ਬਹੁਤੇ ਵੇਰਵੇ ਸਾਂਝੇ ਨਹੀਂ ਕੀਤੇ ਗਏ ਸਨ, ਪਰ ਲੋਕਲ ਮੀਡੀਆ ਅਨੁਸਾਰ ਦੋਨੇ ਵਿਅਕਤੀਆਂ ਨੇ ਕੀਟਾਮੀਨ ਨਾਮ ਦੀ ਡਰੱਗ ਬਣਾਉਣ ਲਈ ਪਦਾਰਥ ਅਤੇ ਔਜ਼ਾਰ ਇਕੱਠੇ ਕੀਤੇ ਸਨ।
ਫਿਰ ਅਕਤੂਬਰ 2016 'ਚ ਫ਼ਾਈਨਲ ਪਦਾਰਥ ਨੂੰ ਜ਼ੂ ਦੇ ਘਰ 'ਚ ਰੱਖਿਆ ਗਿਆ ਸੀ।
ਰਿਪੋਰਟਸ ਅਨੁਸਾਰ ਬਾਅਦ 'ਚ ਪੁਲਿਸ ਨੂੰ ਮੌਕੇ ਤੋਂ 120 ਕਿਲੋਗ੍ਰਾਮ ਡਰੱਗ ਬਰਾਮਦ ਹੋਈ ਸੀ।
ਅੱਜ ਇੱਕ ਕਾਮਨਜ਼ ਕਮੇਟੀ ਦੀ ਬੈਠਕ ਵੀ ਹੋ ਰਹੀ ਹੈ, ਅਤੇ ਚੀਨ ਦੇ ਨਾਲ ਰਿਸ਼ਤਿਆਂ 'ਚ ਆਈ ਗਿਰਾਵਟ ਬਾਰੇ ਚਰਚਾ ਹੋ ਰਹੀ ਹੈ।
ਯਾਦ ਰਹੇ ਦਿਸੰਬਰ 2018 'ਚ ਵੁਆਵੇ ਦੀ ਐਗਜ਼ੀਕਿਊਟਿਵ ਮੰਗ ਵਾਂਜੋ ਦੀ ਗ੍ਰਿਫਤਾਰੀ ਤੋਂ ਬਾਅਦ ਕੈਨੇਡਾ ਅਤੇ ਚੀਨ ਦੇ ਰਿਸ਼ਤਿਆਂ 'ਚ ਤ੍ਰੇੜ ਆ ਗਈ ਮੰਨੀ ਜਾ ਰਹੀ ਹੈ।
ਇਹ ਗ੍ਰਿਫਤਾਰੀ ਅਮਰੀਕਾ ਦੀ ਮੰਗ 'ਤੇ ਹੋਈ ਸੀ।
