ਕੈਨੇਡਾ ਨੇ ਧੋਖਾਧੜੀ ਦੀਆਂ ਚਿੰਤਾ ਵਿਚਕਾਰ ਭਾਰਤੀ ਵਿਦਿਆਰਥੀ ਦੀ ਪਰਮਿਟ ਅਰਜ਼ੀ ਕੀਤੀ ਰੱਦ

ਕੈਨੇਡਾ ਨੇ ਇੰਟਰਨੈਸ਼ਨਲ ਸਟੂਡੈਂਟਸ 'ਤੇ ਲਗਾਈਆਂ ਪਾਬੰਦੀਆਂ ਵਿਚਕਾਰ ਵੱਡੀ ਗਿਣਤੀ ਵਿਚ ਭਾਰਤ ਤੋਂ ਵੀਜ਼ਾ ਅਰਜ਼ੀਆਂ ਨੂੰ ਰੱਦ ਕੀਤਾ ਹੈ। ਇਮੀਗ੍ਰੇਸ਼ਨ ਡਿਪਾਰਟਮੈਂਟ ਦੇ ਅੰਕੜਿਆਂ ਅਨੁਸਾਰ, ਅਗਸਤ ਵਿਚ ਕੈਨੇਡੀਅਨ ਪੋਸਟ-ਸੈਕੰਡਰੀ ਇੰਸਟੀਚਿਊਟ ਲਈ ਸਟੱਡੀ ਪਰਮਿਟ ਵਾਸਤੇ 74 ਫੀਸਦੀ ਭਾਰਤੀ ਐਪਲੀਕੇਸ਼ਨਾਂ ਨਾ ਮਨਜ਼ੂਰ ਹੋਈਆਂ, ਇਹ ਸਰਕਾਰ ਵਲੋਂ ਅਸਥਾਈ ਪ੍ਰਵਾਸੀਆਂ ਦੀ ਗਿਣਤੀ ਘਟਾਉਣ ਅਤੇ ਸਟੂਡੈਂਟ ਵੀਜ਼ਾ ਨਾਲ ਸਬੰਧਤ ਧੋਖੇ ਨਾਲ ਨਜਿੱਠਣ ਦੇ ਯਤਨ ਦੇ ਹਿੱਸੇ ਵਜੋਂ ਹਾਲ ਹੀ ਦੇ ਮਹੀਨੇ ਵਿਚ ਵੱਡੀ ਕਾਰਵਾਈ ਹੈ। ਅਗਸਤ 2023 ਵਿਚ 32 ਫੀਸਦੀ ਭਾਰਤੀ ਵਿਦਿਆਰਥੀਆਂ ਦੇ ਸਟੱਡੀ ਪਰਮਿਟ ਅਸਵੀਕਾਰ ਹੋਏ ਸਨ।

ਇਸ ਦੇ ਉਲਟ ਸਾਰੇ ਇੰਟਰਨੈਸ਼ਨਲ ਸਟੱਡੀ ਪਰਮਿਟ ਲਈ ਓਵਰਆਲ ਰੱਦ ਦੀ ਦਰ ਉਸੇ ਸਮੇਂ ਲਗਭਗ 40 ਫੀਸਦੀ ਸੀ। ਕੈਨੇਡਾ ਵਿਚ ਸਟੱਡੀ ਲਈ ਅਪਲਾਈ ਕਰਨ ਵਾਲੇ ਭਾਰਤੀ ਐਪਲੀਕੇਸ਼ਨਾਂ ਦੀ ਗਿਣਤੀ ਵੀ ਘਟੀ ਹੈ, ਅਗਸਤ 2023 ਵਿਚ ਇਹ ਗਿਣਤੀ 20,900 ਦੇ ਕਰੀਬ ਸੀ, ਜੋ ਅਗਸਤ 2025 ਵਿਚ ਮਹਿਜ 4,515 ਰਹਿ ਗਈ।

ਗੌਰਤਲਬ ਹੈ ਕਿ ਪਿਛਲੇ ਕਰੀਬ 10 ਸਾਲਾਂ ਤੋਂ ਭਾਰਤ ਕੈਨੇਡਾ ਵਿਚ ਇੰਟਰਨੈਸ਼ਨਲ ਵਿਦਿਆਰਥੀਆਂ ਦਾ ਸਭ ਤੋਂ ਵੱਡਾ ਸਰੋਤ ਰਿਹਾ ਹੈ ਪਰ ਅਗਸਤ ਵਿਚ ਭਾਰਤੀਆਂ ਲਈ ਸਟੱਡੀ ਪਰਮਿਟ ਰਫਊਜ਼ਲ ਰੇਟ ਕਿਸੇ ਵੀ ਦੇਸ਼ ਨਾਲੋਂ ਸਭ ਤੋਂ ਵੱਧ ਰਿਹਾ। ਚੀਨ ਲਈ ਇਹ ਦਰ ਇਸ ਦੌਰਾਨ 24 ਫੀਸਦੀ ਸੀ।