18.7C Vancouver 18.7C VancouverSep 23, 2020 11:11 PM -
ਕੈਨੇਡਾ ਦੀ ਚੀਫ਼ ਪਬਲਿਕ ਹੈਲਥ ਅਫ਼ਸਰ, ਡਾ. ਥਰੈਸਾ ਟੈਮ ਦਾ ਕਹਿਣਾ ਹੈ ਕਿ ਕੋਵਿਡ-19 ਮਾਮਲਿਆਂ 'ਚ ਬੀਤੇ ਹਫ਼ਤੇ ਹੋਇਆ ਵਾਧਾ ਬੇਹੱਦ ਚਿੰਤਾ ਦਾ ਵਿਸ਼ਾ ਹੈ।
ਡਾ. ਟੈਮ ਦਾ ਕਹਿਣਾ ਹੈ ਕਿ ਬੀਤੇ ਹਫ਼ਤੇ ਦੀ ਔਸਤ ਦੇ ਅਨੁਸਾਰ, ਪ੍ਰਤੀ ਦਿਨ 1,123 ਮਾਮਲੇ ਰਿਪੋਰਟ ਹੋਏ ਹਨ।
ਅਗਸਤ ਦੇ ਮੱਧ ਤੱਕ ਕੈਨੇਡਾ 'ਚ ਪ੍ਰਤੀ ਦਿਨ ਦਾ ਇਹ ਅੰਕੜਾ 380 ਮਾਮਲਿਆਂ 'ਤੇ ਦਰਜ ਕੀਤਾ ਗਿਆ ਸੀ।
ਉਨ੍ਹਾਂ ਕਿਹਾ ਕਿ ਦੇਸ਼ ਦੇ ਕਈ ਸੂਬੇ, ਵਾਇਰਸ ਸੰਬੰਧੀ ਮਾਮਲਿਆਂ ਦੇ ਵੱਡੇ ਵਾਧੇ ਵੱਲ ਵੱਧ ਰਹੇ ਹਨ।
ਤਾਜ਼ਾ ਮਾਮਲਿਆਂ 'ਚ ਯੁਵਾ ਵਰਗ ਦੇ ਵਧੇਰੇ ਪ੍ਰਭਾਵਿਤ ਹੋਣ ਬਾਰੇ ਦੱਸਿਆ ਜਾ ਰਿਹਾ ਹੈ, ਪਰ ਡਾ. ਟੈਮ ਦਾ ਕਹਿਣਾ ਹੈ ਕਿ ਇਸ ਦਾ ਪ੍ਰਭਾਵ ਸਾਰੇ ਲੋਕਾਂ 'ਤੇ ਪੈਂਦਾ ਹੈ।
ਅੱਜ ਔਂਟੈਰੀਓ 'ਚ 335 ਅਤੇ ਕਿਊਬੈਕ 'ਚ 471 ਮਾਮਲੇ ਰਿਪੋਰਟ ਹੋਏ ਹਨ।
