16.72C Vancouver 16.72C VancouverApr 22, 2026 2:07 PM - Connect Newsroom - Ramandeep Kaur with files from The Canadian Press
ਕੈਨੇਡਾ ਦੀ ਯੂਨਾਈਟੇਡ ਸਟੇਟ ਲਈ ਮੁੱਖ ਵਪਾਰ ਵਾਰਤਾਕਾਰ ਜੈਨਿਸ ਚੈਰੇਟ ਦਾ ਕਹਿਣਾ ਹੈ ਕਿ ਉੱਤਰੀ ਅਮਰੀਕੀ ਵਪਾਰ ਸਮਝੌਤੇ ਲਈ ਗੱਲਬਾਤ 1 ਜੁਲਾਈ ਤੋਂ ਅੱਗੇ ਖਿੱਚ ਸਕਦੀ ਹੈ, ਉਨ੍ਹਾਂ ਕੱਲ ਔਟਵਾ ਵਿਚ ਇੱਕ ਬਿਜ਼ਨੈੱਸ ਫੋਰਮ ਦੌਰਾਨ ਬੋਲਦਿਆਂ ਇਹ ਟਿੱਪਣੀ ਕੀਤੀ, ਇਸ ਤੋਂ ਪਹਿਲਾਂ ਅਮਰੀਕੀ ਅਧਿਕਾਰੀ ਵੀ ਇਹ ਸੰਭਾਵਨਾ ਜਤਾ ਚੁੱਕੇ ਹਨ। ਮਾਹਰਾਂ ਮੁਤਾਬਕ, 1 ਜੁਲਾਈ ਦੀ ਡੈੱਡਲਾਈਨ ਨਿਕਲਣ ਦਾ ਮਤਲਬ ਹੈ ਕਿ ਕਾਰੋਬਾਰਾਂ ਨੂੰ ਹੋਰ ਅਨਿਸ਼ਚਿਤਤਾ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।
ਹਾਲਾਂਕਿ, ਚੈਰੇਟ ਨੇ ਭਰੋਸਾ ਜਤਾਇਆ ਕਿ ਲੰਮੀ ਗੱਲਬਾਤ ਖਿੱਚਣ ਦਾ ਮਤਲਬ ਇਹ ਨਹੀਂ ਹੈ ਕਿ CUSMA ਵਪਾਰ ਸਮਝੌਤਾ ਖ਼ਤਮ ਹੋ ਜਾਵੇਗਾ। ਇਸ ਵਿਚਕਾਰ ਕੈਨੇਡਾ-ਅਮਰੀਕਾ ਦੇ ਵਪਾਰ ਲਈ ਮੰਤਰੀ ਡੋਮਿਨਿਕ ਲੇਬਲੈਂਕ ਨੇ ਇੱਕ ਇੰਟਰਵਿਊ ਵਿਚ ਕਿਹਾ ਕਿ ਅਸੀਂ ਬਿਲਕੁਲ ਚਾਹੁੰਦੇ ਹਾਂ ਕਿ ਮੈਕਸੀਕੋ ਸਮੇਤ ਤਿੰਨ-ਪੱਖੀ ਵਪਾਰ ਸਮਝੌਤਾ ਬਰਕਰਾਰ ਰਹੇ ਪਰ ਪਿਛਲੇ 30-40 ਸਾਲਾਂ ਤੋਂ ਸਾਡੀ ਇੱਕੋ ਵਪਾਰਕ ਭਾਈਵਾਲ 'ਤੇ ਬਹੁਤ ਜ਼ਿਆਦਾ ਨਿਰਭਰਤਾ ਕਾਰਨ ਅਮਰੀਕਾ ਇਸ ਨੂੰ ਹੁਣ ਆਰਥਿਕ ਹਥਿਆਰ ਵਜੋਂ ਵਰਤ ਰਿਹਾ ਹੈ। ਲੇਬਲੈਂਕ ਨੇ ਇਹ ਵੀ ਸਪੱਸ਼ਟ ਕੀਤਾ ਅਮਰੀਕੀ ਅਧਿਕਾਰੀਆਂ ਨਾਲ ਉਹਨਾਂ ਦੀ ਗੱਲਬਾਤ ਚੱਲ ਰਹੀ ਹੈ ਪਰ ਉਹਨਾਂ ਗੱਲਬਾਤ ਦੇ ਵੇਰਵਿਆਂ ਨੂੰ ਜਨਤਕ ਕਰਨ ਤੋਂ ਇਨਕਾਰ ਕੀਤਾ।
