22.11C Vancouver 22.11C VancouverAug 5, 2020 3:27 PM -
ਕੋਵਿਡ-19 ਦੇ ਵੈਕਸੀਨ ਦੀਆਂ ਕਈ ਮਿਲੀਅਨ ਡੋਜ਼ਾਂ ਤਿਆਰ ਕਰਨ ਲਈ ਕਨੇਡੀਅਨ ਸਰਕਾਰ ਨੇ ਫਾਰਮਾਸੂਟੀਕਲ ਕੰਪਨੀ ਫਾਈਜ਼ਰ ਅਤੇ ਅਮਰੀਕਾ ਵਿੱਚ ਸਥਿਤ ਬਾਇਓਟੈੱਕ ਫਰਮ ਮੌਡਰਨਾ ਨਾਲ ਸਮਝੌਤਾ ਕਰ ਲਿਆ ਹੈ।
ਪ੍ਰੋਕਿਊਰਮੈਂਟ ਮਨਿਸਟਰ ਅਨੀਤਾ ਆਨੰਦ ਨੇ ਬੁੱਧਵਾਰ ਸਵੇਰ ਇਹ ਐਲਾਨ ਟੋਰਾਂਟੋ ਵਿੱਚ ਕੀਤਾ।
ਦੋਵਾਂ ਕੰਪਨੀਆਂ ਵੱਲੋਂ ਪਿਛਲੇ ਹਫ਼ਤੇ ਆਪਣੇ ਕਲੀਨਿਕਲ ਟਰਾਇਲ ਦੇ ਤੀਸਰੇ ਪੜਾਅ ਦੀ ਸ਼ੁਰੂਆਤ ਕੀਤੀ ਗਈ ਸੀ।
ਜੁਲਾਈ ਵਿੱਚ ਦੋਵਾਂ ਕੰਪਨੀਆਂ ਨੇ ਛੋਟੇ ਟਰਾਇਲ ਵਿੱਚ ਸਫ਼ਲਤਾ ਹਾਸਲ ਕਰਨ ਦੀ ਗੱਲ ਸਾਂਝੀ ਕੀਤੀ ਸੀ।
ਤੀਸਰੇ ਪੜਾਅ ਦੌਰਾਨ 30,000 ਵਿਅਕਤੀਆਂ ‘ਤੇ ਵੈਕਸੀਨ ਟੈਸਟ ਕੀਤੇ ਜਾਣਗੇ ਅਤੇ ਨਤੀਜੇ ਪੱਤਝੜ ਵਿੱਚ ਆ ਜਾਣ ਦੀ ਉਮੀਦ ਹੈ।
ਕੈਨੇਡਾ ਦੇ ਚੀਫ ਪਬਲਿਕ ਹੈਲਥ ਅਫਸਰ ਡਾਕਟਰ ਟਰੀਸਾ ਟੈਮ ਨੇ ਕਿਹਾ ਹੈ ਕਿ ਵੈਕਸੀਨ ਨਾਲ ਮਹਾਂਮਾਰੀ ਨੂੰ ਇੱਕਦਮ ਮਿਟਾ ਦਿੱਤਾ ਜਾਵੇਗਾ, ਇਹ ਉਮੀਦ ਰੱਖਣੀ ਗ਼ਲਤ ਹੋਵੇਗੀ।
