17.61C Vancouver 17.61C VancouverDec 24, 2024 5:39 PM - Connect Newsroom
ਕੈਨੇਡਾ ਸਰਕਾਰ ਵਲੋਂ ਐਕਸਪ੍ਰੈਸ ਐਂਟਰੀ ਤਹਿਤ ਪੀ.ਆਰ. ਲਈ ਐਲ.ਐਮ.ਆਈ.ਏ. ਦੇ ਪੁਆਇੰਟ ਦੇਣਾ ਸਪਰਿੰਗ 2025 ਤੋਂ ਬੰਦ ਕਰ ਦਿੱਤਾ ਜਾਵੇਗਾ। ਇਸ ਦੀ ਘੋਸ਼ਣਾ ਇਮੀਗ੍ਰੇਸ਼ਨ ਮਿਨਿਸਟਰ ਮਾਰਕ ਮਿਲਰ ਨੇ ਇੱਕ ਪ੍ਰੈੱਸ ਰਿਲੀਜ਼ ਵਿਚ ਕੀਤੀ।
ਹੁਣ ਤੱਕ ਪੀ.ਆਰ. ਲਈ. ਯੋਗ ਕਰਨ ਲਈ ਐਲ.ਐਮ.ਆਈ.ਏ. ਦੇ 50 ਤੋਂ 200 ਤੱਕ ਦੇ ਵਾਧੂ ਅੰਕ ਮਿਲਣ ਦਾ ਫਾਇਦਾ ਮਿਲਦਾ ਸੀ ਪਰ ਸਿਸਟਮ ਦੇ ਅੰਦਰ ਧੋਖਾਧੜੀ ਦੀਆਂ ਰਿਪੋਰਟਸ ਕਾਰਨ ਸਰਕਾਰ ਨੇ ਇਹ ਕਦਮ ਵਾਪਸ ਲੈਣ ਦਾ ਫੈਸਲਾ ਕੀਤਾ।
ਨਵੇਂ ਨਿਯਮ ਲਾਗੂ ਹੋਣ ’ਤੇ ਐਕਸਪ੍ਰੈਸ ਐਂਟਰੀ ਤਹਿਤ ਕੈਨੇਡਾ ਵਿਚ ਪੀ.ਆਰ. ਦੀ ਤਲਾਸ਼ ਕਰ ਰਹੇ ਉਮੀਦਵਾਰਾਂ ’ਤੇ ਇਸ ਦਾ ਸਿੱਧਾ ਅਸਰ ਪਵੇਗਾ, ਇਨ੍ਹਾਂ ਵਿਚ ਇਸ ਵੇਲੇ ਅਸਥਾਈ ਤੌਰ ’ਤੇ ਕੈਨੇਡਾ ਵਿਚ ਕੰਮ ਕਰ ਰਹੇ ਲੋਕ ਵੀ ਸ਼ਾਮਲ ਹਨ।
ਹਾਲਾਂਕਿ, ਇਹ ਨਿਯਮ ਉਨ੍ਹਾਂ ਉਮੀਦਵਾਰਾਂ ਨੂੰ ਪ੍ਰਭਾਵਿਤ ਨਹੀਂ ਕਰਨਗੇ ਜਿਨ੍ਹਾਂ ਨੂੰ ਪਹਿਲਾਂ ਹੀ ਪੀ.ਆਰ. ਲਈ ਅਪਲਾਈ ਕਰਨ ਲਈ ਸੱਦਾ ਦਿੱਤਾ ਜਾ ਚੁੱਕਾ ਹੈ ਜਾਂ ਜਿਨ੍ਹਾਂ ਦੀਆਂ ਐਪਲੀਕੇਸ਼ਨ ਪ੍ਰੋਗਰੈਸ ਵਿਚ ਹਨ।
