19.72C Vancouver 19.72C VancouverJun 24, 2024 6:04 PM - The Canadian Press
ਕੈਨੇਡਾ ਜਲਦ ਹੀ ਚੀਨ ਦੀਆਂ ਬਣੀਆਂ ਇਲੈਕ੍ਰਟਿਕ ਕਾਰਾਂ ਦੇ ਇੰਪੋਰਟਸ ’ਤੇ ਉੱਚ ਟੈਰਿਫ ਲਗਾ ਸਕਦਾ ਹੈ ਪਰ ਇਸ ਸਬੰਧੀ ਕੈਨੇਡੀਅਨਾਂ ਤੋਂ ਰਾਇ ਲੈਣ ਲਈ ਦੋ ਜੁਲਾਈ ਤੋਂ ਸਲਾਹ-ਮਸ਼ਵਰਾ ਪੇਪਰ ਲੌਂਚ ਕੀਤਾ ਜਾ ਰਿਹਾ ਹੈ।
ਡਿਪਟੀ ਪ੍ਰਾਈਮ ਮਿਨਿਸਟਰ ਸਟੀਆ ਫਰੀਲੈਂਡ ਨੇ ਸੋਮਵਾਰ ਕਿਹਾ ਕਿ ਚੀਨ-ਇਲੈਕਟ੍ਰਿਕ ਵਾਹਨ ਬਾਜ਼ਾਰ ਵਿਚ ਦਬਦਬਾ ਹਾਸਲ ਕਰਨ ਲਈ ਗਲਤ ਤੌਰ-ਤਰੀਕੇ ਅਪਣਾ ਰਿਹਾ ਹੈ ਜੋ ਕੈਨੇਡੀਅਨ ਵਰਕਰਾਂ ਲਈ ਖ਼ਤਰਾ ਹੈ ਅਤੇ ਲਿਬਰਲ ਸਰਕਾਰ ਕੈਨੇਡਾ ਦੇ ਈ.ਵੀ. ਸੈਕਟਰ ਦੀ ਰੱਖਿਆ ਲਈ ਹਰ ਤਰ੍ਹਾਂ ਦਾ ਕਦਮ ਉਠਾਏਗੀ।
ਉੱਪ ਪ੍ਰਧਾਨ ਮੰਤਰੀ ਨੇ ਕਿਹਾ ਕਿ ਸਰਕਾਰ ਇਸ ਬਾਰੇ ਜਨਤਾ ਦੀ ਰਾਏ ਮੰਗੇਗੀ ਕਿ ਚੀਨ ਨੂੰ ਕਿਸ ਤਰ੍ਹਾਂ ਦਾ ਜਵਾਬ ਦੇਣਾ ਚਾਹੀਦਾ ਹੈ। ਜਨਤਾ ਦੀ ਰਾਏ ਲਈ 30 ਦਿਨ ਦਾ ਸਮਾਂ ਹੋਵੇਗਾ।
ਓਨਟਾਰੀਓ ਦੀ ਵੌਨ ਫੈਕਟਰੀ ਵਿਚ ਪਹੁੰਚੇ ਡਿਪਟੀ ਪ੍ਰਾਈਮ ਮਿਨਿਸਟਰ ਨੇ ਕਿਹਾ ਕਿ ਚੀਨੀ ਨਿਰਮਾਤਾ ਜਾਣਬੁੱਝ ਕੇ ਗਲੋਬਲ ਪੱਧਰ ’ਤੇ ਵਧੇਰੇ ਸਪਲਾਈ ਪੈਦਾ ਕਰ ਰਹੇ ਹਨ, ਜਿਸ ਨਾਲ ਕੈਨੇਡਾ ਸਮੇਤ ਦੁਨੀਆ ਭਰ ਦੇ ਇਲੈਕਟ੍ਰਿਕ ਵਾਹਨ ਨਿਰਮਾਤਾਵਾਂ ਨੂੰ ਨੁਕਸਾਨ ਹੋ ਰਿਹਾ ਹੈ।
ਗੌਰਤਲਬ ਹੈ ਕਿ ਕੈਨੇਡਾ ਪ੍ਰਮੁੱਖ ਆਟੋ-ਮੇਕਿੰਗ ਸੈਂਟਰ ਓਨਟਾਰੀਓ ਦੇ ਪ੍ਰੀਮੀਅਰ ਡੱਗ ਫੋਰਡ ਫੈਡਰਲ ਸਰਕਾਰ ਨੂੰ ਚੀਨ ਦੀ ਬਣੀ ਇਲੈਕਟ੍ਰਿਕ ਕਾਰਾਂ ’ਤੇ 100 ਫੀਸਦੀ ਟੈਰਿਫ ਲਗਾਉਣ ਦੀ ਮੰਗ ਕਰ ਚੁੱਕੇ ਹਨ।
