14.4C Vancouver 14.4C VancouverApr 7, 2020 4:31 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਮੁਤਾਬਕ ਫੈਡਰਲ ਸਰਕਾਰ ਕਈ ਕਨੇਡੀਅਨ ਕੰਪਨੀਆਂ ਨਾਲ ਮਿਲ ਕੇ 30,000 ਵੈਂਟੀਲੇਟਰ ਬਣਾਉਣ ਦਾ ਕੰਮ ਕਰ ਰਹੀ ਹੈ।
ਟਰੂਡੋ ਨੇ ਕਿਹਾ ਕਿ ਉਨ੍ਹਾਂ ਨੂੰ ਆਸ ਹੈ ਕੋਵਿਡ-19 ਦੇ ਮਰੀਜ਼ਾਂ ਦੇ ਇਲਾਜ ਵਿੱਚ ਇਨ੍ਹਾਂ ਵੈਂਟੀਲੇਟਰਾਂ ਦੀ ਲੋੜ ਨਹੀਂ ਪਵੇਗੀ ਪਰ ਸਿਹਤ ਅਧਿਕਾਰੀ ਹਰ ਸਥਿਤੀ ਲਈ ਤਿਆਰ ਰਹਿਣਾ ਚਾਹੁੰਦੇ ਹਨ।
ਟਰੂਡੋ ਮੁਤਾਬਕ ਕਨੇਡੀਅਨ ਕੰਪਨੀਆਂ ਨਾਲ ਮਿਲ ਕਿ ਮੈਡੀਕਲ ਉਪਕਰਨ ਤਿਆਰ ਕਰਨ ਤੋਂ ਇਲਾਵਾ ਕੈਨੇਡਾ ਦੁਨੀਆ ਭਰ ਦੇ ਸਪਲਾਇਰਾਂ ਨਾਲ ਵੀ ਕੰਮ ਕਰ ਰਿਹਾ ਹੈ।
ਉਨ੍ਹਾਂ ਕਿਹਾ ਕਿ ਮਿਨੇਸੋਟਾ ਦੀ ਕੰਪਨੀ 3M ਤੋਂ 500,000 ਸਰਜੀਕਲ ਮਾਸਕ ਦੀ ਸ਼ਿਪਮੈਂਟ ਕੱਲ੍ਹ ਤੱਕ ਪਹੁੰਚ ਜਾਣ ਦੀ ਆਸ ਹੈ।
