25.78C Vancouver 25.78C VancouverJun 4, 2021 5:25 PM -
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਕੈਨੇਡਾ ਕੋਲ ਫਾਈਜ਼ਰ ਵੈਕਸੀਨ ਦੀਆਂ ਜੁਲਾਈ ਅਤੇ ਅਗਸਤ ਦੇ ਮਹੀਨੇ ਦੌਰਾਨ ਪ੍ਰਤੀ ਹਫ਼ਤਾ 2 ਮਿਲੀਅਨ ਤੋਂ ਵਧੇਰੇ ਵੈਕਸੀਨ ਖੁਰਾਕਾਂ ਪਹੁੰਚਦੀਆਂ ਰਹਿਣਗੀਆਂ।
ਇਹਨਾਂ ਸ਼ਿਪਮੈਂਟਸ ਦਾ ਅਰਥ ਹੈ ਕਿ ਫਾਈਜ਼ਰ ਵੱਲੋਂ ਕੈਨੇਡਾ ਨੂੰ ਕੀਤੀ ਗਈ 48 ਮਿਲੀਅਨ ਵੈਕਸੀਨ ਦੀ ਕਮਿਟਮੈਂਟ ਨੂੰ ਅਗਸਤ ਤਕ ਪੂਰਾ ਕਰ ਲਿਆ ਜਾਵੇਗਾ।
ਪ੍ਰਧਾਨ ਮੰਤਰੀ ਜਸਟਿਨ ਟਰੂਡੋ ਦਾ ਕਹਿਣਾ ਹੈ ਕਿ ਜੁਲਾਈ 'ਚ 9 ਮਿਲੀਅਨ ਤੋਂ ਵਧੇਰੇ ਅਤੇ ਅਗਸਤ 'ਚ 9.1 ਮਿਲੀਅਨ ਤੋਂ ਵਧੇਰੇ ਫਾਈਜ਼ਰ ਦੀਆਂ ਵੈਕਸੀਨ ਖੁਰਾਕਾਂ ਪਹੁੰਚਣਗੀਆਂ।
ਟਰੂਡੋ ਨੇ ਦੱਸਿਆ ਕਿ ਹੁਣ ਤਕ ਦੇਸ਼ ਦੇ 65% ਐਲੀਜੀਬਲ ਕਨੇਡੀਅਨ ਲੋਕਾਂ ਨੂੰ ਕੋਵਿਡ-19 ਵੈਕਸੀਨ ਦੀ ਘਟੋ-ਘੱਟ ਇੱਕ ਖੁਰਾਕ ਹਾਸਿਲ ਹੋ ਚੁੱਕੀ ਹੈ।
ਉਨ੍ਹਾਂ ਕਿਹਾ ਕਿ ਹੁਣ ਕੈਨੇਡਾ ਜੀ-20 ਦੇਸ਼ਾਂ 'ਚ ਸਭ ਤੋਂ ਵੱਧ ਪਹਿਲੇ ਸ਼ੌਟ ਹਾਸਿਲ ਕਰਨ ਵਾਲਾ ਦੇਸ਼ ਬਣ ਗਿਆ ਹੈ।
ਪ੍ਰੋਕਿਓਰਮੈਂਟ ਮੰਤਰੀ ਅਨੀਤਾ ਅਨੰਦ ਦਾ ਕਹਿਣਾ ਹੈ ਕਿ ਸਿਤੰਬਰ ਦੇ ਅੰਤ ਤਕ ਫਾਈਜ਼ਰ ਵੈਕਸੀਨ ਦੀਆਂ 50 ਮਿਲੀਅਨ ਤੋਂ ਵਧੇਰੇ ਖੁਰਾਕਾਂ ਪਹੁੰਚ ਚੁੱਕੀਆਂ ਹੋਣਗੀਆਂ।
