9.59C Vancouver 9.59C VancouverJun 4, 2025 7:49 PM - Connect Newsroom
ਕੈਨੇਡਾ ਦੀ ਹਾਊਸ ਆਫ ਕਾਮਨਜ਼ ਵਿਚ ਅੱਜ ਰਾਸ਼ਟਰਪਤੀ ਡੋਨਲਡ ਟਰੰਪ ਦੇ ਸਟੀਲ ਟੈਰਿਫ ਦਾ ਮੁੱਦਾ ਗੂੰਜਿਆਂ। ਕੰਜ਼ਰਵੇਟਿਵ ਨੇ ਇਸ 'ਤੇ ਪ੍ਰਧਾਨ ਮੰਤਰੀ ਮਾਰਕ ਕਾਰਨੀ ਨੂੰ ਘੇਰਿਆ। ਵਿਰੋਧੀ ਧਿਰ ਦੇ ਲੀਡਰ ਐਂਡਰਿਊ ਸ਼ੀਅਰ ਮਗਰੋਂ ਪਾਰਟੀ ਦੀ ਓਨਟਾਰੀਓ ਤੋਂ ਸਾਂਸਦ ਲਿਆਨ ਰੂਡ ਨੇ ਲਿਬਰਲਸ ਨੂੰ ਬਜਟ ਪੇਸ਼ ਕਰਨ ਦੀ ਚੁਣੌਤੀ ਦਿੱਤੀ।
ਉਨ੍ਹਾਂ ਕਿਹਾ ਕਿ ਸਰਕਾਰ ਹੁਣ ਪਾਰਦਰਸ਼ਤਾ ਦਿਖਾਵੇ ਤੇ ਬਜਟ ਪੇਸ਼ ਕਰੇ ਤਾਂ ਕਿ ਕੈਨੇਡੀਅਨਾਂ ਨੂੰ ਪਤਾ ਲੱਗ ਸਕੇ ਕਿ ਕਥਿਤ ਜਵਾਬੀ ਟੈਰਿਫ ਤੋਂ ਸਰਕਾਰ ਨੇ ਜੇ ਕੁਝ ਇਕੱਠਾ ਕੀਤਾ ਹੈ ਤਾਂ ਕਿੰਨਾ ਕੀਤਾ।
ਇਸ 'ਤੇ ਪਲਟਵਾਰ ਕਰਦੇ ਵਿੱਤ ਮੰਤਰੀ ਫ੍ਰੈਂਕੋਇਸ-ਫਿਲਿਪ ਸ਼ੈਂਪੇਨ ਨੇ ਕਿਹਾ ਕਿ ਕੈਨੇਡਾ ਨੂੰ ਨੀਵਾਂ ਦਿਖਾਉਣ ਦੀ ਬਜਾਏ ਇਹ ਸਮਾਂ ਇਕੱਜੁਟਤਾ ਦਿਖਾਉਣ ਦਾ ਹੈ ਅਤੇ ਇਹ ਦੇਸ਼ ਦੀ ਗੱਲ ਹੈ।
ਗੌਰਤਲਬ ਹੈ ਕਿ ਕੰਜ਼ਰਵੇਟਿਵ ਦਾ ਇਲਜ਼ਾਮ ਹੈ ਕਿ ਲਿਬਰਲਸ ਨੇ ਚੋਣਾਂ ਸਮੇਂ ਅਮਰੀਕਾ ਖਿਲਾਫ ਜਵਾਬੀ ਟੈਰਿਫ ਤੋਂ 20 ਬਿਲੀਅਨ ਡਾਲਰ ਜੁਟਾਉਣ ਦੀ ਗੱਲ ਆਖੀ ਸੀ, ਇਸੇ ਦਾ ਪਾਰਟੀ ਹੁਣ ਜਵਾਬ ਮੰਗ ਰਹੀ ਹੈ।
